Qorrax timidba subaxeede shirka ELDORET oo qacdii hore wadnaha farta lagu
hayay in uu wajiga horeba soo gudbaayo ayaa silama filaana ku dhamaatay kadib
markii ay gudoon iyo ku gudoomay ku heshiiyeen kooxaha halkaas isugu tagay ,taasoo
somaalida kale badankeed iyo caalamka inta arimaha soomaaliya danaysaa aad ugu
farxeen,iyadoo waliba ay taas muujinayso sida uu noo soo tabiyay MADAALAHA SOMALITALK.COM
wariye ibraahim maxameddeeq in xaflad ugaara gabagabada wajiga koobaad
loosameeyay oo ay ka soo qayb galeen masuuliyiin aduunka ka kala socota uuna
halkaas ka hadlay daniel arab moiga kenya,hanbalyo badanna aduunka kale uga
timid.
su,aashase mar kaliya lays waydiiyay ayaa noqotay"sidee buu ku bilaaban
doonaa wajiga labaad"taasoo dad badani saadaaliyeen mar hadii caqabadii
hore laga soo gudbay xaajo noqonayso fudayd iyo haweenay ugub ahayd oo umushii
alle u sahlay".
hayeeshee arini waxay markale noqotay candhuuftaada dib uliq.
waxaa la filaayay inuu furmo 1.11.02 hayeeshee hakad ka dhashay xurgufo u
dhexeeyay kooxaha iyo waliba IGAD oo iyana dhankeeda wax laga tirsanaayo.
hayeeshee waxaad moodaa si looga ilaaliyo fashillad ku dhacda shirka in
ay meesha ka soo dhex baxday in ay caalamkii kale hogaankiisa iyo
arimintaba lawareegeen.IGAD ayaa bilawday inay hirgaliso go,aanadii wajiga hore
laysla sexeexay oo ay ka bilawday inaan dagaal danbe ka dhicin soomaaliya .waxay
ugu horaynba bilawday inay isu keento masuuliyiinta RRA:oo ay shaati guduud iyo
aadan madoobe ku bilaabeen inay dhexdhexaadiyaan.
-sheekh aadan madoobe ayaa ugu horrayntiiba la faray inuu saxeexo heshiiskii
ay wada sexeexeen kooxaha ee dhigayay xabad joojin.
_gudiga IGAD ayaa si toosa ugu amray 1.11.02 rag kamida hogaamiyayaasha
kooxaha inay la xiriiraan taliyayaasha ciidamadooda faraanna inay shuruud la,aan
ku joojiyaan degaalada cumar filish iyo muuse suudi oo ahaa ragii ugu horayn
lala xiriiray ayaa iyagoo arinkaas ka jawaabaya la soo xiriiray ciidamadooda
farayna inaanay dhaafin saldhigyadooda.
-yuusuf mire seeraar ee isbahaysiga dooxada jubba oo isnna dhankiisa fariintu
ka soo gaartay ayaa markiiba gudoomiyaha degmada jilib cabdulaahi xuseen macalin
iyo odayaasha deegaanka ku faray qalabka is gaarsiinta in lajoojiyo dagaal
ka dhex qarxay dhowaan beelaha BARTIRAHA(jidwaaq)iyo sharmare oo ka
taagnnaa degmooyinka jillib iyo bo,aale.
-ergooyinka dawladaha maraykanka iyo midawga yurub ayaa kulan deg-deg ah ka
yeeshay degaalka ka qarxay degmada luuq ee u dhexeeya ururka SNF labada garab ee
ay kala hogaamiyaan COL.Cabdirisaaq isaaq biixi iyo maxamed Sayid Axmad,waxayna
ergooyinkaasi si kulul ugu cagajugleeyeen labadaas hogaamiye oo labaduba wax ka
sexeexay heshiiskii 27.10.02 ee wajiga koobaad ee shirka,iyagoo waliba loo
sheegay in hadii ay si dhaqso ah oo aan shuruudi ku jirin u joojin waayaan
degaalka ay aad uga shalayn doonaan.
4.11.waxaa loo gudbey wajigii labaad ee shirka iyadoo aad looga caga
jiidaayo,waxaa laysku diidanaa sidii laysaga soo xulilaha 90 qof.
soomaalida ayaa xubnno u gudbisay IGAD taasoo ay IGAD dib ugu celisay
liisaskaasi kadib markii ay IGAD ku qanci waysay.soomaalida qaar ayaaba qaba in
igad iyadu soo xusho xubnaha,meesha kuwo kale qabaan in soomaalida loo daayo
igadnna shuruudla,aan ku aqbasho,shuruud,la aantaasoo igad ugu muuqata xujo cad.
wakiilka qaramada midoobay arimaha soomaaliya iyo shirkaba mr Winston Tubman
ayaa cod dheer ku yiri U.N diyaar ayay u tahay in soomaaliya ciidamo la geeyo
wax yar uun kadib markii ay muuqatay in khilaafaad ergada dhexdeeda ahi soo
ifbaxaayo.
