SomaliTalk DALSAN
w w w . S o m a l i T a l k . c o m
SOMALITALK - MUQDISHO

March 17, 2004  

Waraysi: Saciid Cali Cusmaan (Saciid Qalinle)oo ah Mas,uul ka tirsan Maamulka Shirkadda Duulimadka ee Jubba ee Fadhigeedu yahay Magaalada Muqdisho

Wixii ka danbeeyay burburkii dowladii Milatiriga ahayd ee somaliya ee uu madaxda ka ahaa Marxuum Genaral,Maxamed Siyaad Bare ayaa waxaa meesha ka baxay waxbadan oo ay dadka u qaban jirtay sida Caafimaadka,Waxbarashada ,Nabad gelyada, Ganacsiga Xorta ah,laakiin waxaa jirta in Ganacsatada somaliyeed Qaarkood ay qabteen qaarka mid ah adegyadii ay dowladi Qaban lahayd,sidaa darteed waxaan hlkan idiinku soo gudbin doonaa waraysi aan la yeelanay Saciid Cali Cismaan oo ah Mas,uul ka Tirsan Maamulka Shirkadda Duulimaadka ee Jubba


Saciid Cali Cismaan oo ah Mas,uul ka Tirsan Maamulka Shirkadda Duulimaadka ee Jubba

Waraysigan oo ah mid taabanaya dhinacyo badan oo ah Dhibka ayta dadka somaliyeed iyo waxa ay ka faa,iideen dowlad la,aanta ayaa waxaa inoo soo qaaday wariyahayaga Magaalada Muqdisho Abdiwali Ibraahim Aadan (Garyare) waxa uuna u bilowday Waraysiga uu wariyaheena kasoo Qaaday Saciid Cali Cusmaan oo ah Mas,uul ka tiorsan Shirkadda Duulimaadka aee Jubba

“Wariye Garyare” waxaan marka ugu horeysa kuwaydiinayaa Saciid Cali Cusmaan bal in aad iisheegto xilika aad bilowdeen shaqadan duulimaadka Shirkaddan magaceeda layiraahdo Jubba iyo cida aasaastay halka ay joogeen xilikaasi Saciid

“Saciid Qalinle” waad mahadsan tihiin marka hore walaal intaasi kadib waxaa la,aasaasay shirkaddan Duulimaadka ee Jubba sanadka markuu ahaa 1999,waxaana aasaastay Ganacsato Somaliyeed oo markaasi ku sugneyd gudaha Magaalada Muqdisho ilaa iyo iminkana jooga Muqdisho Garyare

“Wariye Garyare”waa tahay waxaad iiga warantaa Saciid Qalinle waa maxay sababta dhalisay in aad bilowdaan howshan duulimaadka xili ay dalka iyo dadkaba aysan lahayn wax dowlad ah oo la xisaabtanta Dhib iyo Dheef waxa soo gaara intaba Saciid Qalinle

“Saciid Qalinle”waa su,aal mudan in la siwaydiiyo runtii walaal waxaa nagu dhaliyay in aan bilowno howshan kadib markii aan aragnay dhibaatada dadkeena ka haysata dhinaca Duulimaadka maadaama dalka aysan dowlad la,hayn oo dadka ka caawisa dhinaca duulimaadka,waxaa sidoo kale ka mid wax yaabaha nagu dhaliyay arintan marka aan aragnay dad badan oo u baahan Caafimaad dibada ah iyo inay soo Xajiyaan Ama soo Cumreystaan,

“Wariye Garyare”maalintaad bilowdeen howshan halkii aad Duulimaadka ku tagi jirteen miyaad iminkana tagtaan mise waxaa jira goobe kale oo aad tagtaan oo waad sii balaarateen Saciid Qalinle

“Saciid Qalinle”walaahi runta marka aan ka hadalno walaal markii aan Duulimaadka bilownay ilaa iyo Iminka Farqi wayn ayaa udhexeeya oo waad dareemi kartaa howlkasta marka la bilaabo iyo marka ay mudo Socoto Miisaan wayn ayaa u dhexeeya, marka anaga markii aan howshan bilownay waxaan tagi jirnay Meelo iska kooban laakiin meelaha aan iminka tagno ka mid ah dhinaca Dibada Shaariqa,Dubia, iyoJidda halka aan dalka ka tagno Magaalada Hargeiso ee Xarunta u ah Maamulka Somaliland

