SomaliTalk HTML CD


Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK  - KUWAIT
 BAYAAN ku wajahan maamulka Hargeysa

ENGLISH.VERSION

Ku: Maamulka Hargeysa.
Ku: Isimada iyo Indheergaradka Gobolada Waqooyi ee Soomaaliya.
Ku: Warbaahinta oo Dhan.
Og:Isimada iyo Indheergaradka Soomaaliyeed.
Og:Ummadda Soomaaliyeed oo Dhan.
Og:Xoghayaha Guud ee Qaramada Midoobay.
Og:Dhamman Hay'adaha Qaramada Midoobay ee deggan dalka Soomaaliya.
Og:Dhammaan Hay'adaha Samafalka ee deggan dalka Soomaaliya.

Annagoo ah Guddiga Fulinta ee Jaaliyadda ka soo jeedda gobolada Sool,Sanaag iyo Hawd ee Somalia degganna dalka Kuwait waxaanu maamulka Hargeysa uga digaynaa inuu iskudayo inuu doorashooyinka uu ku dhawaaqay inuu qabanayo bisha Oktoobar 2002da ka hirgeliyo gobolada Sool,Sanaag iyo Hawd.Isla markaas waxaanu maamulkaas kula talineynaa inuu ka waantoobo sheegashadiisa ah in goboladaasi ka mid yihiin waxa uu ula baxay "Somaliland" taasoo ilaa hadda laga kari la'yahay.

Waxaanu maamulkaas xusuusineynaa arrimaha soo socda oo ah kuwo isagoo og uu iska indhatiro isla markaasna ah sababaha aanu doorashooyin ugu qaban karin goboladaas ahna kuwa hortaagan himiladiisa dhalanteedka ah:-

1}Gobolada Sool,Sanaag iyo Hawd oo baaxadooda dhuleed tahay in ka badan 50% dhulkii sannadkii 1960kii ka hor loo yiqiin "British Protectorate of Somaliland" qabiil ahaan dadkoodu waa ka duwanyahay dadka ku dhawaaqay ka goosashada dalka hooyo.

2}Dadka goboladaasi waxay aaminsanyihiin midnimada dalka Somalia waxayna ka soo horjeedaan siyaasadkasta oo ku saleysan kala goynta dalka.

3}Waxa Isimada iyo wax garadka goboladaasi aaminsanyihiin kuna dhaqmaan habka nabad kuwada noolaanshaha,isxaqdhowrka iyo kala badbaadinta dadka deriska ah taasoo ay u arkaan in nabaddu cid walba dan u tahay gaar ahaan ka dib markii Ummadda Soomaaliyeed soo martay dagaal sokeeye oo cid walba saameeyey.Waxa madaxda goboladas iyo dadweynohooduba aaminsanyihiin in isku xadgudubku halis geliyo nabadda waana sababta aanay arrimaha deriskooda u faragelin.Sidaas darteed waxay ka filayaan deriskoodu inuu ka waantoobo faragelinta arrimahooda.

4}Goboladaasi waxay leeyihiin Isimo iyo indheer garad haga kana taliya danahooda.Waxa u dhisan hay'ado u qaabilsan arrimaha bulshada sida waxbarashada,caafimaadka,isgaarsiinta, biyaha iwm. waxayna hadda u tabaabushaysanayaan dhisidda hay'adaha ka dhiman.Sidaas darteed cid kale ugama baahna inay maamul bulsho u sameyso oo doorasho u abaabusho.

Waxaan rajeyneynaa in maamulka Hargeysa ku qanco qodobada kor ku xusan kana digtoonaado inuu dab faraha la galo.Waxa la gudboon maamulka Hargeysa inuu xusuusto jabkii iyo halaagii ku dhacay ragii uu hore ugu soo diray goboladayada si ay siyaasadihiisa uga fuliyaan.Waa inuu xusuustaa guul darraadii ka raacday afti ku sheegtii bishii May 2001.

In kastoo maamulkii ina Cigaal been ka sheegay afti ku sheegtaas haddana maamulka cusub ee Hargeysa oo aan kii hore ka duwanayni waa ogyahay inaan dadkayagu afti ku sheegtaas u codayn raggii sanaadiiqda loo soo dhiibayna ay ku dhici waayeen inay goboladayada keenaan tiradii yarayd ee soo gashayna la qabtay oo warbaahinta aduunka loo bandhigay.

Waa in maamulka Hargeysa xusuustaa guul darradii ka raacday ciidamadii uu bishii July ee la soo dhaafay keenay xuduuda gobolka Sool halkaasoo ciidamadiisu ku dhici waayeen inay soo galaan gobolka ka dibna guul darro kula noqdeen meeshii ay yimaadeen.

Waa in maamulka Hargeysa ogaadaa in dagaalo ba'an uu la kulmi doono hadduu isku dayo inuu doorasho ku sheegtiisa goboladayada la yimaado.Marka dagaaladaasi dhacaan waa inuu ogaadaa in khasaaraha weyni isaga ku dhacayo iyadoo jabka uu halkaas kala tegi doono ka sokow ay soo af jarmeyso riyadiisii ahayd "Somaliland" iyo ictiraaf doonkiisii dhalanteedka ahaa.

