Barnamujka caawa Radio Xoriyo ka
baxaya waxuu ka koobanyahay.
-
Warkii oo aanu ku soo
qaadanayno.
-
Dagaalo dhex maray ciidamada
cadawga Itoobiya iyo ciidamada
xoreeynta Ogaadeenya.
-
5
ruux oo Ogaadeenya u dhashay oo
la sheegay in maamulka Hargaysa
ay xabsiga u taxaabeen.
-
Soomaaliya iyo Jabuuti oo laga
xusay munaasabadaha 26 June iyo
27 June oo ku aadanayd madax
banaanida gobalada waqooyi ee
soomaaliya iyo Jamuuriyada
Jabuuti.
-
Wariye caan ahaa oo ay Ioobiya
xabsiga u taxaabtay.
-
Jaaliyada Oromada ee Canada oo
warqad cabasho ah u qortay
bulshada caalamka.
-
Eritereya oo ku gacan saydhay ka
qayb galka shirwaynaha Midowga
Afrika.
-
Waxaan kaloon idiin haynaa,
Waraysi aanu la yeelanay
afhayeenka Jaaliyada Ogaadeenya
ee gobalada dhexe ee Maraykanka
mudane Maxamed Cabaas iyo sugaan
halgameed.
Dagaalo dhex maray ciidamada cadawga
Itoobiya iyo ciidamada xoreeynta
Ogaadeenya.
Dagaal
ay ku qaadeen Ciidamada
soomajeestayaasha ah ee jabhada
wadaniga xoreeynta Ogaadeenya
09.06.2004, saldiga ay ciidamada
nacabka gumaysiga Itoobiya ku
leeyihiin magaalada Yucub, ayaa
ciidamada cadawga lagaga dilay 14
Askari waxaana lagaga dhaawacay
tiro kale oo aan wali la soo
xaqiijin.
Sidoo
kale dagaal jilbaha laysu laabay oo
ku dhex maray Lehelow oo ka tirsan
gobolka Doolo, Ciidamada naflcariga
ah ee gumaysiga Itoobiya iyo koox ka
tirsan dagaalyahamiinta ciidanka
xoreeynta Ogaadeenya10.06.2004 ayaa
ciidamada gumaysiga Itoobiya lagaga
dilay 7 askari waxaana lagaga
dhaawacay 6 askari oo kale, dhinaca
ciidamada xoreeynta Ogaadeenya wax
dhimasho ama dhaawac ah oo
dagaalkaas kaga yimidna lama soo
sheegin.
Dhinaca
kale warar xaqiiq ah oo nasoo
gaadhaya ayaa sheegaya in 35 askari
oo kamid ah ciidamada tabaalaysan
ee gumaysiga Itoobiya baxsadeen,
askartaas baxsatay ayaa kamid ahaa
ciidamadii maxaysatada ahaa ee ku
sugnaa Tuulada Dig. Ciidamadaas
baxsaday ayaan la sheegayaa in ay
gateen hubkii ay haysteen isla
markaana ay u baxsadeen dhinaca
soomaaliya, halka ay warar kalana
sheegayaan in qaar ka mid ah ay u
baqooleen goobihii laga soo raafay
ee deegaankooda ahaa, hasa yeeshee
si xaqiiq ah looma hayo meel ay jaan
iyo cidhib dhigeen
ciidamadaas 35 askari ah ee
baxsaday.
5 qof
oo ree rogadenya ah oo lagu xidhay
Hargaysa
Wariyaha RX uga soo warama gobolada
waqooyi ee somaliya ayaa soo tabiyey
in 27-06- 2004 shan(5) qof oo u
dhalatay Ogadenya lagu xidhay
magaalada Hargaysa ee waqooyiga
Somaliya, shantaas qof oo kala ah 4
wiil iyo Gabadh, ayaa loo gaystay
xidh dil iyo garaacid ay kala
kulmeen askartii qabatay. Waxaa hore
xaabsiyada uga buuxay dad fara badan
oo u dhashey Ogadeeniya kuwaas oo
qaar badan hantidoodii la dhacay,
iyagoo magaalada u yimid safaro
ganacsi iyo qaraabadooda oo ay soo
booqanayeen.
Soomaaliya iyo Jabuuti oo laga xusay
munaasabadaha 26 June iyo 27 June.
Xaflad
ballaaran oo lagu maamuusayay
44-guuradii ka soo wareegtay markii
calanka Soomaaliyeed laga taagay
Waqooyiga Soomaaliya 1960-kii, ayaa
lagu qabtay xarunta Gobolka Banaadir
ee magaalada Muqdisho.
Xafladaas oo si aad ah loo soo
agaasimay ayaa waxaa ka soo qayb
galay masuuliyiin ka socotay DKM oo
uu hogaaminayay gudoomiyaha
Baarlamaanka mudane Mustafe Mukhtaar
Guudow. Mudane Guudoow oo
manaasabadaas ka hadlay ayaa sheegay
in gobanimada maanta aynu hoos
joogno loo soo daadiyay dhiig badan,
loona huray maal iyo nafba.
Gudoomiyuhu waxuu nasiib daro ku
tilmaamay in ay maanta jiraan wax
magarad doonaya in Soomaaliya la
kala googooyaan halka ay wadamada
Yurub iyo midawga afrikana ku
dadaalayaan in ay dib u midoobaan.
