MAXAMED MUKHTAR MAXAMED”TAAREY”
Guddoomiyaha KMG ah Ururka SAMO ahna
Xubin Guddiga Xalinta Khilaafadka Shirkii
Dib-u-hishiisiinta Soomaaliyeed   (Mobile +254-721-944210 Nairobi)

---

WAR SAXAAFADEED 
Taariikh: 07/06/05  | ARAGTI QOF GOOB JOOGE AH

MARXALADA SIYAASADDA SOMALIYEED IYO XELADAHA SIYAASIINTA 

Marnaba ma haboona in shacabka Soomaaliyeed ee Dawladnimada u haraadsan in la niyad jibiyo,xagga garsoorkuna kuma haboona in lagu degedego wax ka sheegista Dawlad aan  tagin Dalkeeda oo weli ka howgalin.Haseyeshe, waajibka dadnimada waxuu inna faraya in aan ka amusi karin hadba wixii inoogu muuqan karo in u dhibaato keenayo.Haddaba, aniga oo ka duulaya xikmadda ku dheehan, War Saxafadeedkan  oo aan ku caddeynayo war bixintan soo socoto.  

Kadib markii ay badatay dhaliilo iyo dacaayad is-daba joog ah oo aan loo Dulqaadan Karin oo si joogta ah u Caaddeystay Mowliid Macaan Maxamud oo ah Wasiirka Dhulka & Deegameynta ee Dawladda Fedarlka KMG Soomaaliyeed in uu si toos ah aan lexleexad lahayn uu ugu bareeray Mas’uuliyiin Sarsare oo ka tirsan labada Golle ee Dawladda fed.KMG oo sharaf iyo karaamaba ku dhex leh Ummadda Soomaaliyeed oo kala ah Guddoomiyaha Golaha Barlamanka Soomaaliyeed” Md.Shariif Xasan Sh.Aden iyo Wasiirka Amniga Qaranka Md.Maxamed Qanyare Afrax,” oo qaranka soomaaliyeed ku dhex leh misaan Siyaasadeed oo aad u culus, asaga oo garan la masuuliyadda ay xambaarsan tahay Xilka u ka haayo Dawladda uu miisaankeedu yahay dib-u-hishiisiin. Kadib markii aan si qoto dheer aan ugu kuurgalay,waxaa ii soo baxday in Mowliid uusan xaq u lahayn in uu ku sii fadhiyo kursiga siyaasadda beessha Jareerwyne,waayo  Maba matala Buslshada uu Magaceeda ku qaatay kursiga,umana qalmo Hoggaan Bulshadeed,sifaha uu ku sifoobay awgeed:-  

• 1.       Asiga oo aan ahayn shaqsi akhlaaqdiisu wanaagsan tahay
• 2.       Asiga oo aan lahayn garaad wax lagu Hoggaamiyo
• 3.       Asiga oo si joogta ah u caaddeystay ku takrifalid awoodeed

Kadib markii ay ku caddaatay qab isla weyni-nimo , una dheer tahay caddaadis bulshada uu magaceeda adeegsanayo oo habba yaraate uu wax taageero ah ku dhex  lahayn iyo Khayru mas’uulnimo iyo markii uu si toos ah ugu fashilmay doorkii Hoggaaminta Bulshadda Jareerweyne ka hor iyo kadib inta uu socday Shirkii dib-u-hishiisiinta Ummadda Soomaaliyeed ee Kenya. 

Intaa kadib,bulshada Jareerweynaha Soomaaliyeed,waxey u howlgali doonta sida ugu dagdagsiyaha badan in go’aan ka dhan ah Mr.Mowliid,isla markaana  sida ugu dhaqsiyaha badan  ay dib ugu soo ceshan doonto  korsigeedii ee ugu maqan meel cidla ah.Si loo soo celiyo sharafka iyo doorkii siyaasadeed ee beesha jareerweyne; loona dhiibo xilkaasi qof u qalma hoggaaminta bulshadaasi oo gudan kara waajibaadka Qaranka.Soona noolayn kara xiriirkii bulshada Jareerweyne ay la lahayd soomaalida inteed kale. 

