SomaliTalk DALSAN
w w w . S o m a l i T a l k . c o m
SOMALITALK - MUQDISHO
 
Dagaal  uu dhaxeeya beelaha Murusade iyo Cayr/ Habargidir oo Shalay ka Dhacay degmada afgooye

 Waxaa shalay  aroortii magaalada  Afgooye ee Gobolka Shabeelaha Hoose ka bilowdey dagaal aad u qaraar oo u dhaxeeyey maleeshiyooyin ka tirsan urur  USC oo kala ah Habargidir / Cayr iyo Murusade  waxaa dagaalkaas la isku adeegsadey hubka noocyadiis kala duwan     wuxuuna dagaalkan uu ku soo beegmey xilli ay waan waan u socoto labada dhinac  maalintii shalay ahayd, waxana la filayey in dhawaan la isa soo hor fariisiyo kooxha is haya l balse amana garanayo waxa dagaalka uu ka bilowdey balse warar   baa waxay sheegayaan in la is ku qabsadey bar Contorol oo ku taal degmada Afgooye warar kala waxay sheegayaan in uu ka billowdey beer La isku qabsadey Dagaalkan ayaa la  xaqiijiyay in ay ku dhinteen ilaa 7 qofood waxaana ku dhaawacmey ilaa 20 qof oo la sheegey in ay u badnaayeen kooxihii dagaalamayey , dagaalkan ayaa si aad ah looga dareemay degmadda afgooye iyadoo gawaaridii imaan jirtey degmada ay istaageen gar ahaan kuwii khudaarta keeni jiray  waxaa iyana istaagay ganacsigii magaalada

 Odayaal ka tagay magaalada Muqdisho ayaa gaarey degmada afgooye  waxay doonayaan in ay kala dhxxgalaan kooxaha dagaalamaya   balse kuma guuleysan oo weli waa socdaa dagaalka

Afhayeen u hadlay Maxamed Qanyare Afrax ayaa qirtay in ay ku lug leeyihiin dagaalka wuxuu sheegay in lagu soo weeraray fariisinkii ay ku lahaayeen degmada gaar ahaan halka loo yaqaan Mukeyga  sido kale waxaa iyana ka hadlay dagaalka  masuul ka tirsan  degmada afgooye wuxuu sheegay in maleeshiyo daacad u ah Qanyare ay soo weerareen  halka lagu magacaabo Buundada  

W/D:- Amiin yuusuf Khasaaro
 amiinkhasaaro@hotmail.com

<><><>WARARKA KALE EE MAANTA:::

W/Q.Abdi Wali Ibraahim Aadan (Garyare)
Garyare20@hotmail.com Garyare@msn.com Garyare20@yahoo.com 

Deeq bixiyayaasha Caalamiga ah ee gacanta ku haya Dhaqaalaha uu ku socdo Shirka Somalida ee Iminka galay Wajigiisii Sadexaad ayaa maanta kulan ka yeeshay sidii ay wax uga qaban lahaayeen Dhaqaala Xunida Soo wajahday Shirka Somalida.

Sida ay sheegayaan warar ku dhow dhow Kulankaasi ay isugu yimaadeen Deeq bixiyayaasha Shirka Somalida uga Socda Dalka Kenya in kulankaasi waxyaabaha ugu waa way nee looga hadlayo ay tahay sidii wax looga qaban lahaa Cabashada Dhinaca Dhaqaalaha ee baryahan soo foodsartay Shirka Somalida.

Arintan ayaa timid kadib markii ay soo shaac baxaday Ergooyinka Somalida ee ka qeyb galaysa Shirkaasi oo ku Cataabaya inay haysato dhibaatooyin isugu jira Hoy la’aan iyo Cuno yari,iyadoo ay intaasi ku darayaan inay xitaa ay la’yihiin Wax uga soo jawaaba Cobashooyinkooda ku aadan Cuno la’aanta iyo Hoy la’aanta.

