::: SomaliTalk.com :::

Aug 4, 2005

Wasiirka Arrimaha dibadda ee Dowladda Ugandha Mr.Augustine Nshimye oo ka hadlayay geeridda Boqorkii Dalka Sacuudi Arabia ayaa sheegay in Boqor Fahad Allaha u Naxariistee uu ahaa Saaxiib ku wayn dadka reer ugandha.

Mr.Augustine waxa uu intaas ku daray in Taariiq weyn ay ka dhaxayso labada dal,waxa uuna wasiirku xusay in dowlada sacuudiga ay maalgalin ku samaysat mashaariic kala duwan oo waxtar badan ku soo kordhiyay dadka islaamka ah ee reer ugandha iyadoo ay ka faa'iidaysteen Muslimiin badan oo dalka u dhashay sida masaajidyadda,Iskuulada iyo goobo kale oo muhiim ah kuwaas oo wax badan u leh dalka.

Bartamaha magaalada Kampala dabaq weyn oo ganacsi ayna leeyihiin dowlada sacuudiga laguna magacaabo King Fahad Plaza ayuu xusay wasiirku isagoo sheegay in ay ku wareejisay Muslimiinta Ugandha si rasmi ahna uu xariga uga furay daartaas Madaxweynaha dalka Ugandha Mr Museveni Sanadkii 2003.

Sidoo kale Muslimiinta Dalka Ugandha ayaa Tan iyo markii u geeriyooday Boqor Fahad ilaa hadda uga duceeynaya Masaajidadda waaweyn ee magaalada ku yaala kuwa ka baxsanba,muslimiinta Ugandha ayaa taageerada ugu badan ee jaamacadda carabta ka hesha dalka sacuudiga Arabia,waxyaabaha ay ka caawiyaanna waxaa ka mid ah Maktabadaha kutubka Islaamiga ah laga helo oo ku qoran afka Ingriiiska iyo kan carabiga ahba,Manhajka Sacuudiga oo aryad oo badan oo reer Ugandha ahi ay wax ku bartaan iyo sidoo kale Dugsiyadda quraanka oo kutubadda ay siiyaan caruurta.

Jaamacaddo Islaami ah oo ay maaligaliyaan wadamada Muslimka ah gaar ahaan dalka casuudiga oo badankood ah kuwo lacag la'aan ah ayaa ka mid ah faa'iidooyin badan oo ay muslimiin badan oo reer ugandha ah iyo kuwo ka yimid wadamada geeska Afrikaba kana barta culuumaad la xiriirta islaamka iyo kuliyaddo kale ayaa ka mid ah waxyaabaha dalka ugandha kor u qaaday aqoontooda xagga islaamka.

Guud ahaan Shacabka iyo Dowladda Ugandha ayaa tacsi gaadhsiiyay dhamaan dunidda muslimka gaar ahaan Boqortooyadda sacuudiga oo dhawaan oo dhawaan uu geeriyooday boqorkoodi inuu Alle u naxariistona u baryay.

Canab Mumtaz | SomaliTalk | canabmumtaz@yahoo.com

Madaxweyne ku Xigeenku Isagaa Masuul ka ah Ismaandhaafka Siyaasadeed ee ka taagan Gobolada Sool,Sanaag iyo Cayn

Maxamed Maxamud gaaxnuug

gaaxnuug10@hotmail.com

Tan iyo intii la doortay madaxweyne ku xigeenka Puntland Xasan Daahir Afqudhac waxa ka aloosmay deegaamada SSC is maandhaaf siyaasadeed oo u dhexeeya maamulada gobolada iyo degmooyinka iyo dadweynahaba kaas oo intabadan u dhexeeya madaxda maamulka.

Hadaba si aan wax uga ogaano arimahaa maamul ee ka taagan gobolada ssc ayaan waxa aanu diirada saarnay dadweynaha ku dhaqan deegaamada bal in ay wax nooga sheegaan arimuhu halka ay ka socon la yihiin.

Isla markaa waxaan la kulmay dadka iyagu xog ogaalka amase ah shaqsiyaadka laga qadariyo bulshada dhexdeeda waxayana ii sheegeen in arimaha ka taagan goboladan uu masuul ka yahay xasan daahir waa madaxweyne ku xigeenkee. Waxuuna bay yidhaahdeen shaqadiisii ku qaatay inuu ku jiheeyo dhinaca maamulka Hargeysa oo la leeyahay waxa ka dhexeeya xidhiidh hoose oo ku aadan sidii goboladani uga mid noqon lahaayeen maamulkaa taasoo ayaamahan warbaahintuna wax ka sheegatay.

