BAAQ IYO TALLO KU SOCOTA MUSHARAXA MADAXWEYNAHA SOOMALIYA EE MENNEPOLIS

KU: JAAMAC KHALIIF

KA: 

MOHAMED ABDI HASSAN (DIRIDHABA)

KARACHI, PAKISTAN.

diridhaba2001@hotmail.com

May 31, 2003

Marka hore walaal waxaad mudantahay salaamta Islaamku isku salaamo "Asalamu Allaikum waraxmatulahi wa barakatu" salaam ka bacdi, aniga oo dareensan culayska siyaasadeed ee aad xanbaartay hadana waxaan jecelaystay aniga oo og inaad mashquultahay inaan dhawr tusaalood kaaga muujiyo sida loo heli karo qaran Soomaliyeed, markaan jaamacow Soomaliyeed ku leeyahay rag badan oo kaala qayb gellay xaflad lagu qabtay mennipolis runtii sidii ay wax kuugu sheegeen aad ayey gaf balaadhan walaal uga muujiyeen. waxaanay kugu tuureen haadan dheer oo aan meel laga noqdo lahayn.

Marka hore waxaa xusid mudan in la is aqoonsado oo la isku qiro oo la is aamino oo la is waafaqo, hadii taa la waayana runtii waxaan u arka ragga maanta mennipolis kula degen ee ay ka mid yahiin Cali Khaliif Galaydh, oo ay ka mid yahiin Professor Samatar, iyo ragg kale in ay halmaameen horana ay u gees mareen hadafka rasmiga ah ee lagu dooni karo Soomaliya, marka taa la is weydiinayana waxaa haboon in la ogaado waa maxay qeexitaanka Soomaliya? tallow Soomaliya ma isku dirqiga iyo sanka iskaga tollida dad aan is ogolayn oo hore isku eedayba? Soomaliya ma lagu heli kara Waarya xunyahow xunku dhallay iyo khaldaanimadii dhiig karka badnayd!, runtii taa ma jeclayn inaan uga faaloodo nin reer muqdisho ah balse buhoodle nimada ayaa igu keliftay inaan ku tiraabo scenerio loo adeegsado Somaliweyn, walaal waxaan ku weydiiyey Cali Khaliif Galayd waa nin Siyaasi ah oo muddo badan u huray maalkiisa, iyo naftiisa sidii uu madax uga noqon lahaa Soomalia waxaanu ugu yeedhnay Hargeysa oo ah xarunta Somaliland oo aan sinaba loogu inkiri karin, waxaanu weydiinay Caliyow maanta waadigan oo waad tegaysa oo waxaad isu sharaxaysa hogaan qaran ma waxaad kaga bilaabi inkiridda qaranka aad ka dhallatay ee Somaliland? cali juuq iyo jabaq midnaba ma odhan, waxaa ku xigay xikmadu u dhignayd

Walaac Anigoo ku seexday
maxaan walabahaar la toosay
wareer anigoo la liita maxaan
werwer jiifi waayey.
Maxaan sida weer cadhaysan
saqaa dhexe gaaf wareegay
intuu waqal ii hillacay
maxaan kula rooray weelka
u baydhay wadiiqo leexsan
wakhtigu i tilmaami waayey.

taasi macnaheedu waxay noqotay in cali khaliif seegay wakhtigii tallada waayeelka Somaliland, waxaa su,aasho jaamacow tahay maanta adiga oo Somalilander ah oo aynu wax wada dhisanay oo aynu qaran wada yagleelanay haddii aynu midnimo wax ku doonayno walaal sidaa si ka quruxsan oo shacbiga uga quruxsan ayaa lagu heli karaa, ogow Jaamcow riyadii been abuurka ahayd ee Somalia 1960 ilaa 1991 waxaa dumiyey khariidadii loo jeexay oo la baalmaray, laga yaabe inaad is tidhaahdo waa nin qadiyadaysan balse runtii waa siday xaqiiqdu ku dhisantahay, anigu kama cabsi qabo inaad madaxweyn noqoto, balse waxaa ka ayaan xun madaxweyne baal maray wadadii wax lagu heli lahaa.

Hadaba aniga oo ka hadafka iyo Masayrka dawladda iyo shacabka Somaliland iyo ururka qiimaynta Qaranka iyo ka hortagga duminta Somaliland oo xaruntiisu tahay magaalada Hargeysa laguna dhawaaqay 20 january 2002 gudoomiyana u yahay Engineer Maxamed Xaashi Cilmi, waxaan kuu caddaynaya halkani hadafka Somaliland iyo dawladda lagu dhisaayo magaalada Eldoret ee kenya

1. Somaliland aqoonsan mayso lana fadhiisan mayso qadarina mayso Dawlad uu madax ka yahay shakhsi ku abtirsada lixda gobol ee Somaliland, waa Hargeysa, Togdheer, Sanaag, Sool, Saaxiil, iyo Awdal.

2. Somaliland aqoonsan mayso lana fadhisan mayso meelna la istaagi mayso qadarina mayso dawlad ay ka dhex muuqdaan danbiilayaashii danbiga ka gelay umadda reer Somaliland wajiyadaasi ama ashkhaastaasi oo liis cad noogu qoran.

3. Dawladda Somaliland aqoonsan mayso meelna la istaagi mayso, dawlad dafirsan qaranimada iyo madaxbanaanida Somaliland.

4. Somaliland aqoonsan mayso lana fadhiisan mayso lana xaajoon mayso shakhsi danbi ka gellay Umadda Soomaliya (Koonfur)

5. Somaliland la xaajoon mayso lana fadhiisan mayso aqoonsanna mayso dawlad ay ku jiraan golahii kacaanka ee wixii loogu yeedhi jiray Soomaliyadii burburtay ee dimuqradiyadda lagu dhisay ee Siyaad barre ka tallin jiray

6. Somaliland aqoonsan mayso shakshi ama koox isku magacawda inay xukunka Somaliya matalaan oo aanay aqoonsanay badiba bulshada Soomaliyeed sida kooxda Carta.

7. Somaliland waxay wada xajood la geli karta

a) dawlad ay dhiseen
b) dawlad mabdi,iyan aan ku noqonin caqabad nabadda iyo amaanka mandaqadda beriga afrika lana dagaalanta argagaxisada caalamiga ah.

waxaan rajaynaya hadii aad u xayndaabatay madaxnimada Somaliya inaad fulliso qawaaniinta kor ku qoran.

Wa bilaahi tawfiiq.

From: Mohamed Abdi Hassan (diridhaba)

Karachi, Pakistan.

MAHURAAN: Waa buug dhowaan soo baxay GUJI...

diridhaba2001@hotmail.com

Afeef: Aragtida qoraalkaan waxaa leh oo ay gaar u tahay qoraaga ku saxiixan, kana tarjumi meyso aragtida SomaliTalk.com

Faafin: SomaliTalk | May  30, 2003