Mudanahu waxaa la filayey in uu miisaankiisu uu culus yahay,marka loo eego xilalkii kala duwanaa ee u ka soo qabtay Dawladii hore ee Somaliyeed.Haseyeshe aragtidaasi waxaa Wiiqay hab u socodkiisa siyaasadeed iyo kala garasho la’aantiisa doorkiisa midi midi ku taga ahaa  uu ka dhex ciyaarayey siyaasadda kooxaysiga ahayd ee burburkii ka dib tilmaan u ahaa kubadda siyaasadda Somaaliya.Waxaa naxdin leh in uu aad ugu mashquulay wax lidi ku ah hadafkii Dawladda KMG oo ahayd dib-u-hishiisiin,dib-u-hishiisinta sida uu ku nuux nuuxsaday Prof.-ka Caanka ku ah amuuraha Nabadda ee lagu Magacabo Prof. Johan Galtung - dib-u-hishiisiinta waa sala’an oo kale talabaadda ugu horeyso ka bilabaneyso shaqsiga in uu isla hishiiyo kadibna gurigiisa,eheladiisa,jufadiisa,qabiilkiisa iyo Qaranka,qofka waa inuu garanayo hadba meesha koreyso in ay ka qeymo badan tahay meesha hoseyso,somalinimada ay ugu koreyso jufadna ugu hoseyso,waxaa dhab ah jufo in aan aqoonsi lagu heli Karin balse Soomaalinimada sida la ogyahay ay suuragal tahay .  

Labo aragti ayaa arrimaha Soomaaliya saldhig u ah; mid waa tii burburka Aabaha u ahayd oo ka soo bilaabaneysay Qarankii oo la burburiyey,markii ugu dambeysayna waxaa taageero laga raadiyey Jufo dadka inta badan waxey ag fadhiyaan jufada,rag ayaa ayaa ka sii gudbay jufada oo meel cidla ah taagan. Aragtiida labaad ee xalka u ah arimaha Soomaaliya waa midda kor u socota ee ka bilaabaneysay Jufada marka ugu dambeysana Qaranka ku dhamaneysay,taasi dadka ehelka u ahi wuu yar yahay waayo waa bartilmaadedka dhabta ah ee Somaaliyeed(Abwaankii Soomaliyeed ee Caanka ahaa -Cabadullaahi Macalim Dhodan ayaa ku yiri Gabigiisii la oran jiray jilba riiqad (1973) oo uu ku tilmaamay waxii hore Soomalida ku dahacay iyo waxa waqtigaa joogay iyo waxa soo socda ayaa waxuu yiri :

• “Ruqa Dabada laga fuushan yahay ruuxna kicin waaye
• Hadaan kii ribada doonaya rixinka dhowreeynin
• raqbo waa rageedii soo meesha kuma roona.”

Somalida inta aan baa biinay ayaan haddana ku sii taagan nahay oo aan leenahay Somaaliya ha noolaato; Astaamaha dhabta ah ee hoggaanka waa afar 1.Hoggaamiyaha waa in uu noqda mid Qadiyad u halgama (Crusader) 2. Waa in uu si sharci ah dadka wakiil ugu Noqdaa (agent) 3. Waa nin dadka uu wakiilka ka yahay ka gadi karo,waxii dadaka uu kula hishiiyey (salesmen) 4. Waa in dab damis noqdaa si daacad ahna  u damin karo wixii khilaaf ee soo baxa howlihii uu bulshada Wakiilka ugu ahaa (firefighter). Siyaasad xaafadeed dad ka guuri la isla markaana ka gudbi la rabsho kuna guul dareystay in uu u gudbo siyaasad ma noqon karaa Hoggaan dhab ah? Oday Mowliid waxaa isaga darsamay uu kala fahmi waayey  wasaradda uu wakiilka ka yahay iyo tan warfaafiinta iyo xilka afhayeenka dawladda kmg ah,shaqsiga noocaasi kale ah Soomaaliya maka mid noqon karaa in uu wax ka badbaadiyo  Shaqaaqadan ay Somaaliya dhex dabaalaneyso. 

Ninka dhaho aniga oo innaga oran waayey waxuu la mid yahay tixdii Abwaanka Soomaaliyeed oo ahayd:

• “Sheekada nagaar baa ka weyn yaaq ma nuuxsade leh
• wax la mid ah nirgaha dheyle biradooda.”

Dhibka na haysto waxaa weeye dadka noocasi oo aan hadda sheegayey waxaa ka maqan aragti ama waa dad garsho leh oo dan gaar ah difaacaya Somaliduna Sugaanta waa ka hodan (Abwaanka la yiraahdo Maxamed Xaashi Dhamac Gaariye Ayaa isaga oo la hadlayey bulshada ku nool W/Galbeed mar uu jaha wareer hareeyey ayaa waxuu uu yiri: “Nin dariiq hariiqdaa garan karo dayode  dhadarkii ku kacay danab doc kasataba ha u tooso, nin dhagaha daboosho indhaha duubtay maqal iyo ma dareemo muuqaal.”  Dulucda warkeyga waxa weeye Idaacadahu waa in loo isticmaala dib-u-hishiisiin raga Hoggaamiyaasah ah aysan isku weerarin bulshadeena dhiibatad hareereysay wax ayaga u dhaxeyna ayna la dhex galin. 

