Terry
iyo Sh. Cabdallahii Qarnigii 19aad
F. Ali Maestro
javamaestro1@gmail.com
Bismillah,
Salaan kaddib, waxaan aad ula yaabanahay dunida weli heerka la kala marayo,
iyo weli sidayan dadyow ay somalidu ku jirto ayan wax haba yaraatee isbeddel
la taaban karo u samayn labadii qarni ee la soo dhaafay marka laga eego
dhinaca maamulka.
waxay ahayd awaakhirkii 1800-ladii markii nin ingiriis ah oo la baxay sheekh
cabdalla uu seylac muddo saddex sano ah imaam ka ahaa isagoo sahan u ahaa
ingiriiska, xilligaas waa loo garaabi karay dadkii joogay, oo helidda
akhbaarta oo ku adkeyd, iyo nin quraan dareerinaya ayaa isugu darsamay,
waxaanse marnaba garwshiiyo lahayn xilligan wax walba oo macluumaad ah ay
sahlan yihiin helitaankoodu sida dadka loo indha saabi karo.
waxaan aad u raad raacay oo aan isku mashquuliyay inaan ogaado qisooyinka
heshiisyada Puntland iyo sheekooyinka illaa sannadkii hore dhammadkiisiii
socday ee XAFZA, iyo tan kaba sii daran ee concort.
helidda xogta HAFZA waxay igu qaadatay ilbiriqsiyo, inkastoo haatan
akhbaarta shirkaddu ay ka duwan tahay taan ka helay sannad kaddib oo markaas
waxay ahayd mid jarmalka ka sajilan, saldhiggeduna yahay matraykanka, hase
yeeshee bal guji xiriirintan hoose,bogga soo baxanna meeshiisa maran ku qor
hafza.com http://hafza.com, macluumaadkaad helayso iyo kii aan sannad ka
hor hayay waa kala laba.
http://www.networksolutions.com/whois/index.jhtml sababtu waxay noqon kartaa:
1-markii horaba shirkaddu waxay ahayd garab rarato, aan iska bixin karin
karin banka internetka oo aan sannad ijaarka ama kirada u bixisa (xaafuunna
dabaqyo ayay ka dhisaysaa).
2-akhbaartii hore iyo tan haatanba waxay muujinayaan inayan bixin karin kiro
sannad ka badan oo ay ku xajistaan banka internetka.
3-Haatan waa Australia, waxaana soo baxaya shakiga ah maxa ka dhexeeya Hasza
iyo heshiiska shirkadda cusub ee concort.
Waxa ay xubinnimada aan ka mid ahay dadka bixiya khidmadda ku taxnaanta
buuga ugu weyn dunida ee sajela shirkadaha ay ii shashay inaan bal dhex
dabaasho shirkadaha gebi ahaanba ka jira dunida horumartay, nasiib wanaagse
qof kasta oo raba inuu helo macluumaadka shirkaddan baaraysa macdanaha (waa
siday yiraahdeene) uma baaha inuu ku taxan yahay buuggaas xitaa qaybtiisa
online-ka ah si sahal ah ayuu u heli karaa, bal raac xirikan (link) hoose oo
meesha sea ku qoran tahay geli concort, concord, concert, consort ama magac kastoo
lagu sheegaba, gaar ahaana dooro Region-ka meesheeda Australia,
http://www1.kompass.com/kinl/index.php
waa mustaxiil inaad hesho shirkad magacaas leh, xitaa dunidoo dhan, waad
heli kartaa CONCERT mihnaddeedu tahay ruwaayadaha iyo xafladaha.
waxaan dheereyey maqaalka oon ugu tala galay inuu fahmo qof kastoo soomali
ah aqoontiisa komputarkuna wax uun ka adeegsan kara.
waxaase kuu soo baxaysa in sheekh cabdalla labaad laba qarni kaddib soo
baxay, ama in wax aynaan ogayn ay qarsoon yihiin.
F. Ali Maestro
javamaestro1@gmail.com
Afeef: Aragtida qoraalkan waxaa leh qoraga ku
saxiixan
Faafin: SomaliTalk.com | Sept 11,2005
| 
Daabaco
Boggan | Print
