|
X A Y A Y S I I S |
Internet-Access Soomaaliyeed oo laga furay Minnesota
GUJI...
BOOQO BOGGA
IIDHEH-DA
|
Waa Maxay IP-address:
Computerkasta oo dunida yaal waxa uu leeyahay lambar u gaara, kaas oo aan Computerkale la wadaagin, kaas ayaa loo yaqaan
IP-address, waana
kan lagu garto halka uu dunida ka yaal Computerkaas. Waa lamba u qorma sidan:
123.45.6....., waana lambar aad muhiim u ah, waa lambarka lagu helo dadka
rabshada u geysta website ama email iwm. Sida lagu ogaado IP-addresska email laguusoo diray iyo macluumaad la xiriira IP-address
iyo ISP waxaad ka helidoontaan
CD-ga AfSoomaaliga insha Allah kusoo bixi
doona dhowaan.
|
XAFLAD LAGU XUSAYEY 18 GUURADII AASAASKII ONLF OO KA DHACDAY
JOHANNESBUR.K/AFRIKA
Taariikhdu markey ahayd 17/8/2002 waxaa magaalada Johannesburg ee
dalka Koonfur afrika lagu qabtay xaflad ballaadhan oo lagu xusayo
sannad guuradii 18aad ee kasoo wareegtay aasaaskii Jabhadda Waddaniga
Xoreynta Ogadeniya (ONLF), xafladdaas oo ay kasoo qayb galeen dadweyne
farabadan waxaa hadal dheer kasoo jeediyey Daahir Maxamed Cali
(Baasto) oo katirsan golaha dhexe ee Jabhadda, ahna wakiilka jabhadda
u jooga waddanka K/Afrika.
Daahir-Baasto waxa uu warbixin dheer ka
bixiyey goorta la aasaasay Jabhadda, baahida keentay aasaaskeeda,
heerarkii kala duwanaa ee ay jabhaddu soo martay, guulaha siyaasadeed
iyo kuwa ciidan ee ay gaadhay muddadii ay halganka xornimo doonka ah
ku jirtay. Sidoo kale wuxuu masuulku hadalkiisa ku sheegay heerka
wanaagsan ee uu marayo bisaylka iyo baraarugga shacabka Ogadeniya ee
qaddiyadda iska leh.
Mar uu halgame Daahir-Baasto ka hadlay xaaladda Itoobiya ay ku
sugantahay maanta ayaa wuxuu sheegay in EPRDF uu maamulkii faraheeda
ka baxay, burburna qarka u saarantahay kaddib markii ay ka hor
yimaaddeen dhammaan qowmiydaha ay cabbudhiska ku hayaan lagalana soo
hor jeedsaday halgan adag, wuxuu intaas raaciyey Daahir in rasaasta ka
dhaceysa caasimadda Addis Ababa habeenkii laga maqlo daafaha
magaalada, mudaharaadyaduna ay joogto yihiin, arrimahaas oo caddeynaya
degganaansho la’aanta ka jirta Itoobiya.
Halgame Daahir Maxamed Cali (Baasto) wuxuu ugu baaqay shacabka
Somaliyeed ee ku dhaqan Ogadeniya in ay midoobaan oo dantoodana meel
ugasoo wada jeedsadaan kana digtoonaadaan shirqoollada joogtada ah ee
uu cadowgooda iyo dabadhilifyadiisu u maleegayaan, sidoo kale wuxuu
ugu baaqay shucuubta iyo dowladaha Afrikaanka, ururrada samafalka ah
iyo hay’adaha u dooda xuquuqda aadanaha in ay xog ogaal u noqdaan
xaaladda murugada leh ee ka jirta Ogadeniya iyo xadgudubyada joogtada
ah ee ay ciidamada Tigreegu ku hayaan shacabka aan waxba galabsannin
ee ku dhaqan dhulkaas.
Guntii iyo gabagabadii wuxuu ka codsaday dowladaha deeqda bixiya in ay
kaalmada ay siiyaan ka joojiyaan maamulka Zinawi ee ku caan baxay
xaasidnimada iyo beenta, ayna gartaan xilka iyo masuuliyadda ka saran
xaqdhowrka shucuubta adduunka oo uu ka midyahay shacabka Ogadeniya.
Intaas kaddib waxaa masuulka Daahir-Baasto la weydiiyey su’aalo dhowr
ah oo ay ka mid ahaayeen:
S- Maxaa ka jira gudaha Ogadeniya?
J- Waxaa gudaha Ogadeniya ka jira wixii aan caawa oo dhan akhriyeynay,
waxaa ka jira halgan gobanimo doon ah oo lagu doonayo in lagusoo
dhiciyo xaqa shacabkayaga dulman. Haddii aan sii faahfaahiyo ayuu
yidhi Daahir-Baasto waxaa ka jira howlgal ciidan oo joogto ah iyo
abaabul shacab oo ballaadhan kuwaas oo saldhig u ah hawsha socota.
S- Ma lagu biiri karaa jabhadda?
