 Jaamacadda Bariga Africa
ee Boosaaso Waxaa Loo Dhisay Laguna Dhisay Kobcinta Aqoonta Bulshada Soomaaliyeed
Waxbarshadu waa arin aad iyo aad muhiim ugu ah dadka ilaahay abuuray, la'aanteedna
waxaa ay dadku ku sugan yihiin baadi cad. Waxbarshadaasuna waa in ay noqotaa
mida saxa ah ee keeni karta horumar bulsho, waddan iyo mid qof ahaaneedba.
Markaas ayaa waxbarshadu noqonkartaa mid horumar lagu gaaro. Sidaas darteed waa
shay muhiim ah in xarumaha wax lagu barto, tayadooda iyo tabartoodaba kor loogu
qaado si aayatiinka bulshadu uu u noqdo mid horumarkeeda qayb qaata.
Taas ayaa keenatay in aan aad iyo aad isugu taxa-lujiyo sidii aniguna qof ahaan
aan wax u baran lahaa, dadka kalena ugu baraarujiyo in ay waxbartaan. Taas waxaa
ii dheer in aan isku taxalujiyo in aan inta karaankayga ah tayo iyo tabarba
wixii aan awoodo wax la qabato Jaamacada Bariga Africa ( East African
University)ee ku taala magaalada Bosaaso ee dalkeena hooyo. Taasina waa mid
waajib igu ah, maadama aan awoodo in aan caawino, aniga oo isticmaalayaa
maalkayga, muruqayga, maskadayda, saaxiibaday iyo wakhtigaygaba. Taasina kuma
imaan masayr,
ee waxay ku timid waxbarsho jacayl iyo ka fekerida aayatiinka
ubadka Somaaliyeed ee haatan xabadu kala qoqobtay.
Ilaa hada waxaan Jaamacada Bariga Africa (East African Univesity) u haynaa qalab
iyo boog gaaraysa ilaa 3 kun oo buug, kuwaas oo isugu jira qaybo kala duwan,
sida taariikhda, sharciyada, cilmiyada bulshada, luuqadadaha, ganacsiga iyo
maamulka. Waxaa kale oon ogahay in sida waddanka Australia oo kale ay jiraan dad
kale oo iyana inta aan anagu qabanay labo jibaarkeed jaamacdaas u qabtay, iyaga
oo u diray buugaag, computers, printers iyo qalab kale oo badan oo jaamacda iyo
ardaydeedaba faa'iido weyn u leh. Waxana qabaa in dadkaas loogu mahad celiyo
hawshaas wanaagsan ee ay qabteen. Waxaana haboon in laga dhowr hadalada
qaarkood,
khaasatan kuwa niyaddooda daqmi kara, sababta oo ah filimaayo in
jaamacdaas lagu furay "Masayr",
ee ay sababtu tahay kordhinta aqoonta bulshada
Somaliyeed, khaasatan kuwa ku nool dhulka haatan lasku yiraahdo Puntland oo
iyagu aan horay u lahay jaamacada, wakhtigii jaamacadaas la dhisay iyo haatana
aan awood u lahay in ay caruurtooda u dirsadaan jaamacadaha ku yaala Muqdisho,
Boorame amaba Hargaysaba, arimo badan aawadood.
Prof Cabdi Samatar "Hinaase waa jiraa, Daar waa la furi karaa... haa waa labilaabay
jaamacadaas laakiin uma dhawa midda Camuud & midda Hargaysa iyo Muqdisho,..GUJI.
|
Waxaa naasib daro ah in dadkii aqoonta lahaa ee aan filayney in ay shucuurtayada
kor u qaadaan iyaga oo naguubaabinya ay haatan noqdaan kuwo na niyad jebiya.
Hadaalkaas waxaan u la dan leeyahay walaalkay Prof. Samatar
oo khudbad uu
jeediyey dhowr kelmedood oo ka mid ahi shucuurtayda saamayeen.
Waxaan maqashoonahay in wakhtiga xaadirka ah ay Somaaliya ka dhisan yihiin
jaamacada badan oo ka kala dhisan, Muqdisho, Hargeysa, Boorame iyo Bosaaso.
Waxaa kale oo igu maaqaale ah in Baydhabo iyo Beledweynana laga dhisayo.
Arinkaasina waa mid aad loogu faraxo sababta oo ah wanaag ayey dhalinyaan
maadaama ay ka qayb qaadanayaa mustaqbalka bulshada iyo dalkaba.
Waxaan qabaa in kuligood ku yimaadeen sababo badan, oo ay ugu horayso kala
qoqobnaanta ummadda Somaliyeed. In muda ahba dadka Somaaliyeed si baqdin la'aan
ah iguma gudbayn. Sababta oo ah waxaa dadkeena Somaaliyeed iska asleen
bilaawaha, welina gacanta ayuu inooku jiraan, lamana dhigin. Taasina waxaa ay
keenata in aan waxbarshadii la joojin, horumar dheeradan la bilaabo. Taas ayaana
keenatay in meelo badan hoy waxbarasho laga dhiso. Waxaana aad iyo aad u
caawinay dadka Somaliyeed ee waddanka dibadiisa iyo gudihiisaba ku kala nool.
Hoyadaasna haatan way shaqayaan waxbadan ayeyna dadkee tareen.
Sidaas darteed, waxaa muhiim ah in dhamaanba dadka Somaliyeed qaybteed aqoonta
lehi ay aad u guubaabiso inta kale si ay uga qayb qaataan horumarinta waxbarshada
ummada Somaliyeed. Waxaan ka codsanayaa in dadka Prof. Samatar
oo kale ahi noo
noqdaan hormood aanu ku dayano. Waxaan kale oo ka codsanayaa in aanay nagu noqon
kuwo na niyad jebiya oo shucuurtayad wax u dhima.
===========================
Ciise Maxamud Faarax "Dhollowaa"
imfarah@students.latrobe.edu.au
Melbourne, Victoria
Australia
Phone; 0415 172 025 (in Australia)
61 415 172 025 (outside of Australia)
FAAFIN: September 9, 2002
Warbixintii Hore ee EAU: http://somalitalk.com/eau
DOODFURAN: ARAGTIDII
DADWEYNAHA EE HADALKII Pr. SAMATAR:
Afeef: Aragtida qoraalkan waxaa leh qoraaga
ku saxiixan
WARARKA KALE
AGOOSTO | WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
.
| 
dhollowaa
