SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - UK
GOLAHA WADATASHIGA SOOMAALIYEED

G/W/S/011/03 London, 18/05/2003 | Faafin: May 22, 2003

Ku:- Wargeysyada Madaxa banaan

Uj:- Bayaan

KAAH

Hordhac

laga soo bilaabo 1960kii, oo ay ummadda Soomaaliyeed hanatay xorriyadeedii qiimaha wen ugu fadhiday, dowladihii hogaanka qabtayna madani iyo ciidamba waxay noqdeen kuwo marin habaabiyay, lumiyayna rajadii iyo kalsoonidii shacbiga Soomaa;iyeed.

Iyadoo dalka oo dhami lagu fidiyaymaamul xumo,fowdo,caddaalad darro, qabyaalad iyo qeybin aan loo meel dayin, taas oo sabab u noqotay burburka maanta ka soconaya dalkeena Soomaaliya iyadoo waliba jirin barnaamij iyo aragti mideysan oo siyaasadeed.

1991dii burburkii maamulkii meleteriga, waxaa dalka ka biloowday dagaallo sokeeye laguna waayay inta la og yahaynaf iyo maal, una horseeday ummadda Soomaaliyeed burbur, qax, iyo xasuuq, halisna galiyay Qaranimadii Sharaftii Ummadda Soomaaliyeed, iyo waliba aanan hadal iyo qoraal ku soo koobi karin halista aynu maanta ugu jirno fagaarayaasha caalamiga iyo kuwa gobolleed ayna u eg tahay in aan weyno xuquuqdii Soomaalinimo ee aan laheyn, Sida Dowladda Talyaaniga oo hadda ka hor iskaba diiday Baasaboorkii Soomaaliga.

Waxaa xaqiiq ah in aysan beesha caalamku u hagar bixin, taageero wax ku ool ahna ayan u fidin shacbiga Soomaaliyeed oo la il daran dhibaatada heysata dartee, iyadoo taasi jirto ayaa waxaa nasiib darro noqotay in madax Soomaaliyeed sii wadaan hurinta colaadaha sokeeye.

Waxaa lagama maarmaan noqotay in la helo hab wax ku ool ah oo looga hortago dhibaatooyinkan kor ku xusan, si loo badbaadiyo riyada Shacbiga Soomaaliyeed ee ah helitaanka hanaan dowladeed ku dhisan nabad iyo wax qabad dhab ah oo ay helaan dhamaan ummadda Soomaaliyeed.

Sidaas darteed:-

1- Markii lagu hungoobay shirarkii dib u heshiisinta Soomaalida ee lagu qabtay Dalka dibeddiisa laga soo bilaabo shirkii Jabuuti "July 1991", "Addis Abeba Gen.-Marzo 1993dii", "Qaahira 1994", "Jidda 1995", "Sodere 1996dii", Qaahira 1997dii, Carta Maajo 2000" iyo kan hadda ka soconaya dalka aan dariska nahay ee Kenya", shirarkaas oo aan dhamaantood lagu guuleysan sababaha soo socda dartood:-

A- Aduunwenaha oo aan aragti mideysan ka yeelan arrinta Soomaaliya B- Madaxda Soomaalida oo aan iyaguna isku aragti ka aheyn sidii loo dhameyn lahaa khilaafkooda C- Hogaamiyayaasha ka qeyb galaya oo aan heysan kalsoonida Shacbiga ay sheegaan in ay metilaan D- Degaano ka mid ah dhulka Soomaalida oo dagaallo joogta ahi ka soo cusboonaanayeen E- Ka dib markii ay soo foodsaareen abaaro iyo aafooyin culus kaalmadii loo baahnaana aan la helin dalkuna ku sii baahday nidaam iyo sharci la'aanta maanta jirta.

HOGAAMIYAYAASHA SOOMAALIYEED

Sidaas darteed wuxuu Golaha Wadatashiga Soomaliyeed ugu baaqayaa madaxda Soomaalida iyo ka qeyb galayaasha shirka hadda ka soconaya Kenya qodobadan:-

1- In ay si wadajir ah uga shaqeeyaan dagaanaanshiyaha, Xasilloonida iyo Daryeelidda midnimada ummadda Soomaaliyee.

2- In ay ka wada shaqeeyaan talaabo kasta oo u horseedeysa gaaridda dhisme dowlad loo dhan yahay oo Soomaaliyeed si loo xaqiijiyo midnimada Ummadda Soomaaliyeed mar kale.

3- In ay ku dadaalaan sidii loo dhameyn lahaa khilaafka Soomaalida dhexdeeda, isla markaana lagu dhaqaaqo talaabooyin lagu xaqiijinayo wadajirka iyo midnimada ummadda soomaaliyeed, si loo hubiyo in dalka ay ka dhacdo nabadgalyo waarta.