Mudanayaal iyo Marwooyin waxaan ka mid ahaa Ergooyinkii Shirkii Nabadeynta Soomaalida ka soo Qeyb qaadanayey mudadii labada sano ee u socday ilaa hadda xil Dawladeed ama haayo sidaasina waan  ku faraxsanaha haddii ay Bulshada Soomaaliyeed u soo celineyso Dawladnimadii,laakiin waxaa naxdin leh haddii ay wax is-badal keeni weydo dawladda 

Haddii aan Qibradii inta uu shirka socday dib ugu noqdo kuna xero waxa hadda socda iyo wax imaan kara. Kooxaha Somalida heshiis ma ahayn Dadka aan heshiiska ahayn sida caadiga ah waxaa hishiisiin kara cid hishiis ah.nasiib darro arrimahaynii waxaa loo dhiibay Dalal aan heshiis ahayn oo lagu magacabi jiray “IGAD Frontline States”, dadaalka noocasi oo kale, waxuu dhaliey wax hadda inna haysta,marka waxa ka sii xun taa Bulshaddii Soomaaliyeed ee intaa inna sugeysay in aannu geyno wax aan hishiis lagu ahayn oo tafa raaruq iyo dhibaato hor leh sii dhaliya. 

SOO JEEDIN 

• Waxaan soo u soo jeedinaya Hogganka dawladda KMG ah in ay dib-u-hishiisiinta ay xoojiyaan,dadka ka maqanna ay ku dadaalaan in ay afkaartooda mideeyaan inta aan dib loogu noqon wadankeyna hooyo, dadaalkooduna waa in uu saldhig u noqdaa, daacadnimo iyo Allah ka Cabsi . Mas’uuliyiinta Muqdisho howsha ka wada waa in ay ka mira dhaliyaan dadaalka ay ka wadaan caasimadda, waxaa indhaha ku haya oo daneynaya Bulshada soomaaliyeed iyo tan caalamka. Haddii ay daacad ka noqdaan kana miro dhaliyaan howshaasi  taariikhda ayaa sheegi doonta.
   
• Bulsho weynta Soomaaliyeed,waxaannu u soo jeedinayaa inaysan ehel u noqon kobcinta sun Siyaasadeed..Wixii dhinaca wanaag iyo dib-u-hishiin u socda ay gacan siiyaan,wixii lid ku ahna ay gacmahooda ka laabtaan. Isla markana waxaan u sheegaya Dhalinyarada Soomaaliyedna oo magacayada kala duwan loo bixiyey in cidda uu mastqbalkooda lumayo ay iyaga yihiin. Waa inay ka waantooban una  soo istaagaan muuhimada waqtiga isla markaan daaba Qabtaan mustaqbalkooda.Xuruyadii Soomaaliya (SYL) waxaa Aabbo u ahaa Dhalinyarada,waa inay ku sifoobin burburka Soomaaliyeed.Walaaliyaal Qabiil ma nihin Qadiyadeyna aannu u halganno Qaymihii uu qaranku lahaana aannu soo celino.
   
• Beesha Caalamkuna waxaan u soo jeedinayaa inay gacan ku siiyaan bulshada Somaaliyeed iyo inta wanaagga dooneyso sidii loo sixi lahaa Qaladaadka Shirkii ka dhacay Kenya oo culeys saaray  awood Qabsi,wiiqayna dib-u-hishiisiinta.Iyagoo ku mahadsan dadaalkii dheeraa oo ay soo galeen, ayaa ka codsaneynaa hal cod inay ku xoojiyaan geedi socodka dib-u-hishiisnta Soomaaliyed.

WABILAAHI TOWFIIQ! 

MAXAMED MUKHTAR MAXAMED”TAAREY”
Guddoomiyaha KMG ah Ururka SAMO ahna
Xubin Guddiga Xalinta Khilaafadka Shirkii
Dib-u-hishiisiinta Soomaaliyeed   (Mobile +254-721-944210 Nairobi)

Qoraalkan waxaa SomaliTalk soo gaarsiiyey
abdikarimhussein@hotmail.com