|
Ø Ciidamada Gumaysiga Itoobiya oo dad badan ku
xidh xidhay Magaalada Dhagax-Buur.
Wariyaha Radio Xoriyo ee Magaalada Dhagax-Buur ayaa
noo soo tabiyay Xadhig ay ciidamada Cadawga Itoobiya u gaysteen dad badan oo
ku nool magaalada Dhagax-Buur.
Dadkan oo isugu jira Rag iyo Dumar ayeey Ciidamada
Caadeestay Boobka iyo Cabudhinta Dawaynah Ogaadeenya ugu gaysteen Xabsiga ku
dhex yaala Xerada Ciidamada ee Magaalada dhagax-Buur Jiddil iyo handaad ay
ku khalkhal galinayaan Naftooda. Dad ku dhadhaw masuuliyiinta Ciidamada
gumaysiga Itoobiya ayaa noo soo xaqiijiyay in si gooni ah loo jidh Dilo
Odoyaasha iyo Dumarka maxaabiista ah ee aan waxba Galabsan.
Dadkaas oo aad u tira badnaa ayaa waxaa ka mid ah
kuwan.
1- Saynab Macalin Cabdi Daahir oo
aheed hooyo 8 Caruur ah dhashay.
2- Ina Indhacasse, oo lagu Ganaaxay Lacag Madax furasho ah oo dhan 1000/ Bir
& Hal Qori oo uu soo gado.
3- Baaruud, oo lagu ganaaxay Lacag madax furasho ah oo dhan 1000/Bir &
Hal Qori oo uu soogado.
4- Cabdi-shafeec Maxamed Cabdulaahi, oo lagu ganaaxay Lacag madax furasho ah
oo dhan 1000/Bir & Hal Qori oo uu soo Gado.
5- Ruqiya Mahdi Maxamed 700/ Bir.
6- Quraysh Cabdi Siyaad. 500/ Bir.
7- Ruqiya Maxamed Yusuf 500/ Bir.
8- Layla Ibrahin Cabdi 2500/ Bir.
9- Deeqa Raabi 500/ Bir.
10- Nimco Sagal 500/ Bir.
11- Ibrahin Maxamed Qasin 500/ Bir.
12- Ibrahin Cumar Xassan 500/ Bir.
Waxaa kaloo ruuxiiba lagu xukumay dadkan hoos ku
qoran Lacag dhan 2000 oo Bir oo madax furasho ah.
13- Siyaas Ahmed Samatar
14- C/Raxman Ma/ed Guuled
15- Ahmed Maxamed Ciroole.
16- Cadaani Cumar Xassan.
17- Muxumed Cabdulaahi Aaden.
18- Ahmed Jibriil.
19- C/Raxmaan Muxumed Odawaa.
20- Cabdi Gurey Maxamed.
21- Dhagoole Yusuf Shukri.
22- Khadar Sh. Mahamuud.
23- Khadar Cabdullaahi Cali.
24- Cabdi Xassan Ikhyaar.
25- Mukhtaar Maxamed Ismacil.
26- Maxamed Dubad Buraale.
27- Aaden Muxumed Guleed.
28- Maxamuud Maxamed Aaden.
29- Ahmed Maxamed Aden.
30- Xassan Maxamed Ahmed.
31- C/hi Xassan San-xun.
32- Xassan Cabdi Geelle.
33- Rashiid Jibriil Bedel.
34- Amina Macallin Xassan.
35- Canab Cumar Xassan.
36- Canab Macallin Muxumed.
37- Shamso Cabdi Xaashi.
38- Casha-qamar Ahmed-noor.
39- Aamaal Cabdi Fitamiin.
40- Hodan Aaden Cadhays.
41- Rooda sh. Xassan Farah.
42- Rooda Cabdi Raxmaan. iyo
43- Ahmed Maxamed Cabdi-qoole.
Ilaa iyo hada lama garanayo waxay Dadkaasi u xidh
xidhanyihiin ee ay ku haystaan Ciidamada Itoobiya, waxaase la rumaysanyahay
in ay Ciidamada Gumaysiga Itoobiya dadkaas u haystaan hab ay uga helaan
dhaqaale iyagoo ku ee deeynaya in ayna raali ka aheen joogitaanka Ciidamada
Itoobiya ee ku sugan ogaadeenya.
Ø Wafti
ka socda dalka Talyaaniga oo tagay Magaalada Eldoret.
Waxaa Todobadkii hore gaadhay Magaalada
Eldoret ee uu ka socdo Shirka dib u heshiisiinta Soomaalida Wafti ka socda
Dawlada Talyaaniga. Waftigan ayaa socdaalkiisa lagu sheegay mid uu ugu kuur
galayo habsami u socodka shirka iyo qiimeenta baahida dhaqaale ee shirka.
Waftigu intii uu joogay Magaalada Erdoret
waxuu la kulmay Gudoomiyaha Cusub ee Shirka Danjir Bethwel Kiplagat waxayna
ka wada hadleen sidii loo dardar galin lahaa Shirka iyo sidii ay Dawlada
Talyaanigu u kordhin laheed taageerada dhaqaale ee shirka.
Dhinaca kale warar lagu kalsoonyahay oo
Dhinaca Diblamaasiyada naga soo gaadhay ayaa sheegay in Dawlada Masar ay
diyaarinaso qorshe balaadhan oo ay Jaamacada Carabtu kaga qaybqaadanayso
Shirka Dib u heshiisiinta Soomaalida. Qorshahan ayaa la sheegayaa in uu
noqon doono mid ay Jaamacada carabtu kaga muuqan doonto Dhinaca Dhaqaalaha
iyo dhinaca fikirkaba.
