OYA/03/2002
October 28, 2002
Warbaahintu waxay maanta dunida ku leedahay mudnaan gaar ah, iyada ayaana
qaybisa aragtida guud ee bulshooyinka. Warbaahin kastaa waxay u jirtaa dano iyo
ujeedooyin gaar ah oo ka turjumaya danaha cidda sameysatey.
Ururka Dhalinyarada Ogaadeeniya waxa uu aaminsayahay Saxaafada xorta ah iyo
ra’yi dhiibasada xalaasha ah. Taas micnaheedu ma’aha in aan gacmaha ka laabano
wararka warxumo tashiilka ah ee wata magaca Ururka Dhalinyarada Ogaadeniya ee
shaqsi/shaqsiyaad soo qoreen/qorey ee aan ka turjumayn haba yaraatee codka
Ururka Dhalinyarada Ogaadeeniya iyo guud ahaan ururada bulshada Ogaadeeniya ee
hor u soocdka ah.
Hadaba, waxaan halkan ku cadeynaynaa in qoraal dhawaan ku soo baxay shabakadaha
Intertka qaarkood, sida Somalitalk.com oo ciwaankiisu ahaa “ BAAQ KA SOO BAXAY XAFIISKA SARE EE URURKA DHALIN YARADA OGADENYA EE NORTH AMERICA” uusan ahayn
haba yaraatee mid wax ka jiraan ama ka turjumaya uruka ku magacaaban qoraalkaas.
Ururka Dhalinyarada Ogaadeeniya ee Waqooyiga Amerika waa urur ka mid ah ururada
bulshada ee Ogaadeemiya ee taagreesan halganka ay u hormuudka u tahay Jabhadda
Wadaniga Xoreynyta Ogaadeeniya JWXO-ONLF ee Xornimo gaadhsiinta ummadda
Soomaaliyeed ee Itoobiya Gumeysato.
Sidaas darteed waxaan uga digaynaa Warbaahinta Soomaalida in ay ka
digtoonaadaan, shaqsiyaadka adeegsanaya magacyo aysan matelin, raadraacna ku
sameeyaan qoraalada loo soo gudbinayo.
Shaqsiga ama shaqsiyaadka qorey qoraalkaas, waxaan ku sifaynaynaa in uu
yahay/yihiin naf lacaari aanan waxba nooga duwaneyn Gumeysiga madow ee aan kula
jiro halganka xaqa ah. Waxaana hubaal ah in uusan jirin urur ama kooxo kula jira
loolan ama mabda’ siyaasadeed Jabhadda Wadaniga Xoreynta Ogaadeeniya oo aan ka
ahayn dawladda Itoobiya.
Gebogabadii, Ururka Dhalinyarada Ogaadeeniya wuxuu saxaafada xorta ha la
socodsiinayaa in qoraal aanan ka soo bixin Emailkan Ogadenyouth@yahoo.com
uusan ka soo bixin Ururka Dhalinyarada Ogaadeeniya ee Waqooyi Amerika.
Waxaanan idiin cadeynaynaa in aan ka mid nahay Ururada bulshada ee Ogaadeeniya
ee taagreesan halgnka ay JWXO-ONLF horseedka u tahay.
Ururka Dhalinyarada Ogaadeeniya
Xafiiska War-faafinta
Minneapolis MN U.S.A.