Shir sanadeedkii xubnaha JWXO ee wadanka Kanada oo guul ku dhammaaday.
Shir Sanadeedkii Xubnaha JWXO ee wadanka Kanada ayaa Bisha December 28. 2002
lagu qabtey Magaalada Toronto.
Shirkaas, oo ay ka soo qayb galeen dadweyne fara badan oo ka kala socda lamaaha
Jaaliyadda Ogadeniya ee wadanka Kanada, waxaa warbixin iyo waxqabadkii Unugayada
JWXO ka soo jeediyey madaxda Unugyada ee magaalooyinka Ottawa iyo Toronto.
Sidoo kale waxaa warbixin guud oo ka hadlaysa xaalada wadanka Ogadeniya iyo
hawlaha guud ee JWXO ee Kanada ka soo jeediyey Wakiilka JWXO ee wadaanka Kanada
Mudane Faraax Cismaan Gaab, waxaana halkaas lagu doortay gudi cusub oo shaqada
sii wadi doonta sanadaka 2003.
Shirka Unuga ka didb waxaa bilaabatey qudbado iyo doodo ay ka soo jeediyeen
goobtii shirka marti sharaf yio aqoonyahano u dhalatey Ogaadeniya oo uu ugu
horeeye Dr. Cabdi Aaaden Dhagoole oo aad ugu nuux nuux sadey khibradda gaarka ah
ee uu u leeyahay Taliska maanta maamula Itoobiya.
Waxaa iyaguna aan goobta ka maqneyn Hooyooyinka iyo Gabdhaha Ogaadeeniya oo
iyagu si habsi leh isu soo agaasimey, goobta shirnkana ka soo jeediyey qudbado
dhiirri geliyey dadkii shirka isagu yimid.
Qudbadaha iyo doodaha ka sokow, kama madhnayn goobtaas suugaanta ay shacabka
Ogaadeniya Hodanka ku yihiiin. waxaana maalitii sabatida dadkii aad u soo
jiiiday Gabay uu goobtii shirka ka soo jeediyey Moxamed Macalin oo ka mid ah
odayaasha Jaaliydda Ogaadeniya ee Magaalada Ottawa.
Jabhada Wadaniga Xoreenta Ogaadeenya oo canbaaraysay qarixii Godey ka dhacay
Jabhadda Waddaniga Xoraynta Ogadenya ayaa war-saxaafadeed ay soo saartay si xoog
leh ugu canbaaraysay dilka macna la'aanta ah iyo dhaawaca uu dadka shibilka ah
een waxba galabsanin u gaystay bamkii lagu qarxiyay magaalada Godey 29 bishii
December, kaasoo ay ka denbeen xubno ka tirsan malleeshiyada ay samaysay
xukuumada Itoobiya.
Falalka noocan ah ee dugaagnimada ahi waa dhaqan lagu yaqaanno malleeshiyada ay
xukuumada Itoobiya ka samaysay dhulka Ogadenya, kuwaasoo fasax loo siiyay
boobka, xatooyada iyo inay is-maan-dhaafka shakhsiga ah ku xalliyaan
tallaabooyin bahalnimo ah, sida weerarka Godey oo kale.
Dadwaynaha Ogadenya waxay muddo dheer dhibaato ba'an ku qabeen malleeshiyada
ay dawladu maal geliso, baadhista uu wado waxa loogu yeedho “booliska
gobolkana' waxaa loola jeedaa in lagu abuuro denbiyo kale oo dhaawaca sii
kordhiya.
Jabhadda Waddaniga Xoraynta Ogadenya waxay ururrada caalamiga ah ee xuquuqda
bani'aadamka daneeya ugu baaqaysaa inay si wayn ugu dhabba-galaan dhaqanka
malleeshiyada xukuumada ee Ogadenya ka jira, isla markaana ay si cad u ogaadaan
xidhiidhka ka dhexeeya malleeshiyadaas iyo maamulka Addis Ababa.