“Wariye Garyare”sida aan ogsoonahay dalka wax dowlad idinla xisaabtanto Ma jirto hadii aad tihiin Ganacsatada,hadaba miyeey jiraan wax Canshuuro ah oo la idiinka qaado Magacaasi Canshuurta Mise waxaad Tihiin Ganacsato aysan jirin Cid lahadli karta

“Saciid Qalinle”ma jito cid aan sitoos ah aan usiino Canshuur oo Sida aad Sheegtay Dowladi majirto laakiin waxaan bixinaa wax u eg laakiin hadana ka duwan taasi marka aan ku leeyahay waxaan ula jeedaa dalka meelo badan oo ka mid ah ayaa waxaa yaal Isbaarooyin oo midba uu doonayo in gaarkiisa loo siiyo Lacag,dowlada KMG ah ayaa mar nala soo xiriirtay laakiin wadahadalkii ma meelmarin marka arintaasina waa sidaa

“Wariye Garyare” dadka somaliyeed marka ay ka hadlayaan Dadka kasoo horjeeda Nabada Dalka iyo Dadka Somaliyeed waxaa ay sheegaan in Ganacsatada ay ka midka yihiin shaqsiyaadka aan rabin in lahelo Dowlad Somaliyeed oo markaasi ay uga Gonleeyihiin inay iyaga oo Qura dalka ka Nacfiyaan,waxaana taasi kuu cadaynaya ayay leeyihiin Lacaga been abuurka ah oo ay dalka soo gelinayaan,Daawooyinka bal iyada arintaasi oo saameysay dad badan kawaran Saciid Qalinle

“Saciid Qalinle”Mis milaahi arintaasi runtii waa arin laga naxo oo aan lagu farxin waayo anaga waxaan doonaynaa in aan dadkeena wax u qabano waxaana aan diyaar u nahay wax waxba oo nooga soo aada xageena,mida kale waxaa dadka aan usheegi lahaa in laga Mid noqdo Ganacsatada waa mid iska Fudud oo Xitaa Hogaamiyayaasha ayaa kusoo Biiri kara oo ah raga horkaca Siyaasada Somaliya,marka waa Macquul in aad kuwaasi aad ku eedeysaan Arinta aad Iminka ka dhawaajseen

“Wariye Garyare”waxaad horay uga dhawaajisay Saciid Qalinle in aad dalka ka tagtaan oo kaliya Magaalada Hargeiso hadaba majiraan wax qorshe ah oo aad la damasan tihiin in aad Dulimaad ku tagtaan oo Dalka ka mid ah

Saciid Qalinle” haa way jirtaa in aan rabno in aan sii balaarino howsheena oo waxaan iminka Bilownay in aan Duulimaad ku Tagno Magaalada Barbara oo ah Magaalada kaliya ee ay wax uga soo dagaan Maamulka La magic baxay Somaliland taasi waxay kuu cadaynaysaa in aan damacsan nahay Howlo badan oo dhinaca duulimaadka ah

intaasina waxaa ku dhan waraysikii aan la yeelanay Saciid Cali Cusmaan (Saciid Qalinle)oo ah Mas,uul ka tirsan Maamulka Shirkadda Duulimadka ee Jubba ee Fadhigeedu yahay Magaalada Muqdisho waxaana waraysikaasi inoo soo Qaaday Wariyahayaga Magaalada Muqdisho Abdiwali Ibraahim Aadan (Garyare) oo Mas,uulkaasi kusoo Waraystay Xafiiskiisa Magaalada Muqdisho uu ku leeyahay

W/Q.C/wali Ibraahim Aadan (Garyare)
garyare20@hotmail.com

Faafin: SomaliTalk.com | March 17, 2004 

XAMAR DAAWO DACALLADA.. SAWIRRO

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great

kaah


BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri



XAAFID QUR'AAN cFatax
Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]