Maamulka Sweden iyo midka C/hi
Waxaa dhowaan, insha Allah, soo baxaya CD-gii mudada dheer lasugayey,
waa kii ugu horeeyey ee HTML iyo Macluumaadka Internetka oo Af-Soomaali ah,
si aad wax uga ogaatid CD-gaas Guji.Halkan
|
Maraykan:
Sweden aniga waad itaqaanaan quwada kaliya ee jirta inaan ahay. Waxaan
ubaahnahay inaad gacanta iisoo galisaan seddex Soomaali ah oo Albarakat
ushaqayn jiray. Waxaan rabaa inaan Kuuba (Cuba) geeyo oo aan su’aalo waydiiyo.
Sweden: Maraykan
bal horta naga warsug aan tashano oo aan baaritaan samayno.
Maraykan:
waa tahay laakiin dhakhsada.
Sweden:
waxay usugu yeertay dowladii iyo mucaaradkii, dadkii ay arintaasi khusaysay.
Ninkii howsha u xilsaarnaa wuxuu yiri waad aragtaan in maanta uu codsi nooga
yimid dowladii aduunka ugu xoog badnayd iska dhaaf Sweden ee ka xoog badan
Europe iyo dunida inteeda kale. Waxa nalaka doonayaana waa dad muslimiin ah oo
waliba Soomaali ka sii ah marka farta ma ka saarnaa Maraykan ilayn micno
malahee?!. Dood ka bacdi waxaa arintii kusoo biyo shubatay in ay ceeb tahay in
dad Sweden marti u ah oo haysta dhalashadeena in Maraykan gacanta loo gasho
waliba iyada oo uusan Maraykanku keenin wax cadaynaya oo tusaya nimankani inay
argagixiso yihiin. Inkastoo diintooda aan laga jeclayn wadankan laakiin
maradeenii bay huwanyihiin waana ugurmanaynaa ilaa aan magacooda ka saarno eeda
loo haysto. Ugu dambayn waxay Maraykanka ku dirqiyeen inuu labo ka mid ah uu
sha’nigooda shanta kala baxo.
Mela Zenawi:
C/hi macalinkaagii baan ahay. Waxaan ubaahanahay labo nin oo Carab ah oo
Boosaaso joogta. Maxaad ka qabtaa.
C/hi:
Macalin Ma’da ka daa. Taad rabto baa meesha ka soconaysa. C/hi
Mustashaariintiisii sida Ismaaciil Xaaji, Xaaji Bakiin iyo media-yihiisa sida
Mudugonline,allpuntland iyo Shesna midna kalama tashan. Macalin meeqa ayaa
nimanka iiga gadanaysaa.
Mela Zenawi:
C/hi anigu cid baan ka socdaa ee aan la tashadee iisug. Zenawi
mushtashaariintiisii buu isugu yeeray wuxuuna yiri ka warama arintaas. Waxay
usheegeen inuusan C/hi wax maal ah siin laakiin uu rasaas iyo wax lamid ah oo
uu dadkiisa kumariyo la siiyo .
C/hi:
Macalin nimanka ma soo qabtaa?
Zenawi:
soo qabo ragaas, rasaasna qaado oo dadka kaa soo horjeeda hilfaha ugu qaad.
Baribari cajaladii uu Gaalkacyo kasoo duubay
waa la fiirsaday. Tani Boosaaso bay ka dhacday.
Waxaan gaaladii falin reer Gaalkacyo baa
farihii la galay.
Sweden iyadu waxay sheegtaan inay diintii hore
ee Najaasha ay haysato, toloow marti soorida ma isagay ka urinayaan? Laakiin
qolyahan soo socda xagee u nisba sheegtaan sida Baribari, Ismaaciil iyo C/hi
iyo media-yahooda sida Mudugonline iyo allpuntland. Aniga waxaa la is orankaraa
mucaarad baa ku tahay balse tixdii Cusmaan Yuusuf Keenadiid aan milicsano:
Xayow Maxamedow laga waswaas, xaalka Reer Muduge
Waa meel aan la xusuusannayn, xaajo aakhiro'e
Waa meel xasarad foolxun iyo, xumo ku beermeene;
Waa meel xakamadaa sharciga, la xaqiraayaaye
Waa meel aan seeddi xurmo weyn, la xarragaysiine
Waa meel xabiib wada dhashiyo, xididba eedeene;
Waa meel xigaal kaad tihiin, xaasid kuu yahaye
Waa meel xiriirkii tolnimo, xarigga loo goyne
Waa meel xilkii laga tegoo, laga xishooneyne;
Waa meel xaqiiqdii dhuntoon, xaqa la sheegeyne
Waa meel ay xaaraantu tahay, sida xalaashiiye
Waa meel xadgudub joogo iyo, xilofur beeneede;
Waa meel xurquun door u yahay, kii xarshaash ihiye
Waa meel xifaalliyo dembiyo, xani ka buuxdaaye
Waa meel uu xoolaysan lacag, xaakin kii ihiye;
Waa meel xirfoba laga dhigtaa, xeelad iyo ceebe
Waa meel ninkii xoog yaraa, xaddan ku joogaaye
Waa meel xaraash iyo dhac iyo, xoogsi la hayaaye;
Waa meel xaraash iyo dhac iyo, xoogsi la hayaaye
Waa meel xayaatiyo dadnimo, ka xadfanaadeene
Waa meel midkaad xor u tiqiin, xabash ka liitaaye.
Waxaan ku kordhinayaa hal beyt oo aan Mudug ka jirin markii Cismaan tixdaa tiriyey:
“Waa meel xabaaluhu yihiin xaram la aadaaye”
Xumaantii Cismaan sheegay beytkan dambe ayaa
isku sii fuuqsaday oo kasii daran.
Waxay ila tahay wixii beryahan degaankaa ka
dhacayey hadaad gabaygan u fiiriso waxaad moodaysaa in sidii uu Abwaankaasi
yiri ay meesha taal. Waxaa dhici karta in gabaygan la tiriyey C/hi oon dad
badani aqoon.
Seddexdii Sano oo u dambaysay reer Mudug hal
duq ah oo galoof ah bay gaawe u haysteen hadana reer Bari ayaa sac gaane ah
godol ka raadinaya.
C/Waaxid C/hi Khaliif
cabdulwaxid@hotmail.com
Afeef: Aragtida
qoraalkan waxaa leh qoraaga ku saxiixan kana tarjumi meyso aragtida SomaliTalk
SOMALITALK.COM
|
July 24, 2002
WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
Help The Fight Against Spam!
| 