J- Waa lagu biiri karaa, waana loo baahanyahay in lagu biiro
S- Yaa ku biiri kara jabhadda ama xubin ka noqon kara?
J- Waxaa ku biiri kara jabhadda cid waliba oo buuxisa shuruudaha ku
cad xeerarka kala duwan ee jabhadda iyadoo aan loo eegeynin jinsiyad,
qofka somaliga ahna isagu waa ma huraan ku biiristiisu.
S- Maxay jabhaddu u baddali weyday magacan Ogaden oo loo arko in uu
yahay magac qabiil?
J- Magacan haddii ay jirto cid uga dideysa aragti qabiil waxaan
leeyahay:
|
SHIR LAGU TAAGEERAYO ONLF OO KA DHACAY
KOONFUR AFRIKA
GUJI...
|
· Marka dib loo eego taariikhda ilaa hadda ma ogin qabiilka magacan
leh meel intay isugu yimaaddeen ay ku go’aansadeen aan magacan dadka
ku khasabno ee waxay ka mid yihiin bulshada uun aragtay magacan oo
diiwaannada ku jira, waxaana jira qaar ka mid ah qabiilka magacan leh
oo haddana kasoo hor jeeda magacan laftiisa.
· Dhanka kale waxaa wax lala yaabo ah in uu jiro qof uu dhibayo
magacan Ogaden haddana uusan dhibeynin magaca Itoobiya.
· Tan kale; gumeysigii shalay magacan bixiyey ee u arkay in ay maslaxo
ugu jirto isagoo ayna dadkaasi ka dhaxeynin dhul iyo dhalasho midna
ayaan annaguna aragnay in ay annaga tahay cidda masalaxada dhabta ah
ugu jirto mar haddii aan ka xigno.
· Waxaa wanaagsan ciddii ka xanuunsaneysa ku dhawaaqidda magacan in uu
ka xanuunsado jiritaanka gumeysiga Itoobiya.
· Waxaan odhan karaa muhiimaddu magac ma ahee waa in si kasta oo ay
suuragal u tahay gumeysiga isaga qaadnaa, kaddibna aan danaheenna ka
tashannaa.
· Haddiiba aan ku qaddarno in cidda magacan wadataa ay Ogaden kaliya
tahay oo ay sidaana gumeysiga kula dagaalamaan sow Ogaden markaa ma
noqonayo qabiil howshiisii qabsaday oo kaalintiisii buuxiyey, adiguna
ma tihid nin kaalintiisii gabay.
· Haddii aad dooneyso in aad saxdo wax khaldan waa in aad tahay qof u
taagan waajibaadkiisa markaas ayuu hadalkaagu qiima leeyhay, haddiise
aad bannaankaa ka hadasho oo aadan diyaar u ahayn gulufka gumeysiga
layskaga qaadayo markaas ma dhici karto in uu hadalkaagu wax tar
noqdo, cidda aad la hadleysaa ee shaqadeedii haysatana ha ka sugin
tanaasulaad.
· Jabhaddu waxay magacan u qaadatay aragti siyaasadeed iyo
taariikheed, ujeeddada kama danbeysta ahna ma aha magaca ee waa
helidda xaqa shacabka ay jabhaddu u halgameyso, wayna ku khasbantahay
jabhaddu in ay magacan wadato inta ay Itoobiya halgan kula jirto,
midda kale yey u tanaasushaa jabhaddu oo magaceeda u baddashaa oo kala
qayb qaadanaya culeyska halganka waddada dheer ku jooga? Yaa diyaarsan
oo kaalinta taagan?.
· Guntii iyo gabagabadii waxaa magacan lagu sameeyey shirweyne,
wuxuuna ka mid yahay qodobada aan lagu baddali Karin meel aan shir
weyne ahayn, waxaana go’aan ka gaadhi kara shacabkii shalay
go’aansaday in ay magacan wataan inta ay dagaalka ku jiraan, cid
walibana ha ogaato haddii uu waddankan xoroobo in magacan laga go’aan
gaadhi doono.
Su’aalahaas iyo jawaabahooda ayaa uu kusoo xidhmay shirkii iyo
xafladdii oo socday muddo saddex saacadood ah.
Laxiriir: qamuuda@webmail.co.za
AFEEF: Aragtida qoraalkan waxaa leh qorayaasha ku saxiixan,
FAAFIN: Agoosto 22, 2002
Warbixin
Shirkii Ardada Somalida Minnesota
Shir si caalami ah loo soo agaasimay oo eey soo qaban-qaabiyeen naadiga ardada
soomaaliyeed ee Minnesota ayaa xalay lagu qabtay jaamacada Minnesota
GUJI...
17/8
.
| 
Marxuum Maxamed Ibraahim Cigaal
"Hinaase waa jiraa, Daar waa la furi karaa..." Prof. Samatar
Gudoomiye
Maxkamadeed oo Ogolaaday in Quraanka Lagadhigo Jaamacad Maraykan ah