11.11.02 maraykanka ayaa ka codsaday in ergooyinku u sexeexaan in
ciidamadiisu meeshay doonaan ka tagi karaan soomaaliya. waxaa ay badi ku noqotay
falaar aysan filaynin,waxaa sexeexay qacdii horeba col.cabdilaahi yuusuf axmed
iyo xuseen caydiid.
12.11.2002 wareeggii labaad ayaa ku curtay car iyo car iyo sadbursiimo doon
aan lafilaynin,rag badan ayaaba ka huleelay oo ku noqday meelihii ay shirka
ka soo aaaadeen sida siyaasiga caanka ah CALI MAHDI MAXAMED oo xamar ku
laabtay isagoo rajo xumi kamuujiyay .cabdulaahi yuusuf axmed iyo jaamac cali
jaamac ayaa bahal feedh magaaleeeda isu duubtay daamankana iska garaaci
garaay waxaase kala dhexgalay ka qayb galayaashii shirka,shirkii ayaa malintaas
waxaa hareeyay buuq ilaa lagu kala dareeray .gudiga igad ayaa maalintaas caro
cirka isku shareertay,waxayna sheegtay inay soomaaali u kala baxayso,waxaase
laga codsaday inaan iyaka loo kala bixin dhexdooda,
14.11.02.cabdulaahi yuusuf iyo jaamac cali jaamac ayaa loodiiday shirka
iyadoo la gaarsiiyay qoraal ay ku sexeexanyihiin gudoomiyaha gudiga farsamada
igad,wakiilada midawga yurub iyo kan maraykanka,kaasoo uu ku caddaa amar
qayaxan oo lagu farayo inaanay cag soo dhigin shirka illa iyagoo soo heshiiya
mooyaane.
-ergayga maraykanka u qaabilsan shirka Mr Glenn Warren ayaa si aan gabasho
kujirin ugu sheegay ka qaybgalayaasha shirka in ragga ku hanjabaya inay shirka
ka baxayaan aan hadii ay dhabarka sii jeediyaan kana baxaan aan loo
fadhiisan doonin.waxaa xiiso badan muujisay kadib markii mr Glenn rag si gaara u
magacaabay taasoo dadbadan ay indhaha hoos u fooraariyeen kuwaasoo kala ahaa
isagoo hadalka qaabkan u dhigay"shirka dib u heshiisiinta soomaaliya ee
ELDORET GALBEEDKA KENYA wuu socondoonaa xitaa hadii ay iskaga baxaan mr cusmaan
caato ,maxamed qanyare afrax, barre hiiraale, sheekh aaden madoobe, mawliid
macaane, cumar filish, jaamac cali jaamac,iyo gaashaanle sare cabdi risaaq isaaq
biixi.
warar ku dhow dhow shirka oo ka imaanaya dhinacyo kabaxsan soomaalida ayaa
hoos hoos u sheegaaya in soomaalida looguba hanjabay in xadhig ku iman karo
hogaamiye kasta oo loo arko inuu boqna goynaayo geedi socodka shirka,iyadoo uu
sicad cabasho u gudbiyay hogaamiye kooxeedka fadhigiisu yahay muqdisho mr
maxamed qanyare afrax oo saxaafadda u sheegay in loogu hanjabay in la xabisaayo
taasoo uu mr qanyare ku sifeeyay mid lagu daandaansanaayo.
xoghayaha guud ee qaramada midoobay mr KOFI ANNAN ayaa fariin shirka isna u
soo diray wuxuu ka codsaday in xubnaha ka qaybgalaya shirka ay muujiyaan
masuuliyad gaara una xayd xaytaan sidii ay u samata bixin lahaayeen dadkooda.
isagoo mr annan ku amaanay sidii quruxda badnayd ee ay ku soo gabagabeeyeen
wajigii koobaad ee shirka.
akhriste wali xaalku waa kacaa kuf balse kalasoco illaa goboda u danbaysa ee
kulanka www.somalitalk.com iyadoo uu ubucda goobta noo fadhiyo madaalaha
somalitalk wariyaha nagu qaaliga ah IBRAAHIM MAXAMED DEEQ iyadoo dadkiinna
bariga afrikana ay dhinaca dhagaysiga kaa haqabtirayso idaacadda codka dheer ee
IQRA halkaasoo ay kuu xayd xaydanyihiin bar baarta radio IQRA