Dhanka kale waxa is hayntan u dhexaysa madaxda maamulka ayaa la sheegayaa inuu isagu lug kula jiro oo uu la safan yahay qaar ka tirsan madaxda maamulka sool oo ay wararku sheegayaan inuu reernimo ku taageero.Taasina waxa ay markhaati ka dhigtay duqa magaalada laascaanood oo wax qabadkiisa ay taageereen dadweynaha ssc gudo iyo debedba hase ahaatee shaqadiisii ay curyaamiyeen qaar ka tirsan madaxda gobolku Xasan daahirna uusan waxba ka qaban.

Taasoo xistaa marqaati aan ka ahay xafiiska duqa magaalada in loogu hanjanbay dadku waa qabiil oo shaqada igama saari kartid taas oo duqa maagaladuna ay geysiisay in qaar ka tirsan maamulku ay ka horyimaadeen taasoo xistaa tagtay in loo adeegsado idaacada radio laascaanood lagana sheego in aan lalala shaqayn duqa magaalada.

Arimahan intii ay socdeen madaxweyne kuxigeenku wax talaabo ah oo uu ka qaaday cid alaale iyo cidii is hortaagta shaqada qaranka ma jirto waxana ay gaadhay qalaase taas oo aan cid cid ka amar qaadanaysaa aanay jirin.

Sidoo kale waxa dadweynaha goboladan laga qaadaa lacago cashuur ah kuwaas oo wax loogu qabtay dadweynaha aanay jirin waxaadna arkaysaa waraaqo ay ku qorantahay FADLAN SII oo inta badan la leeyahay waxay ka yimaadeen dhinaca madaxweyne ku xigeenka iyadoo waxa soo hadhana aad ku maqlaysid xafiisyada HEBEL BIYO CABAALKIISA u qor

Dakhligaa maalin walba laga qaado dadweynaha ayaa ilaa iyo iminka ay dadweynuhu la yaaban yihiin marka laga reebo waxoogaa yar oo duqa magaaladu hawl galo ku sameeyay mooyee.Waxaadna arkaysaa adeeg yadii bulshada oo aan wax laga qaban.Tusaale waxa aan galay Jeelka laascaanood malaha meel loogu shubo biyaha marka laga reebo Bac uu ii sheegay taliyaha jeelku oo uu yidhi anagaa isku taxalujinay inaan dadka xidhxidhan meel uun biyo ugu shubno.

Sidaa darteed dadweynaha deegaamadani marka aad la sheekaysato qof waliba waxa uu kuu sheegayaa amase dhaliilayaa madaxweyne ku xigeenka oo ay leeyihiin waxa uu gabay shaqadii uu qaban lahaa.Nin shaqadii uu qaban lahaana gabay muxuu u qaban goboladan.Taas oo ay inta badan leeyihiin muxuu wax uga qaban la'yahay dadka maamulka hortaagan iyo arinka kale ee lagu dhaliilayo ee ah inuusan kala jeclaysan beelaha wada dega ssc.

Isku soo wada duuboo is hayntan ku baahday deegaamada ssc ee ku aadan dakhli boobista iyo tamarla'aanta maamulka uu madaxweyne kuxigeenka ka yahay xasan daahir ayaa Cabdi xuseen Jaamac oo ka mid ah odayaasha laga tixgeliyo ssc uu iigu tilmaamay maraan waraysanayey ayuu waxa uu iyidhi.Xasan Bede oo lahaa gaadhi UD ah ayaa waxa isagoo gaadhigii wata dhulka la keenay baabuurta loo yaqaan WAARAADADA markii uu arkay sida ay u socdaan ayuu yidhi war waa Daasado la soo dhoobdhoobaye Lix bilood baabuurta inoo dhiga markii uu geed ku shiraaqay oo sanad la marayo ayuu yidhi war waa wax laysu soo diraye HAYAHA AAN LA BOOBNEE ??

Markaa waa taa Xasan Bede oo kale oo in lala boobo weeye amase aynu samirno Sadexdaa sano ee boobka.Waayo hadii madaxdii aan dooranayba ay iyaga wax ka dhaqaaqi la yihiin oo arintoodii noqotay in reer hebel baanu nahay waxba hagaagi maayaan.

Dhan kasta marka aad ka eegto dadka ayaa waxa wejigooda iyo af ahaanba aad ka arkaysaa sida ayna u taageersanayn madaxda maamulka Puntland oo iyagu wixii laga filayay noqon waayay ayna hadheeyee musuq maasuq reernimo.waxayna inta badan eeda dusha ka saarayaan madaxweyne kuxigeenka puntland.Xasan daahir afqudhac.

Wafti Reer Canada ah oo Booqanaya Jawhar

Waftigan oo xaqiiqo raadis ah waxaa hoggaaminaya xildhibaan katirsan baarlamaanka dalka Canada, waxayna booqan doonaan magaalada... Guji... July 31