Dhinaca kalana waxaa wadanka Jabuuti
looga dabaal dagay sanadguuradii
27aad ee ka soo wareegtay maalintii
ay Jabuuti Xornimadeeda ka qaadatay
wadanka Faransiiska.
Dalka
Jamuuriyada Jabuuti ayaa aad looga
xusay maalintan qadarinta iyo
qaayaha badan ee ay hantiyeen
gobanimada wadankooda. Dadka reer
jabuutina waxaa ka muuqaday farxad
aan la qiyaasi karin oo dhamaanba
wadanka Jabuuti laga dareemi karo.
Waraysi uu siiyay madaxwaynaha
Jamuuriyada Jabuuti mudane Ismaaciil
Cumar Geele laanta Af Soomaaliga ee
BBC ayuu ku sheegay, in Dawlada
Jabuuti ay horumar balaadhan oo la
taaban karo gaadhay mudadii ay
gobanimada haysatay, waxuuna
tilmaamay in xiligii gumaysiga ayna
dadka reer Jabuuti waxba ka haysan
dhinacyada caafimaadka, waxbarashada,
iyo guud ahaanba adegyada nolasha
aadamiga saldhiga u ah.
Wariye
caan ahaa oo ay Itoobiya xabsiga u
taxaabtay.
Warar
aanu ka helay ilo lagu kalsoon yahay
ayaa sheegaya in la xidhay wariyaha
lagu magacaabo Araga Waldhe Qirqos,
oo ahaa tirfatiraha wargayska Itopi
ee afka axmaariga ku soo baxa.
Wariyahan ayaa xabisiga loo taxaabay,
ka dib markii uu qoray maqaalo lid
ku ah dawlada Itoobiya ee wayaanuhu
madaxda ka yahay. Mr. Araga ayaa la
sheegay in ciidamada nabad sugida ee
xukuumadda Itoobiya ay gurigiisa ugu
soo daateen, ka dibna xabsiga u
hooggaamiyeen.
Ururrada saxaafada ee caalamiga ah
ayaa dhawr jeer oo hore xukuumadda
Wayaanaha ku canbaareyey sida
bani’aadamnimada ka baxsan ee ay ula
dhaqanto suxufiyiinta, Hasa yeeshee
marnaba taliska Adis-Ababa waxba
kama badalin falalka xuquuqda
Aadamaha dhanka ka ah ee ay
ciidamadiisu kula kacaan dadka
rayadka ah.
Jaaliyada Oromada
ee Canada oo warqad cabasho ah u
qortay bulshada caalamka.
Jaaliyada Oromada ee dalka Canada
ayaa warqad dheer oo cabasho ah u
qortay bulshada caalamka, taasoo ay
bulshada caalamaka kaga dalbeen inay
si degdeg ah wax uga qabato dadka
Oromada ah ee laga masaafurinayo
wadanka Jabuuti.
Jaaliyada Oromada ee dalka Canada
waxay warqadan ku xuseen in dawlada
Jabuuti ay hadda ka hor masaafurisay
dad u dhashay qowmiyada Oromoda,
kuwaasoo markii Itoobiya la geeyay
la waayay meel ay ku danbeeyeen.
Waxay
kaloo warqadaas ku sheegeen in
dadkan la masaafurinayo ay naftoodu
halis galayso marka Itoobiya loo
masaafuriyo, isla markaana ay la
kulmi doonaan ciqabtii ay awalba uga
soo carareen dalkoodii hooyo.
Eritereya oo ku gacan saydhay ka
qayb galka shirwaynaha Midowga
Afrika.
Dawlada Eritereya ayaa jimcihii
lasoo dhaafay daboolka ka qaaday
inayna ka soo qayb geli doonin
shirwaynaha Midowga Afrika ee bisha
soo socota lagu qaban doono dalka
Itoobiya, waxayna diidmadeeda sabab
uga dhigtay iyadoo Itoobiya ay xoog
ku haysato dhul ay Eritereya
leedahay.
Uma
malaynayo inay suuragal tahay inaan
wafti dalkanaga matalayo u dirno
Itoobiya, oo xoog ku haysata
dhulkanagii, sidaas waxaa yidhi
afhayeenka dawlada Eritereya Yemane
Gebremeskel.
Yemane
Gebremeskel wuxuu sidoo kale
xukuumadda Itoobiya ku eedeeyay inay
ku tumatay sharciga caalamiga ah iyo
midka Midowga Afrika labadaba,
markii ay diidday go’aamadii
caalamiga ahaa ee lagu xallinayay
khilaafka xuduudeed ee dalkiisa iyo
Itoobiya u dhexeeya.
Wuxuu
kaloo intaas raaciyay in dawlada
Eritereya ay wufuud kala duwan u
kala dirtay dhawr waddan oo afrikaan
ah, si ay ugu faahfaahiyaan mawqifka
dawlada Eritereya, isla markaana ay
uga codsadaan in Midowga Afrika uu
arrintaas tallaabo cad ka qaado.
29.06.2004
C/Nuur Sh. Mohamed
raadioxoriyo@yahoo.com
Radio
Xoriyo waxaad ka dhegaysan kartaa
Mawjadda 19 MB ee dhererkeedu yahay
15670 KHZ, Maalmaha Talaadada iyo
Jimcaha 7: 30PM waqtiga Afrikada