Faalo''YAA MAALI JIREY''
maandeeq maanta yaan la baylihin
waa arrin shaqsi waliba oo soomaali ah ka dheregsan yahay wixii dhacay
mudadii lasoo maray burburkii iyo dagaaladii sokeeye waxaa sidoo kale ay
shaqsiyaadka soomaaliyeed ka dheregsan yihiin dadaaladii lagu baadi goobayey
dib u helitaanka dowlad qaran oo somaliya ka hir gasha, sidoo kalana waxaan
daah ka saarayn shaqsiyaadkaasi somaliyeed halka ay ku danbeeyeen isku
dayadii helitaanka xasilinta dalka xili waliba ha ahaadeene.
xiliyo qalafsan ayaa lasoo maray xurgufta dagaalada sokeeye waxaa ay gaareen
meel aan kasoo laabasho lahayn, waxaase ugu danbayn lasoo amaamuday DKMG ah
oo lagu dhisay shirkii Sanadaha ka socdey Dalka kenya, DKMG ah waxaa loo
dhisay in ay waajahdo dhibaatada baaxada leh ee dalka taala,waxaa loo dhisay
xasilinta iyo nabad kusoo dabaalida Dalka.
Hadaba waxaa isweydiin mudan maxaa ka qabsoomay daruufihii dalku ku sugnaa
dowlada Sanad jirsatey dhismaheeda ka gadaal, dadaalo caynkee ah ay muuqda
oo la orankaro waa tilmaan lagu hiran karo ama saadaal iyo saan saan
nabadeed oo intee le'eg ayaa socota.
Yaa waajahaya dhibaatada baaxada leh ee dalka taal, waxaa wax lala yaabo ah
in aan laba garwaaqsanay kitaabkii lamaray xiligii ladooranayey Xubnaha
baarlamaanka, kuxigeenadiisa,Madaxweynaha, Ra'isul wasaaraga,Golaha
Xukuumada iyo masuuliyiinta gaarsiisan ilaa heer maamul gobol oo dhamaantood
maray dhaartan.
waxaan ku dhaaranayaa magaca ilaahay inaan dhowrayo shruucda iyo axdiga
dalka uyaal gudanayana waajibaadka la ii doortay.
Waxaa kaloo wax iska weydiin mudan hadii masuuliyiintii ladoortay ee
heerarkaasi kala duwan ahaa ay aadaan goobo xasiloon kana warwareegaan
goobaha aan saxiloonayn ee loo dhaartay xasilintooda yaa laga sugayaa inay
xasiliyaan oo u dhalanaya goobahaasi, hadii ay masuuliyiintii qarankla u
dhaartay banaanka ka istaageen gelitaanka goobahaasi.
Waxaa wax laga xishoodo ah fariimaha kasoo baxaya mirihii dadaalkii dheeraa
ee nabada raadinta soomaliya, maxaa isku maray masuuliyiinta dalka u
dhaartay, madaxweynaha, Gudoomiyaha Baarlamaanka, Xubnaha Labada Gole meeday
masuuliyadii qaran ee loo han weynaa ee dalka iyo dadku idinka sugayeen.
waxaa sidoo kale wax laga naxo ah fariimaha ay bulshada gaarsiinayaa bahda
saxaafadu, waxaa ay had iyo goor soo dalwiyaan fariimo dhiilo xambaarsan
waxaa aad moodaa in ay haatan bahda Saxaafadu bedeleen Hogaamiyaashii
kooxaha, maxaa idinku saladay inaad had iyo goor colaad ka sheegtaan goobo
xasiloon, maxaa idinku saladay ka sheekaynta colaadaha sokeeye, Ciidamo iyo
colaado aan jirin hurintood maad umada ugu bedeshaan wacyi gelin iyo
barnaamijyada horumarka bulshada.
Abwaankii soomaaliyeed ee Abshir Bacadle waxaa uu yiri Hubka inaga dhiga
waxaanu nahay hooyo Ubadkeede,waxaan masuuliyiinta labada gole ugu baaqayaa
inaanay ka leexleexan waajihida dhibaatada dalka taala ayna ku dhiiradaan
tegida goobaha colaaduhu ka oogan yihiin, adinkaa u dhaartaye hadii kale
xilka u dhiga shacabka tabaalaysan.
Waxaan bahda Saxaafada usoo jeedinayaa inay ka waantoobaan usu jawaabida iyo
kala qoqobida bulshada soomaaliyeed ee daalan ayna xaqiiqada uga war
bixiyaan wacyi gelinta dadka soomaaliyeed ee raacatada u badan ay badiyaan.
Waxaan usoo jeedinayaa Da'yarta hubka sidata inay hubka sharuud la'aan isaga
dhigaan dhiig danbana aanu micne la'aan udaadan, ayna ka qayb qaataan
dhismaha dalka si ay uga nastaan garba beelka qoriga ayna qalinka waqti
siiyaan.
waxaan qormadan kusoo gebagebaynayaa hadii aanay Xubnaha labada gole
xaqiiqda dhabta ah waajihin aanayna geerin goobaha Xalka iyo xasilinta u
baahan in aanu dalku marnaba gaari doonin goolka la higsanayo.
Xassan Cali Gurxan( mataan)
Saxafi Nairobi Jooga.
soompress@hotmail.com
Afeef: Aragtida qoraalkan waxaa leh qoraaga kusaxiixan
Faafin: SomaliTalk.com |
June 27, 2005
Bosaso:
800 Guri ayaa Ku Gubtey Dab Qabsaday Xaafada Buulo Eelay
iyo Magaalada Gaalkacyo oo lagu soo rogay
Bandow, waxaana Galkacyo lagu diley Nabadoon Siciid Cumar Tinle,
iyo warar kale oo googoos
akhri
Daabaco
Boggan | Print