Sida ay ku soo waramayaan Wariyayaasha ku sugan Magaalada Nairobi ee u dhuun duleele Shirka ay isugu yimaadeen Deeqbixiyayaasha Shirka Somalida ee iminka galay Wajigiisii Sadexaad ee Awood Qeybsiga waxaa kulankaasi loo diiday inay ka qeybgalaaan Warbaahinta oo idil,waxaana ay intaasi Raaciyeen in waxa ka soo baxa ay Deeq bixiyayaasha iyada oo Qoraal ah ay u soo gudbin doonaan Dhamaan Saxaafada Maanlinta Bariya ee Fooda inagu haysa

Inta ay Shirka ku jireen Deeq bixiyayaasha Shika Somalida ee looga doodayay sidii wax looga qaban lahaa Hoy la’aanta iyo Cuno la’aanta ay ka cabanayaan Ergooyinka Somalida ee ka qeyb galaya Shirkaasi ayaa waxaa soo baxay Amar kasoo baxay Milkiilayaasha Hoteelada ay Daganyihiin Ergooyinka Somalida oo lagu amrayo inay isaga Baxaan Hoteeladooda.

Ma ahan arintan mid iminka soo baxday ee waxaa ay soo socotay ilaa iyo intii lagu jiray Wajigii Labaad ee Shirka Somalida,waxaa horay arintan ugu hadlay in badan oo kamid ah Hogaamiyayaasha Somalida ee ka qeyb galaya Shirkaasi,waxaadna moodaa in aan Dhag jalaq loo siin waxa ay dalbanayaan,waxaana sidoo kale horay u dhacday in Qaar ka mid ah Ergooyinka Shirkaasi goobjooga ka ah laga saaray hodheeladii ay ka daganaayeen.

Dallada Culumada Somaliyeed ayaa maata ugu baaqay qeybaha ku Dagaalamaya Deegaanka Diinsoor ee Gobolka Bay.

Dallada Culumada Somaaliyeed oo maanta yeeshay Kulan ay uga hadlayeen sidii ay wax uga qaban lahaayeen Dagaalada ka qarxay Deeganka Diinsoor ee Gobolka Bay,waxaana ay sheegayn inay loo baahan yahay inlaga waan toobo dhamaan Dagaalada Sokeeye ee ka socda qeybo badan oo ka mid ah Somaliya.

Kulan kan ayaa waxa goobjoog ka ahaa Culumo owdiin kasoo jeeda dhanacyada ku Dagaalada Deegaanka Diinsoor,waxana ay halkaasi ka sheegayn inay u guntan doonaan sidii ay ku joojin lahaayeen Dagaaladii,sidoo kale waxay intaasi ku dareen inay Xiriir la soo sameeyeen Odayaasha iyo Wax garadka ku sugan Deegaanka Dinsooor oo ay sheegayn inay ku balameen in sida ugu dhaqsiyaha badan lagu joojiyo Dagaaladaasi.

Dagaaladaasi ka socda Deegaanka Diinsoor ayaa hareeyay Dhamaanba isu socda Deeganada ku teedsan Gobolka Bay oo ay ka tirsan tahay Dagmada Diinsor oo ah meesha ay ka socdaan Dagaalada Sokeeye,iyadoo lagu soo waramayo inay halkaasi ka qaxeen Dadwayne aad u farabadan oo ku barakacay Dagaaladaasi Sokeeye.

W/Q.Abdi Wali Ibraahim Aadan (Garyare)

Garyare20@hotmail.com Garyare@msn.com Garyare20@yahoo.com 

 

Faafin: SomaliTalk.com | June 9, 2004

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great
Habnololeedkii saxaabadii Rasuulka ...


Qiimaha Dhulka & Qadarin La'aanta Soomaalida: Waa buug cusub ee yaan lagaa dhamaysane GUJI halkan...


kaah

Copyright © somalitalk.com. All rights reserved.

HTML CD [an error occurred while processing this directive]