canab maxamud mumtaz | canabmumtaz@hotmail.com 

May 14, 2003

Xaflad aad loo soo qaabeeyay ayaa maanta ka dhacaday xarunta shirka ka socdo ee mbagathi. waxaana furay wasiirka arimha dibada ee dalka kenya Mr.Stephen Kilonzo Musyoka.

Wasiirku waxa uu ka hadlay ahmiyada shirku u leeyahay dadka soomaaliyeed iyo sida ay waajibka ugu tahay siyaasiyiinta in ay daaacad ka noqdaan shirka ka dhacaya kenya oo galaya wajigiisi sadexaad oo lagu wado in lagu soo dhiso dowlada qaran oo loo wada dhan yahay.waxa kale oo uu ka hadlay wadamada gacanta ku siiyay shirkan inuu sii socdo iyo dadaalka ay wali wadaan oo aan uga mahadcelinyo kana sii codsanyo in ay la garab istaagaan shacabka soomaaliyeed kaalmo dhaqaale illaa inta ay laga helayo dowlad qaran. isagoo ugu baaqay dhamaan siyaasiyiinta ka maqan shirka in ay si dag dag ah ugu soo laabtaan una daneeyaan shacabka u dhibaataysan nabada isagoo amaan usoo jeediyay siyaasiyiinta jooga shirka ee waqtigooda ku bixiyay in la helo nidaam wax badali kara layskuna raacsan yahay, waan ognahay waanan ka xunahay in lagu xadgubay heshiiskii eldoret ee xabad joojinta, waxaan si dag dag ugu direynaa soomaaliya gudi soo xaqiijiya dabagalna ku sameeya cida nabda ku xadgudubtay si aan ugu cambaareyno faldambiyeekiisaas hay,adaha caalamiga ee nabada ka shaqeeyana aan ugu bandhigno cida ka dambaysa dagaalada iyo nabad la,aanta sii baahaysa ayuu yiri wasiirku

Sidoo kale waxaa isna ka hadlay munaasabadan AM. Kiplagad, oo ka warbixyay heerarkii uu shirku soo maray isagoo xusay in ay jireen marxalado adag oo kaga imanayay qaabka uu shirku u socdo iyo xalinta qilaafyada oo dhibkooda lahaa balse aan ku guulaysanay in qaarkood la xaliyay qaar kalena ay wali harsan yihiin ayuu yiri kiplagad oo u mahadcelinayay wadamada safka hore ee IGAD dadaalka ay ka muujiyeen mudadii todobada bilood ahayd ee uu shirku socday walina diyaarka u ah.

Waxaana sidoo kale xafladan suugaan ku soo badhigay ka tarjumaysay nabada hobalada soomaaliyeed,waxaa ka mid ahaa suugaantaasi (kuwa dabka shidaayow daga waad nadubateene daga) waxayna sugaantan fadhiga ka kiciyen siyaasiyiin badan oo oo goobtaa ku sugnaa shucuurtoodina wax ka badaleen.

Ka sokow xafladan waxaa jira hoos ka hadal iyo su,aalo badan oo ka dhex jira ergada soomaaliyeed iyagoo is weydiinaya wax lagu heshiiyay ee lagu soo gabagabeeyay wajiga labaad ee shirka iyo sida ay suurta galka u noqon karto in ladhiso dowlad iyadoo uu buuq ka jirro dowlada KMG ah oo aan ka midaysnayn shirkan oo wali uu taagan yahay qilaafkoodi, sidoo kale waxaa iyagana xiisad ka dhex jirtaa dad gaaraya 175 qofood oo todobaadkii hore laga saaray liiska erganimada, qololkii ay daganaayeena laga xirtay. sidoo kale waxaa buuq xoog leh dhaliyay markii qaar ka mid ah siyaasiyiinta loo xilsaaray in ay dajiyaan hanaanka qaab dhismeed ay lahaan doonto dowlada cusub ee somaliya gudigaas oo u qaybsamay laba qaybood oo ku heshiin waayay qaabka loo dajinayo lana baxay A-B illaa hadda ma cada wax lagu heshiis lagu yahay ee loogu gudbikaro dhisme dowladeed ka hirgasha soomaaliya oo dhan.

canab maxamud mumtaz

nairobi kenya.

canabmumtaz@hotmail.com 

May 14, 2003  

Kulaabo Bogga Hore....