SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - MUQDISHO
Xildhibaanada Digil iyo Mirifle oo go'aan ka gaaraya mustaqbalka guddoomiyaha baarlamaanka KMG ah C/dalla Deeroow Isaaq.
KAAH

Shir ay shalay [May 2] isugu yimaadeen xildhibaanada ka tirsan golaha Baarlamaanka KMG ah ee ka soo jeeda beesha Digil iyo Mirifle oo ka dhacay magaalada Muqdisho, ayaa looga hadlay arimo dhawr ah oo ay ka mid yihiin, isu keenidda dhinacyada RRA ee Col. Shaati Guduud, Xaabsade iyo Shiikh Aadan Madoobe oo isku dilaya gacan ku haynta gobolada Baay iyo Bakool, waxaa kaloo kulankaas looga hadlay wixii laga yeeli lahaa C/dalla Deeroow Isaaq, waxana loo saaray guddi ka kooban 11 xildhibaan oo la faray inay go'aan kama dambays ah keenaan, muddo laba maalmood gudahood ah.

Xildhibaandani waxay kaloo ka hadleen nabadaynta gobolka Benaadir oo beryahanba ay wadeen hoggaamiye kooxeedyada Muqdisho, waxayna sheegeen in beelaha Digil iyo Mirifle ay taageersan yihiin maamul u samaynta gobolka Benaadir, ayna tahay muhiim in la xalliyo mashaakilaadka caasimadda.

Shirkan gaarka ah ee ay yeesheen xildhibaanadan ku abtirsada Digil iyo Mirifle, ayaa wuxuu ka danbeyey ka dib markii uu ismaandhaaf siyaasadeed soo kala dhexgalay madaxweynaha dawladda KMG ah, Dr. C/qaasim Salaad Xasan iyo guddoomiyaha golaha Baarlamaanka KMG ah, C/dalla Deeroow Isaaq, waxaana laga yaabaa in xildhibaanadan Digil iyo Mirifle ay ka baaraan degayaan sidii ay u keeni lahaayeen nin kale oo lagu bedelo C/dalla Deeroow Isaaq oo laga yaabo inuu jagadiisa waayo maalmaha soo socda.

Maalmaha nagu soo fool leh ayuu Baarlamaanka isla gorfaynayaa Ajendayaal door ah oo ay ka mid yihiin qiimaynta shirka Nayroobi iyo waliba arimaha ay ka mid yihiin dib u eegista hawshii ay qabatay xukkuumadda Xasan Abshir Faarax iyo arimo kale.

Xildhibaan Maxamed Axmed (Maas) oo ka hadlay khilaafka ka dhex aloosan TNG-da.

Afhayeen u hadlay 29-kii Xildhibaan ee diidanaa in la rido Cali khaliif Galayr, oo lagu Magacaabo Xildhibaan maxamed Axmed Ciise [Maas] ayaa ka hadley khilaafka ka dhex taagan Madaxda sare ee TNG-da waxa uuna yiri "29kii Xildhibaan ee diidanaa in Cali Khaliif xilka laga qaado waxay ahaayeen kuwii ugu mowqifka adkaa dowladii Carta lagu soo dhisey iyadoo markaa laga weecanayey aragtidii ku aadaneyd xil ka qaadistaas"waxaanu u argney 29keena in aaneey Carta qeybsami karin o aaneey cadow isku noqon karin, in badana waan ka digney cawaaqibxumadda ka imaan kartey arintaas ilaa Maanta ay qeyb-qeyb u kala burburtey, ayuu yiri Xildhibaan Maas oo intaa ku darey in aaneey arintani timaadeen hadii aan la isku baheysan Xil ka qaadistii Cali khaliif, waxa uuna ugu danbeyntii soo jeediyey in aan la baabi'in natiijadii Carta ee Reer jabuuti maaal iyo maskaxda isugu geeyeen.

Dhinaca kale, waxaa shalay kalfadhigii 5-aad, kulankiisii saddexaad ee baarlamaanka KMG ah looga dooday arimo ay ka mid yihiin in qiimayn lagu sameeyo shirka Mpegathi, waxaana is qoray ilaa 30 xildhibaan oo 9 ka mid ah oo kaliya ay shalay fursad u heleen inay halkaas ka hadlaan, xildhibaanada halkaas ka hadlay waxaa ugu hadal kululaa xildhibaanadda lagu magacaabo Nadiifo Shiikh Axmed oo iyadu sheegtay in C/qaasim uu khiyaamay Baarlamaanka, isna la khiyaamay markiisa ayna maanta khasab noqotay in iyaga dib loogu soo cesho wixii qolka mugdiga looga wada hadlay, sidoo kale waxaa isna hadlay Xildhibaan Aadan Maxamed Cali oo halkaas ka sheegay in loo baahan yahay in la badbaadiyo qaranka Soomaaliyeed, lana joojiyo is qabqabsiga ka dhexeeya mas'uuliyiinta ugu sareeya TNG-da, wuxuu kaloo xildhibaanku soo jeediyay in xubno ka tirsan TNG-da, loo diro Kenya, si ay u soo dhammeeyaan ismaandhaafka.

Kalfadhigan 5-aad ee golaha baarlimaanka KMG ah ayaa furmay markii u horreysay tan iyo intii la aaday shirka dib u heshiisiinta ee haatan ka soconaya dalkaasi Kenya, wuxuuna kalfadhigani ku soo beegmay xilli ay jiraan khilaafyo issa soo taraya oo oo u dhexeeya mas'uuliyiinta Carta, iyadoo walilba xiligoodiina sii dhamaanayo.

Mogadishu Weekly Reporter A. D

weekly@somalitalk.com

Qoraaladii hore ee Mogadishu Weekly

  May 3, 2003 

Kulaabo Bogga Hore....

 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
xayaysiis

Copyright © somalitalk.com. All rights reserved.

HTML CD [an error occurred while processing this directive]