|
Qareen taageeray in la xukumo qaad-wale
soomaaliyeed oo reer Maine ah
Portland, Main -
Qareen reer Portland, Maine oo ah gobol eey
soomaalidu ku badanayaan ayaa taageeray in eedeymo lagu soo oogi karo nin
soomaliyeed oo lagu sheegay inuu baakad qaad ku jiro kasoo qaaday xafiis eey
shirkadda Fedex ku leedahay Portland.
Cabdiqani Xuseen oo ah ninkii ugu horeeyey ee
eedeymo la xiriira qaad lagu soo rogo gobolka Maine ayaa sidoo kale ah mid
kamid ah dadka ugu horeeya ee taariiqda mareykanka lagu helo soo dajin qaad iyo
waliba suuq geyntiisa, ninkan waxaa lagu helay danbigan Oct 9-keedii.
Abdiqani Xuseen ayaa la xukmin doonaa billowga
sanadka fooda inagu soo hayya ee 2003, waxaana dhici karta in lagu xukmiyo ilaa
iyo labaatan sano oo xarig ah, walow caadi ahaan danbiyada noocan ah 6 bilood
wax ku dhow lagu xukmiyo.
Abdiqani waa qoxooti soomaaliyeed oo dhawaan
dalabday dhalashada waddankan, ha yeeshee waxaaba laga yaabaa in la tarxiilo !
" si kastoo eey xaaladu tahay, qofku mar
haduusan dhalashada waddankan heysan, danbi weyna uu galo, waa suura gal in dib
loo dhoofiyo " sidaas waxa yiri Garyaqaanka difaacaya Abdiqani Mr Joseph
Groff.
Cabdiqani hadda ma xirna, oo lacag
madaxfurasha ah ayaa ka taal, laakiin wali wax racfaan ah lagama qaadanayo
xukunkiisa sida uu sheegay garyaqaankiisa ilaa xabsiga looga taxaabo.
sheybaaradii ugu danbeeyey ee baaritaanka
cilmiyeed ku sameeyey qaadka ayaa sheegaya in marka uu cossobka yahay (Fresh)
eey ku jirto kiimiko loo yaqaan (Cathinone) ha yeeshee marka uu baarixiga isku
badelo ayeey kiimikadaasu ka dhimataa, sheybaarayaashuna wexeey cadeeyeen in
qaadka Cabdiqani London uga yimid eey ka buuxday kiimikadaas oo mareykanka
mamnuuc ka ah, una dhiganta Cocaine-ta iyo Heroin-ta marka sharciga la eego.
Garyaqaanka Cabdiqani ayaa ku doodaya inuusan
muwakilkiisu kawarheyn in kiimiko ku jirtay baakadda usoo dagtay, xitaa danbi
baarayaasha qaar baa aaminsan in qaadku u dhigmo Cofee-ga iyo shaaha eey
mareykanku cabaan maalin walba.
laakiin garyaqaanada dowladda ayaa sheegaya in
Cabdiqani uu si fiican uga warqabay inuu sameynayo wax aan sax aheyn, maxaa
yeeley beey yiraahdeen : wuxuu baakada ka soo qaadayey xafiiska Fedex si uu ugu
geeyo nin meel kale oo Portland ka tirsan jooga, sidoo kale waxaa laga soo
diray London iyadoo lagu soo hagaajiyey cinwaan aan jirin, taas oo shaki badan
dhalineysa.
si kastaba ha ahaatee kiisaska qaadka iyo
soomalida ayaa noqonaya kuwa ku soo badanaya magaalooyinka eey soomalidu ku
badan yihiin oo eey Minneapolis ugu horeeyso.
ISHA: GUJI
HALKAN......
C/raxman Ceynte
St.paul, MN
ceyntejournalist@attbi.com
November 01, 2002
ELDORET:
Taxanaha Wararka
WARARKII OCTOBER
|
SEPTEMBER
|
AGOOSTO | JULY
| JUNE |
MAY | APRIL
|
MARCH | FEBRAAYO
|
Janaury 2002
| Wararkii
1999-2001
com
| 
