Gacan ku dhiiglihii
dilay 'khadar' maxkamad baanu hor keenaynaa miyay
beenowday?
- Moxamad
Ciisa Caabi
Gudoomiyaha Beesha Gabooye ee Europe iyo
Waqooyiga America
23kii June ayaa waxa
ay ku beegnayd maalintii loo mudeeyay in la'
horkeeno maxkamada gacanku-dhiiglihii sida
badheedhka ah ee kibirku ku jiro u dilay marxuum 'Khadar
Adan Usman Dhabbar'.
Hadaba markay saacadu
ahayd 12:00kii wakhtiga geeska afrika ayaa iyada oo
aan danbiilihii la' keenin, qaadina aanu imanin,
waaxbana aan loo sheegin eheladii uu ka geeriyooday
'marxuum khadar' ayaa laga soo dareeray maxkamada.
Hadaba waxa is waydiin
leh sababta maxkamada loo qaadi waayay? Mise waxay
ahayd uun addunka maqashii in maxkamad la' horkeeni
doono gacan
ku dhiiglaha?
Waxa kale oo wax laga
xumaado ah in ay soo noqnoqonayso eedaynta loo
gaysto dadka gabooyaha ah wax aanay samayn amaba aan
dhaqan u ahayn, kadib markii marwo 'Xali Cali Dheere'
ay Boliska Somaliland xidheen iyada iyo gabadh ay
dhashay markii lagu soo eedeeyay in ay afduubtay 'Sabaad
Maxamad Rodol' gabadhaas oo 'Sunatullahi wa Rusuuluh'
uu ku guursaday wiilkeeda 'Barkhad Maxamad Miisan'
mudo laba sano kahor. Waxa la' soodaayay 'Xaali'
markii maxkamadu wax ku wayday, laakinse waxa ay
Booliska Somaliland ugu hanjabeen in ay xidhi
doonaan hadii aanay tagin Boosasao oo aanay keenin 'Sabaad'.
Waxa aad moodaa
maalmahan dambe in ay cunsuriyadii sii kordhayso,
taas oo ka soo horjeeda manhajka dowladnimo ee
Somaliland. iyadoo dadka Somaliland ay waayo
aragnimo fiican u leeyihiin xumaanta ay leedahay
shacab xoog lagu caburiyo ogna in ay dhibaato badan
ka soo martay.
Ugu dambayn waxa aan
ka codsanaynaa maxkamada sharafta leh ee Somaliland
in ay si deg deg ah maxkamada u horkeento gacan ku
dhiiglaha kuna xukunto sida uu dhigayo sharciga
Islaamku, oo ah qofkii qof dila in loo dilo.
Moxamad Ciisa Caabi
Afeef: Aragtida qoraalkan waxaa leh qoraaga kusaxiixan
Faafin: SomaliTalk.com |
June 27, 2005
Bosaso:
800 Guri ayaa Ku Gubtey Dab Qabsaday Xaafada Buulo Eelay
iyo Magaalada Gaalkacyo oo lagu soo rogay
Bandow, waxaana Galkacyo lagu diley Nabadoon Siciid Cumar Tinle,
iyo warar kale oo googoos
akhri
Daabaco
Boggan | Print