Dad ku dhintay shaqaaqooyin ka dhacay magaalada Makkale.
Labo qof ayaa ku dhintay, dad badan oo kalana dhaawac ayaa ka soo gaadhay
shaqaaqooyin ka dhacay magaalada Makkale, oo dhex maray labo kooxood oo ka kala
tirsan labo kaniisadood oo masiixi ah.
Sida ay wararku sheegayaan waxay shaqaaqooyinkani markii hore ka billowdeen
garoonka kubbada cagta ee magaalada Makkale, oo lagu magacaabo Makkale Baloni
Stadium, waxayna wararku sheegayaan in boolisku uu rasaas oodda kaga qaaday dad
rayad ah.
Waxay kaloo wararku sheegayaan waxaa la xidhay dugsiyada magaalada makkale,
iyadoo laga cabsi qabo in ardayda dugsiyadu ay ku biiraan rabshadaha magaalada
ka jira.
Itoobiya oo loo haysto lacag la filayo in la musuqmaasuqay.
Hay'adda Qaramada Midoobey u qaabislan ka hortagga cudurka dilaaga ah ee
AIDS-ka, oo hadda ka hor Itoobiya ku caawisay 14 milyan oo dollar, oo loogu
talagalay ololaha ka hortagga AIDS-ka, ayaa madaxwaynaha Itoobiya Girma Wolde
Girogis ka codsatay labo bilood ka hor inuu soo caddeeyo meeshii ay lacagtaasi
ku baxday.
Hase yeeshee madaxwayne Girma, oo madax ka ah ololaha ka hortagga AIDS-ka ee
Itoobiya, wax jawaab ah ma aanuu soo siinin Qaramada Midoobey, arrintaasoo
keentay in bishii hore ay Qarmada Midoobey u soo dirto dalka Itoobiya ergo soo
xaqiijisa meeshii ay lacagtaasi ku denbaysay.
Waxayna ergadaasi wadahadal la yeesheen madaxwayne Girma oo ay mar kale ka
codsadeen inuu keeno dukuminti caddaynaya qaabkii iyo meelihii lacagtaas loo
isticmaalay, balse wuxuu ergada u sheegay in dukumintigii uu la yaallo Addisu
Legesse, oo ah ku xigeenka ra’iisal wasaaraha Itoobiya, isla markaana ah
wasiirka horumarinta reer miyiga, kaasoo uu si qarsoodi ugu daray guddiga
ololaha ka hortagga AIDS-ka.
Hase yeeshee ergadii Qaramada Midoobey ayaa muddo seddex maalmood ah baadi
goobayay Addisu Legesse, kaasoo markii ay la kulmeen u sheegay in dukumintiga
madaxwaynuhu sheegay aanuu isaga la oollin.
Ergada Qaramada waxay Addisu Legesse u sheegeen in haddii uu dukumintigaas bil
gudeheed ku keeni waayo ay markaas Qaramada Midoobey la xisaabtami doonto.
Dadka arrimahan ku dhadhaw ayaa sheegaya in ergada Qaramada Midoobey ay
dareemayaan in lacagtaas arrimo kale loo isticmaalay
Dhacdooyinkii Sanada 2002 oo kooban
Dhacdooyinkii ugu waaweyna ee Dhinaca Dagaalada iyo Xadgudubka ay Ciidamada
Cadawgu u gaysteen Shacbiga Ogaadeenya sanadkii 2002 waxaa ka mid ahaa :
a) Ciidamada.
* Sanadkan Ciidamada jwxo, waxay fuliyeen 115// Hawl gal dagaal.
* Dagaaladaas waxaa cadowga laga dilay 890 Askari oo 45 sargaal ku jiraan.
* Waxaa hawlgab laga dhigay ama laga dhaawacay 1035 Askari.
* Waxaa cadowga laga gubay 8//Baabuur.
