Madaxweynaha
DFKG-ah ee Soomaaliya C/laahi Yuusuf oo ku
sii jeeda Dalka Sacudiga
Wararka
laga helayo caasimada KMG-ah ee Soomaaliya
Magaalada Jowhar ayaa laga soo sheegayaa in
maanta Madaxweyne C/laahi Yuusuf uu u
boqooli doono Caasimada Riyad ee Dalka
Sacuudiga ka dib markii uu casumaad ka helay Boqorka
la wareegay dhaxaltooyada Sacuudiga Boqor
Cabdala oo ku casumay in uu ka soo qeybgalo
shir looga hadlayo cilaaqaadka soo jireenka
ah ee u dhexeeya labada Dawladood ee
walaalaha ah.
Madaxweynaha oo oo gaarey Kenya, kuna hakan
doono inta uu joogo Neyroobi ayaa laga soo
xigtay in uu la kulmi doono qaar ka mid ah
beesha caalamka ee ku sugan Dalka Kenya,si
uu warbixin u siiyo hawlaha dawlada la soo
gudboonaaday guuritaankeedii caasimada KMG-ah
ee Jowhar.
Safarka
Madaxweynaha ayaa ku wehliya qaar ka tirsan
Wasiirada Dawlada Federaalka KMG-ah ee
Soomaaliya, wararka qaar ayaa sheegaya in
marka uu soo booqdo Sacuudiga ,uu uga sii
gudbi doono Wadanka Masar,si uu halkaas ooga
qeybgalo shir lagu qaban doono, magaalada
xeebta ku taal ee Sharma-Sheikh,iyadoo Masar
laga soo sheegayo in uu horay oogu sugnaa
Wasiirka Iskaashiga Gobolada Mudane
Ismaaciil Hure Buubaa.
Afhayeenka
Dawlada KMG-ah ee Soomaaliya C/raxmaan
Diinaari oo magaalada Jowhar ugu waramayey
saxaafada ayaa shaaciyay in Madaxweynaha
laga yaabo in uu gaaro Dalka Mareykanka,
hadaba waa markii oogu horeysay ee laga
dhawaajiyo in Madaxweynuhu u socdaali doono
mustaqbalka dhaw Dalka Mareykanka.
Dhinaca
kale waxaa horey oogu sugnaa Magaalada
Neyroobi, Gudoomiyaha Baarlamaanka iyo
Reysalwasaare Geedi, maantana waxaa ku
biiray Madaxweynihii Somaaliya C/laahi
Yuusuf.
Daabaco
Boggan | Print