Warku waxay intaas ku darayaan in Dawlada
masar ay ka Biyo diidsantahay shirqoolada iyo kala fogeenta ay wakiilada
Dawlada Itoobiya ka dhex wadaan kooxaha siyaasada Soomaalida ee Shirku uga
socdo Magaalada Eldoret.
Si kastaba ha ahaatee waxaa wali ku sugan
Magaalada Eldoret wafti uu hogaaminayo Janeral Mesfin oo ka socda Wasaarada
gaashaandhiga ee Itoobiya. Waftigan ayaa kulomo la yeelanayay ilaa iyo
markay yimaadeen kooxaha gacansaarka la leh iyo qaar ka mid ah Odoyaasha
taageersan kooxahaas.
Ø Wasiirka Arimaha Dibada Kenya oo
Booqasho ku tagay Wadanka Maraykanka.
Wasiirka arrimaha Dibbeda Kenya mudane
Kalonzo Musyoka ayaa Todobaadkii hore soo afjaray socdaal u ku tagay Dalka
mareykanka. Mudane Musyoka ayaa magaalada Washington kula kulmay wasiirka
arrimaha Dibeda ee Mareykanka Koolin Powell. Sida wararka sheegayaan Labada
wasiir ayaa ka hadlay xaalada geeska afrika iyo arrimo la xiriiro la
dagaalanka Argagixisada Caalamiga. Waxay kale oo ka wada hadleen shirka dib
u heshisiinta soomalida oo haatan ka socda magaalada Eldoret. Wararka waxay
intaasi ku darayaan in labada wasiir ay isku afgarteen dhamaan arrimaha ay
ka wada hadleen.
Ø Hogaamiyaha
Liibiya oo booqasho ku tagay Wadanka Eritrea.
Hogaamiyaha Liibiya Mucamar Al Qadaafi ayaa
Todobaadkii hore booqasho 3 maalmood ah ku tagay Dalka Eritrea. Qadaafi ayaa
waxaa Garoonka Magaalada Asmara ku soo dhaweeyay Madaxwaynaha Eritrea Mudane
Isayas Afwerki. Labada hogamiye ayaa waxay ka wada hadleen xaalada
siyaasadeed ee Geeska Afrika iyo iskaashi dhex mara Dalalka Eritrea, Jabuuti
iyo Liibiya. Mudadii uu hogaamiye Qadaafi ku sugnaa Eritrea ayay Labada Dal
kala sixiixdeen heshiis ganacsi oo dhex maraya Labada Dal.
Dhinaca kale waxaa 08.02.03 magaalada
Asmara yimid wafdi ka socda Dalka Jermalka. Waftigan oo uu hogaaminayay
madaxa Xafiiska Arimaha Afrika ee Wasaarada Arimaha Dibbada ee Jarmalka,
ayaa u yimid sidii uu ugala tashan lahaa Eritea khilaafaadka ka taagan
wadamada geeska Afika iyo xal u helidooda. Waftigan ayaa la kulmay
Madaxwaynaha Eritrea Isaya Afwerki iyo Saraakiil sar sare oo ka tirsan
Wadaarada Arimaha dibada Eritea. Wadahadalkaas ayaan wax faahfaahin ah laga
hayn kadib markii Albaabada laga laabtay Saxaafada.
Ø Madaxwaynaha
Dawlada Soomaaliya oo Booqasho ku tagay Wadanka Sucuudiga.
Waxaa Magaalada Jidda ee dalka Sucuudiga ka
dagay Maalintii Khamiista Wafti uu hogaaminayo Madaxwaynaha Dawladda ku
meelgadhka Soomaaliya Dr C/qaasin salaad xasan. Madaxwaynaha iyo Waftigiisa
waxaa Garoonka Diyaaradaha ku soo dhaweeyay Masuuliyiin ka tirsan Dawlada
Sacuudiga. Dr C/qaasin ayaa Sucuudiga ku tagay marti qaad Rasmi ah oo uu ka
helay Boqortooyada Sacuudiga.
Wararku waxay intaas ku darayaan in
madaxwaynaha iyo Waftiguusu ka qaybgalayaan Gudashada waajibaadka xajka ee
Sanadkan ka hor intayna la kulmin masuuliyiinta Sucuudiga.
Muadane C/qaasin ayaa la filayaa in uu
Dawlada Sucuudiga kala hadli doono sidii ay kaalmo ugu fidin lahayeen
Shacabka Soomaaliyeed ee ay Colaada iyo Abaaruhu aafeeyeen, Boqortooyada
Sacuudiga oo aad u tageersan Dawlada ku meelgadhka ee Soomaaliya ayaa la
filayaa in ay wax ka qaban doonto dhamaan Codsiyada Madaxwayne C/qasin.
Hibaaaq Samatar
Radio Xoriyo
radioxoriyo@ogaden.com
radioxorio@yahoo.com
Xusuus: Radio Xoriyo waxaad ka dhegaysan kartaa Mawjadda 19 MB ee dhererkeedu
yahay 15670 KHZ, Maalmaha Talaadada iyo Jimcaha 7: 30PM waqtiga Afrikada Bari
Dhegeyso
warkan oo Cod ah
...HALKAN KA BAAR WARARKII HORE EE XORIYO
....KAYDKA WARARKA
RADIO XORIYO - NEWS ARCHIVE
AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk
|