*Waxay ciidamada cadowgu iska dileen dhexdooda 120 Askari
* Waxaa ciidamada gumaysiga ka baxsaday, 375// Askari.
b)Dhinaca ku xadgudbika xuquuqda dad weynaha:
* Ciidamada iyo maamulka gumaysigu waxay Sanadkan xidhen 4750/ Ruux.
* Waxay dileen 95 qof oo 30 caruur tahay.
* Waxaan qofkiiba lagu ganaaxay 2000// oo Bir.
* Waxay Ciidamada gumaysigu sanadka, Qasheen, Dhaceen; 9740// Nef Adhi ah;
1400// Neef Geel ah; 2200//Neef Lo’ ah;
* Lacagta Magaalooyinka iyo dadka lagu ganaaxay, ama la dhacay, waxaa lagu
qiyaasay in ay gaadhi 1/milyan iyo dhawr boqol oo kun, oo Doolar.
* Waxaa la kufsaday 125// Dumar ah.
* Waxay ciidamada gumaysigu gubeen 15/Tuulo.
* Waxay Jidh-dil ku sameeyeen, 1500// oo Ruux.
* Waxaa jid-dilkaas ku naafoobay,250// Ruux.
* Waxaa Raad iyo Ruux meel ay ku dambeeyeen la waayay, kadib markay
ciidamada gumaysigu qabteen, 193// Ruux.
Dhinaca kale waxaa muuqata inuu gumestuhu gebi-dhaclayntiisii caadada u ahayd
hadda isbadalo maamul iyo milateriba uu ka wado Ogaadeenya. Isbadaladaasna
waxaa keenay, markii wax kasta
taliska gumeysigu madax badan oo Kiliil ku sheega la xidhay sanadihii la soo
dhaafay, hase yeeshee, la maamuli kari waayay
dalka, ayey qasab ku noqotay inay haddana markale talaabo nafla haar ah qaadaan.
Waxaa ka mid ah in dalka Ogaadeenya loo qaybiyo laba xarumood oo maamul sida ay
ku magacaabeen oo mid Jigjiga m?madax u tahay midna Godey. Hase ahaate tani
waxay ka mid tahay siyaasadiisii caanka ahayd ee qaybi oo xukun. Sida wararka
xog ogaalka ahi sheegayaan waxaa la xayirayaa xoriyad isu gudubka, waxayna soo
wataan in waraaqo aqoonsi ah loo kala qaato gobolada maamul ay sameeyeen.
Waxaa Albaabada loo laabay Schoolaadkii hoose ee awal horeba tirada yaraa. In
kasta oo Gumeysatadu ku sheegtay sababta xidhidda mid la xidhiidha abaaraha
haddana wararka la gu kalsoon yahay waxay sheegayaan in Itoobiya dhaqaale iyo
miisaaniyad ay ku maamusho la'day dugsiyada. Waxaa la leeyahay waxay ka mid
tahay dhaqaalaha dalka hoos u dhacay oo shaqaalihii mushahaar loo la' yahay.
Waxaa kale oo dadka ka faalooda leeyihiin waxay la xidhiidha siyaasadda Itoobiya
ee ah inay dadweynaha Ogaadeenya kala dagaalanto dhinaca aqoonta sida ay ugala
dagaalamayso xagga dhaqaalahan..
Ahmed Gaal,eri.
Radio Xoriyo
radioxoriyo@aol.com radioxoriyo@ogaden.com
Xusuus: Radio Xoriyo waxaad ka dhegaysan kartaa Mawjadda 19 MB ee dhererkeedu
yahay 15670 KHZ, Maalmaha Talaadada iyo Jimcaha 7: 30PM waqtiga Afrikada Bari
Dhegeyso
warkan oo Cod ah
...HALKAN KA BAAR WARARKII HORE EE XORIYO
....KAYDKA WARARKA
RADIO XORIYO - NEWS ARCHIVE
AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk
|