Si uu tageero siyaasadeed iyo mid dhaqaaleba u helo,waxa si joogta ah maamulka gooni u goosatadu aduunweynaha ku beer laxawsadaa in waxa uu ula baxay "Somaliland" nabadgelyo ka jirto.Haddi maamulkaasi soo farageliyo arrimaha goboladayada waa inuu ogaadaa in mucaawamadii uu beerlaxawsigaas ku heli jiray soo afjarmeyso.Sidoo kale waa inuu ogaadaa in riyadii beenta ahayd ee ictiraaf rajayntu noqoneyso mid taageerayaashiisa riyoonayaa ka rajabeelaan ka dib marka maamulku ku gubto dagaalada fargelintiisu huriso.

Waxaanu maamulkaas kula talinaynaa inuu ka feejignaado iskana hubiyo wararka uu ka helo nimanka u dhashay gobolada Sool,Sanaag iyo Hawd kuwaas oo ugu sheekeeya in maamulku taageerayaal badan ku leeyahay goboladaas.Maamulka iyo axsaabta kale ee ka furan Hargeysi ha ku cibra qaateen guuldarradii ka gaartay sahamadii ay u soo dirteen goboladayada kuwaas oo dhammaantood guul daarro la noqday markay taageerayaal waayeen.

Waxaanu dhammaan dadka iyo hay'adaha Bayaankani tooska iyo ogeysiintaba ugu socdo u sheegaynaa in maamulka Hargeysi ka mas'uul yahay dhibaatada dhacda hadduu isku dayo inuu gobolada Sool,Sanaag iyo Hawd doorasho ka hirgeliyo.

NIN KUU DIGAY KUMA DILIN.

Waxa BAYAANKAN soo saaray Guddiga Fulinta ee SSH-Kuwait oo ah:

1}Saalax Shire Saalax.......................................Guddoomiye
2}Axmed Maxamed Aadan {Tabaatiig}..................Xubin
3}Xasan Cali Nuur {Guntan}....................................."
4}Cali Maxamuud Cali Bayr......................................."
5}Cabdullaahi Sheikh Maxamuud..............................."
6}Maxamed Xirsi Muuse {Caynab}............................"
7}Saciid Ismaaciil Ibraahim {Hiimbool}......................."
8}Axmed Maxamed Cali {Raadsato}........................."
9}Naasir Sheikh Saalax.........................................."
10}Maxamuud Xaaji Cumar {Barraadle}..................."
11}Maxamed Sacad Maxamed.................................."
12}Cabdullaahi Maxamed Aadan{Gadhyare}................"
13}Bashiir Maxamuud Jaamac...................................."
14}Yuusuf Axmed Kawir..........................................."

Kala Xiriir:
Axmed Maxamed Aadan {Tabaatiig} ssh_kuwait@hotmail.com

ENGLISH.VERSION 


FAAFIN: SOMALITALK.COM | AUGUST 12, 2002

AFEEF: Aragtida qoraalkaan waxaa leh qoraaga ku saxiixan

WARKA XIGA - GUJI     

WARARKii  July» GUJI
» June |  MAY APRIL | MARCH | FEBRAAYO | Janaury 2002 | Wararkii 1999-2001 

Help The Fight Against Spam!

HALIS CAAFIMAAD: SOOMAALIDA MARAYKANKA

Dhadhtar ka tirsan cisbitaal kamida cisbitaalada ugu weyn Maraykanka ayaa sheegay in Soomaalida uu kusoo badanayo cudurka kaadi-sonkorowgu, warbixintaas iyo calaamadaha lagugarto kaadi-Sonkorowga
KA AKHRI HALKAN GUJI....

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
CTML CD
MACLUUMAADKA INTERNETKA
Dhibaatooyinka Soo foodsaara Soomaalida Qurbaha (Wq. Saciid Cali)

Wiil Kudhashay Caloosha iyo Mindhicirka oo Bannaanka Yaal GUJI.. 21/7 
"India Waa Aqoonsantahay DKM"
Sidaas waxaa tiri Professor caasha, Safiir ku xigeenka safaarada somaliya ee new-delhi GUJI...   20/7

C/Qaasim oo Muujiyey in DKG Diyaar u tahay in Caasimada Loo raro Hargeysa.GUJI July 18
 Booqashada Madaxweynaha DKG uu Kujoogo Liibiya
 Safaarada Soomaalida ee Liibiya. GUJI....  July 17

Libaan Xuseen oo Maraykanku Kasaaray Liiska Argagixisada
Qoraal kusoo baxay shabakada OFAC.. GUJI...  July 17

Cabdullaahi Yuusuf oo Bisha Sebtember Booqanaya USA
Warsaxaafadeed .. GUJI...  July 17

1000 Arday Soomaaliyeed oo Waxkabarta Dalka Sudan
Warbixin tifatiran oo kusaabsan ardayda Soomaali GUJI.  July 16

Zenawi oo Billada ugusaraysa ku Mutaystay Soomaaliya iyo Eretrea
Golaha Nabada Adduunka. GUJI July 16
DOODFURAN: Billada iyo Ra'yiga

Labo Kamida 3da Soomaalida Sweden oo lagasaaray Liiska Argagixisada


C/Qaasim oo Mbeki Kadalbaday in uu Dhexdhexaadiyo Itoobiya iyo DKG

  
Mashruuca Masjidka Ibnu-Tayamiya


Tubtii Qoritaanka Afka Soomaaliga

Xisbiga Shaqaalaha ee Borlänge oo Ballanqaaday Cirib-tirka Shaqo iyo Xirfad La'aanta Soomaalida
  GUJI.HALKAN  


Copyright © somalitalk.com. All rights reserved.

HTML CD [an error occurred while processing this directive]