4- In aad wada shaqeyn joogta ah la yeelataan xoogagga caalamiga ah sida ururada OAU, OIC, IGAD, EU, UN, iyo dowladaha gacanta inaga siinaya nabad iyo dib u heshiisiin dhab ah oo ka hirgasha Soomaaliya.

5-In aad si wadjir ah u ilaalisaan dhowrtaana qodobada lagu heshiiyo, si ay u fududaato helitaanka iyo ka gun gaaridda shirka ee ah nabad iyo dhisme dowlad Qaran.

SHACBIGA SOOMAALIYEED

Waxaa lagama maarmaan noqotay iyadoo la daryeelayo danta iyo maslaxadda dadkeena Soomaaliyeed in Golaha Wadatashiga Soomaaliyeed u soo jeediyo Ummadda Soomaaliyeed baaqan:-

Golaha Wadatashiga Soomaaliyeed wuxuu dhamaan shacbiga Soomaaliyeed ugu baaqayaa in ay gadaal iska dhigaan dhibaatada dhexdooda ah una soo wada jeestaan sidii si nabad galyo iyo wada hadal loogu dhamayn lahaa khilaafka Soomaaliya , looguna noolaan lahaa dalka nabadgalyo loogana soo kaban lahaa dhibaatooyinkii la soo maray.

Himilada iyo horumarka wanaagsan ee dalka Soomaaiya waxaa lagu gaari karaa oo kaliya iyadoo dhamaan dadka Soomaaliyeed ka wada shaqeeyaan kana qeyb qaataan soo celinta qaranimadoodii, Golaha Wadatashiga Soomaaliyeed wuxuu ugu baaqayaa is afgarad loo dhan yahay dhamaan Soomaalida, kulana talinayaa kooxada iyo qabaa'ilka dagaalladu ay ku dhex marayaan gobollo iyo degmooyin ka tirsan dalka in ay ka waantoobaan hurunta iyo sii socoshada colaadaha sokeeye.

SHIRARKA DIB U HESHIISIINTA.

Golaha Wadatashiga Soomaaliyeed wuxuu ka deyrinayaa mar kale maqnaanshiyaha shirka ay ka maqan yihiin walaalaheen Somaliland, waxaana ugu baaqayaan madaxda K/Soomaaliya in ay ka gareystaan walaalahooddhibaatadii magaca Soomaaliyeed loogu geystay, Hogaamiyayaasha ka qeyb galaya shirkana uga hoydaan dhibaatada ay ka tirsanayaan ee keentay sheegashadooda ah in ay ka go'een Soomaaliya inteeda kale.

Golaha Wadatashiga Soomaaliyeed wuxuu xusuusinayaa walaalaheen Somaliland suurto gal la'aanta in soomaaliya kal go'do halka ay maanta ka midoobeyso dunida, sidaas darteed waxaan mar labaad idiin xusuusinayaa lagama maarmaanimada midnimda Soomaaliya.

Ilaa iyo inta uu socda shirka iyo ergooyinka ka qeyb galayaba ugu baaqayaa in ay dib u eegaan xaalka nololeed ee shacbiga Soomaaliyeed ku sugan yahay iyo sida loogu baahan yahay in wax loogu qabto iyadoo la kaashanayo Ilaahey.

BEESHA CAALAMKA.

mahuraan 
MAHURAAN
: Waa buug dhowaan soo baxay GUJI...

Waxaa hadaba ku waajibay Golaha Wadatashiga Soomaaliyeed in uu adduunweynaha ugu baaqo in ay taageeraan shacbiga soomaaliyeed oo ay hor joogaan ma "NAXAYAAL XIL IYO DARAJO DOON AH", wax kastana ka hor mariya danahooda ku dhisan "WAALIDA" sidaas darteed waxaan ugu baaqayaa in ay kordhiyaan kaalmadooda bini'aadamnimo, taageero buuxdana siiyaan shirka ka soconaya Kenya.

Golaha Wadatashiga Soomaaliyeed wuxuu ugu mahad celinayaadhamaan ururada iyo dowladaha taageeray ummadda Soomaaliyeed ilaa iyo intii ay soo food saareen dhibaatooyinka magangaliyayna qaxootiga Soomaaliyeed.

Waxaan u rajeynayaa Ummadda Soomaaliyeed iyo shirka soconayaba Guul, Nabad, iyo Xasillooni waarta.

Kaaliyaha Xoghayaha Arrimaha Dibedda ahna Wakiilka Golaha wadatashiga Soomaaliyeed u jooga dalka Talyaaniga Abdulaziz Ali Ibrahim "Xildhiban" Email: xildhiban@hotmail.com 

-dhammaad-

Afeef: Aragtida qoraalkaan waxaa leh qoraaga ku saxiixan

Faafin: SomaliTalk | May 22, 2003 

 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
xayaysiis

Copyright © somalitalk.com. All rights reserved.

HTML CD [an error occurred while processing this directive]