::: SomaliTalk.com :::

Daabaco Boggan | Print

AFSOOMAALIGA OO QARKA U SAARAN IN UU KASUULO LUQADAHA AFRIKA
usheeg waraabow baa igu dhacaye waxaa loo tarjumey...

Af-qalaad Aqoontu Miyaa?
Maxaa keenay in dadka Soomaaliyeed ay afkoodii hooyo kadoor bidaan afaf qalaad? [Cibaar]

WAA IN LAYAREEYA HORMARINTA AFSOMAALIGA!
Waxaan filaya in laga doodi karo fikrada ah “Afsoomaliga maxaa loo yasayaa?”

Qofkii aanan garanayn afka Ingiriisiga waa jaahil
Arrintaasi ma dhabbaa? Inteese- in la’eg ayaa lagu gumaystaa?

WAA IN LAYAREEYA HORMARINTA AFSOMAALIGA!
Waxaan filaya in laga doodi karo fikrada ah “Afsoomaliga maxaa loo yasayaa?”

.Sunta ku duugan Soomaaliya

.Macdanta ku duugan Soomaaliya

Qoraalkaaga oo aad Loo Fahmo Waa Muhiimadda Koowaad [A.Sheikh]

Qaamuuska maamaahyada Soomaaliyeed

DHAWRITAANKA XUQUUQDA QORAALKA

Waxaan dhawaan Qarannews ka akhriyey maqaal uu qoray qoraaga qiimaha badan ee Maxamed Baashe Xaaji Xasan, kaas oo uu kaga hadlayey qoraalka Soomaaliga iyo duruufaha ku xeeran. Run ahaantii wuxuu i xusuusiyey curis yar oo ku dhex abaaday konbiyuutar kayga, malaha xilligii aan qoray waxa ka soo wareegay ilaa hal sano. Munaasibaddii aan ugu talo galay ayaa qabsoomi weyday, ka dibna iguma dhalan inaan warbaahinta casriga ah isaga gudbiyo, halkaas buu ku cirraysan lahaa haddii aan Illaahay Maxamed Baashe sabab uga soo dhigin. Qoraalkii cidlada cajuuska ku noqon gaadhayna akhristayaal waa kan hoos ku qoran.

Waxaynu wada ogsoonahay inta dawladood ee Carab ku abtirsada ee dunida ka jira iyo weliba dhulka ay ku kala nool yihiin.Waxa kaloo aynu la soconnaa sida magaca carabnimada ay u wadaagaan iyo sida waxyaabaha ka dhexeeyaa dhaqan iyo afba u wada qiimeeyaan.

Maanta Carabi inta maamul ee ay u qaybsan tahay, inta calan ee ay leedahay iyo inta baasaaboor ee ay leedahay wax muran ku jira maaha, waa wax dunida oo dhani ogsoon tahay. Isla markaana carabnimadoodu wax shaki cidna kaga jiro maaha.

Sidaa darteed, magaca Soomaaligu waa magac ummaddeed oo siyaasad iyo soohdinba ka facweyn, kana xoog badan. Waxa xusuus mudan in 1960 ka hor Soomaalida shan calan iyo shan dawladood looga talin jiray. Iyadoo taasi jirtay haddana shantii calan iyo shantii maamul midna ma masaxin Soomalinimadii. Maanta oy shantii calan jiraan, inay ka sii bataana laga baqayo magacii waa halkiisii, ma guurin, mana tirtirmin. Weli qofkii Kiiniya joogay waxa loogu yeedhayaa waa Soomaali, kii Itoobiya joogay waxa loogu yeedhayaa waa Soomaali, kii Jabuuti joogay waxa loo yaqaan waa Soomaali, kii Somaliland joogay waxa lagu garanayaa waa Soomaali, kii Koonfur joogay waxa loo ogyahay waa Soomaali.

Magac noocaas ahina sina kuma tirtirmo. Waa waxyaabaha la yidhaa “Birina ma goyso biyo na ma maydhaan.”

Haddaba ummadkasta oo magac noocaas ah wadaagta waxa ka dhexeeya waxyaabo aasaasi ah oo dad kaasi wada leeyahay. Isla markaana ummaddaas ay khasab ku tahay inay wada ilaashadaan. Maanta dadka Soomalida ah waa hubaal inaanay jirin siyaasad ay ka midaysan yihiin. Taas waxa keenay iyo xalkeeda waxaynu u dhaafaynaa goorteeda iyo geed keeda. Laakiin dhaqankii, afkii, ehelnimadii iyo caqiidadii dadka Soomaalida ka dhexaysay waa mid mudan in la siiyo qaderinteeda iyo qiimaheeda, loona wadaago siday ku habboon tahay. Isla markaana aan arrimaha siyaasadda lagu milin ama lagu xajiimaynin waxyaabaha ma guuraanka ah. Haddii arrintaas si caafimaad qabta loo eego, loogana wada faa’iidaysto, waa hubaal in cid weliba midho wanaagsan ka goosanayso.