SomaliTalk DALSAN
w w w . S o m a l i T a l k . c o m
SOMALITALK - MAQAAL
Argagaxisada somalia joogtaa waa qabqablayaasha dagaalka

zayid cumar cabdilahi
 <zayidcumar01@yahoo.co.uk>

salaamu calayku  w . r . w. b........

ilaahay ayaa mahadleh s.w t.
 
sida aad ka wada dharagsantihiin waxa mudo dheeer ka socda dalka kenya shirkii kooxaha somalida oo ay bulshada rayidka ahi in badan ka dhursugaysay inuu noqdo shirki soo gababayn lahaa dhibaabatada ka tagan dhulka hooyo ee xalka loo waayay.
waxay dad waynuhu iyo beesha caalamkuba is waydiinayaan meesha ay sartu ka qudhuntay ee ay nimankan sheeganaya hogaamiyayaasha anigu waxaan odhan lahaa caqli laawayaasha'e  ay u heshiin la yihiin dhawr iyo tobanka sano .
umada somaliyeed gudo iyo dibadba waxay ka dharagsanyihiin oo ay barteen kalmadaha mac macaan ee eed ka cararka ah ee ay qabqablayaashu markay waraysiyada bixinayaan ay ku hadlaan iyaga oo og ama ku balamay inayna waligood heshiin.
 
laba nin ayaa bari colaad xumi dhex martay markaasaa in badan laysku dayay in la heshiisiiyo .marka arintaa la soo qaadaba mid ayuunbaa wax dheerad ah taban jiray. in badan ayaa lagu guul daraystay in la heshiisiyo maalintii dambe ayaa la yidhi bal labadooda fool ka fool ha la isugu keeno iyaga ayaa heshiin doonee.meel banaan oo cid la ah ayaa laysugu geeyay oo ay ku faqeen. dadkii oo dhami waxay muujiyeeen niyad sami markay labadii nin sheeda ka arkeen iyaga oo wada hadlaya waxay saadiliyeen inay hesiin doonaan. in yar ka dib  ayaa xagii dadka ay u soo dhaqaaqeen iyaga oo dhoola cadaynaya . dadkii way sii rumaysteen in heshiis waara uu dhex maray labadii nin ee inta badan colka ahaa.
marki ay dadkii soo gaadheen ayaa la waydiiyay oo la yidhi ma heshiiseen markaasay yidhaahdeen (waanu heshiinay)
dumarkii ayaa mashxarad iyo rayn rayn ku dhawaaqay dadki oo dhamina way soo dhaweeyeen. oday wax garad ah ayaa ku yidhi hadad heshiiseen maxad ku heshiseen.
waxay yidhaahdeen( waxanu ku heshiinay inaanan waligayo heshiinin).
 
si markaad ka eegto labadas nin way heshiiyeen dhinac markaad ka eegtana may heshiinin oo colaadii waa halkeedii.
 
waxaan uga socdaa dadka ka sugaya shirka kenya heshiis sal u noqda nabad waarta oo ka aslaaxda somalia inay rajadoodu aad u liidato ilaahay kama dhiga 'o marka  aynu ka saadaal qaadano kuwan umada somaliyed argagixisada ku noqday ee hogaamiyayaasha sheeganaya waxay soo saari doonaan wax heshiis ku sheeg ah lakin ka dhigan heshiiskii labadaa nin dhex maray oo ah inanay waligood heshiin.
umada somaliyeed gaar ahaan dadwaynaha xamar dagan iyaga ayaa ka masuul ah dhibta umada somaliyeed soo gaadhay inteeda badan .shirki carta waxa laga soo saaray dawlad somali oo dhami dooratay oo loo hanwaynaa oo waliba madax wayne uu u yahay nin reer muqdisho ahi. intii aan cid kalaba wax ka sheegin dadki ugu horeyay ee ku mucaarada iyaga ayay ahaayeen.meesha kaliya ee somalia wali dhiig ku sii dadanayo 15 sano dawladii somalia burburkeedii ka dib xamar ayaa jirta .waxan maqlaa mudaharad nabadeed oo ka dhacay muqdisho .lakin waxaan leeyahay mudaharad nabadeed waxba idinma soo kordhinayo oo meesha dhinacyo badan ayaa ku dagaalamay mid walbaaba kan kale ayuu isu nabayaa .waxa laydinka doonayaa kacdoon shacbi(public revolution)oo ah kii ruushka iyo faransiiska ka dhacay oo kale .waxa laydin ka doonayaa inaydun meel walba oo aad maraysaan dhagax tuurtaan oo aad ku qaylisaan oo aydu niyada ka nacdaan qabqablayasha ,inaydun cadadis saartaan oo aydun xataa guryahooda hortooda is tubtaan si ayna suuqa ugu bixin.lakin imika waxay u muuqataa inay reer muqdisho raali ka yihiin sida arimuhu u socdaan waayo dadki maanta fadhiyi lahaa maaha, iyaga ayay ka dhasheen kuwan hogamiyaasha sheeganayaa ee samada kamaysoo dhicin nin walbaaba odayaal iyo sulaadin ayuu reerkoodu leeyahay oo xidhe u ah.ciidamada la socda nin walba aabo ayaa dhalay oo ina hebel weeyaan .waxaan leeyahay reer muqdisho fadhiga ha ka kacaan somalia iyaga ayay u cadilnaan doontaa 15 sano oo kale hadii ayn sidan soo dhaamin ilamaha aniga in kenya iyo ethiopia oo cadawga somalia ahi inay dawlad soo dhisayaan oo waxad ku tusaale qaadataan waraysigii daneil arab moi.
somalia cidina uma maqna ceelna uma qodna hadii ayna dadkeedu tashan oo ayna hurdada ka kicin.
reer somaliland hadaanu nahay anagu waanu tashanay oo cid aanu la gorgortano ayaanu sugaynaa puntland iyadana arinteedu nin kaliya ayay ka godaa .
meesha kaliya ee xalka laga sugayaa waa caasimadii umada somaliyeed .
waxan leeyahay halki laga odhan jiray somaliyeey toos toosoo isku tiirsada .
 
(muqdishoy toos toosoo isku tiirsada )
 
ilama aha shirkii carta shir ka wayn ayay somali isugu iman doontaa .ilama aha dawladii carta dawlad ka aqoon badan ayay ethiopia soo wadaa .shirka ergadiisii cuntada loo diiday waxay somalia ka sugto ayaaba iska yar .
 
waxan kaloo dadwaynaha xasuusin lahaa in ayna nimanka hogaamiyaasha sheeganaya ee ay xalka ka sugayaan caafimadkooduba haagaagsanayn oo ay bukaan sida aynu ka aragno wararka caalamka .
waakii abwaan sangub lahaa inu iyaga u jeeday ayaan filayaaye.
 
(dhiigoodaaa aad u badan maskaxdu way wada buktaaa maskaxdu way wada buktaa)
 
dad aan miyir  qabin dadka wax ka sii sugaa iyagaa ka sii daran.
waxaan ku si rumaystay inayna miyir qabin hogaamiyaasha kooxuhu .shirki carta waa tii la dhaariyay shaati guduud oo uu dhaarta maray oo uu baarlamanka lagu daray markii baydhabo u tagay ayuu ka baxay dawladi waraysi aya laga qaaday oo waxa la yidhi sowdigi dhaartay maxaa kugu dhacay .
wuxu ku jawaabay heeso ayay nagu asqaysiiyeen.
nin wayn oo masuul ah is bad badalka intaa leeg haduu sameeyo waxay muujinaysaa inuuna miyir qabin.
xalka umada somaliyeedna haduu kuwaas ku xidhmo anigu garan maayo arintu siday noqon.
waxa kale oo aan idin xasuusin laha ninka muuse suudi la yidhaaa ee lahaa hawiye aya somali madaxwayne u ah isaga oo gabood ka dhiganaya hawiye si uu u diido waxa ka soo baxa shirka kenya ayna ka aheen hawiye jacayl.hadii uu hawiye wax la doonayo cabdi qaasim ayuu tageeri lahaa oo uu isagu sabab u aha ridida dawladii kumeel gaadhka ahayd.
 
waxaan  ku so gababaynayaa .
 
(canaano daatayba dabadood la qabay ,somaliyeed dib u dhiskaagiyo midnimaan kula doonayaaa,umada way daalantahay difaac qaran bay rabtaa ,daryeel dhaba bay rabtaa.hogaan isku dubo ridiyo dhisme iyo dawlad bay rabtaa)
 
zayid cumar cabdilahi
 <zayidcumar01@yahoo.co.uk>

 Afee: Aragtida qoraalkan waxaa leh qoraaga ku saxiixan

Faafin: SomaliTalk.com June 17, 2004

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great
Habnololeedkii saxaabadii Rasuulka ...


Qiimaha Dhulka & Qadarin La'aanta Soomaalida: Waa buug cusub ee yaan lagaa dhamaysane GUJI halkan...


kaah

Copyright © somalitalk.com. All rights reserved.

HTML CD [an error occurred while processing this directive]