SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - ARAGTI
Wariyaha Soomaaliga ah mabda’ maleeyahay??.

Fahad Yaasiin Xaaji Daahir.

KAAH

Waa su’aal aan is weeydiiyey iguna dhalatay kadib markaan arkay saxafiyiin Soomaali ah oo aad mooddo iney run u qaateen saxaafaddu waa xor, saxaafaddu waa dhexdhexaad, oo ah fikrad ay R/Galbeedku dadka ku dawakhiyaan, tiiyoo cilmi loo rogay ayey nasiib darro wariyayaasheenna Soomaalida qaarkood qaayibeen, oo ayba ku gula doodayaan in wariyuhu goor kasta dhexdhexaad noqdo.

Waxaan arkay rag saxaafada ku dhexjiray in ka badan rubuc qarni oo wali taagan halkii ay joogtay saxaafadu waagii uu isagu ku soo biiray! Si kastaba ha’ahaatee waxaa lagama-maarmaan ah in wariyuhu ogaado mabda’a iyo shaqadu marka ay is qabtaan in lahormariyo madbada’, laakiin saxafiyiinteenna Soomaalida wey ku yar tahay taas.

Sababta qoraalkan wuxuu ku dhashay xilligan oo uu socdo duulaanka lagu hayo dalka Ciraaq ee ay ku wadaan dowladaha Cadowga ee kala ah Maraykan, Ingiriis, iyo warmoogayaasha Ustaraaliyaanka, dagaalkan  oo noqday bar ay ku kala baxaan Muslimiinta iyo Gaalada, gaar ahaan Maraykanka ooba isagu hadda maraya heerkii uu Fircoon waa ahaa.

Dhibaatada ku dhacday walaalaheenna Ciraaq oo ah mid laga tiiraanyoodo ayna waajib nagu tahay inaan R/Ciraaq u fidinno gurmad kasta oo aan u awoodi karno, haddey tahay inaan naf iyo maal u hurno, haddey tahay inaan qalin iyo qawlba ugu hiillino, ayaa waxaad arkeysaa saxafiyiin Soomaali ah ooba aad mooddo iney la socdaan ciidamaha Maraykanka oo ay col layihiin shacabka Ciraaq, dadka saxaafadda aadka u bartay waxay qirayaan in erayada uu wariyuhu isticmaalayo ay si weyn uga turjumayaan aragtida uu ka qabo waxa uu ka waramayo.

Haddii aan tusaale dhaw bixiyo, kanaalka Aljazeera ee dalka Qadar, waxa uu waayadii uu bilaabmay duulaanka Ciraaq lagu hayo, waxa ay isticmaali jireen goorta ay sheegayaan ciidamada Maraykanka iyo kuwa Ingiriiska ( CIIDANKA XULUFADA) laakiin kolkii ay xulufadaasi qabsadeen saacaddo tuulada Umu-Qasri ee ay ka tageen calankii Maraykanka iyo kii Ingiriiska ayuu kanaalkii Aljazeera badalay luqaddii ahayd (CIIDAMDA XULUFADA) oo waxay ku badaleen ( CIIDAMADA SOO DUULAY), sidoo kale wariyayaasha CNN-ka qaarkooda jooga gudaha Ciraaq ee la socda Ciimada Maraykanka goorta ay sheegayaan ciidamada Ciraaq waxay ku sheegaan ( CIIDANKA CADAWGA) iyagoo ku tilmaamaya cadow ciidamadii ay dalkooda ugu yimaadeen.

Sow labadaa dhacdo marag uma ahan sida wariyayaashu aysan marnaba uga leexan mabda’ooda iyo aragtidooda, waxaa la dhahaa saxaafadda ma’ahan muraayad wax laga daawado ee waa goob ku shaqaysa hadba qofka gacanta ku haya nooca warbaahineed ee uu maamulayo. Aan usoo laabta saxafiyiinta Soomaalida waxaan la yaabay qiso uu iiga sheekeeyey nin oday ah oo Idaacad Af-Soomaali ah dhagaystay, wuxuu yiri isagoo ka waramayey wariyihii Soomaaliyeed xili ay leysay dowlada Ruushka qaar kamid ah Mujaahidiinta Jejniya ayuu wariyihii Soomaaliyeed isagoo rabo inuu sheego in dagaalkaa lagu laayey qaar kamid ah Mujaahidiinti Jejniya ayuu yiri sidatan ( waxaa goobtaas dhagta dhiigga loogu daray qaar kamid ah fallaagaddii Jejniya).  bal ila macnee labada eray ee kala ah  “ dhagta dhiiga loogu daray” iyo “ Fallaagada jejniya” kadib goorta aad ila macneyso maxaa kaaga soo baxay? Waxaan hubaa inaad hubto in wariyahaasu yahay afhayeen u hadlaya ciidanka Ruushka ee xitaa uusan u ekeyn afhayeen dowladeed.

Waxaa dhici karta in wariyahaasu uusan wax go’aan ah sii wadan goortii uu labadaas eray is daba dhigayey, ee ayba ka ahayd xulasho afsoomaali adag, hadaanba taas u qaadanno sow ka turjumi meyso aqoonta yar ee hadana indha adayga ku dhisan ee uu u leeyahay macnaha saxaafadda.

Dhibta ugu weyn waxay ka iman kartaa kolka wariyuhu u shaqeeyo hay’ad uusan la caqiido ahayn taaso ku keeni karta inuu u shaqeeyo si isaga iyo mabda’iisaba caksi ku ah, asii uusan ka war hayn, aniga marka aan arko wariye Soomaaliyeed oo ka hawl gala Hay’ad aan marnaba ka shaqayneyn danta Muslimka waan dhibsadaa wallow ay dhici karto inaan goorta aan khalad ku arko u cudurdaaro oon is dhaho ma jiraan wax cadaynaya in wariyahni qabo fikrada uu baahinayo, laakiin waxaanan cudurdaar u heleynin warbaahinta Soomaaliyeed ee xorta ah sida ka muuqata hadana aad arkayso iyagoo la jaal ah cadowgii Muslimka, ma fahmi karitid sabab ku khasbi karta inuu dhaho fallaagada Jejniyiinta, sheekadii ku saabsanayd arintaa waxay ahyad Idaacaddii laga dhagaystay mid aysan gacanta ku hayn Hay’ado qalaad ee waxay ahayd Idaacad ay maamulaan dad Muslimiin ah.

Waxaan xusuusinaya saxafiyiinta Soomaalida in ay kala hormariyaan mabda’ooda iyo shaqadooda, marka aan saas ku talinayo ka codsan maayo wariyaayasha u shaqeeya saxaafadaha qalaad iney shaqadooda ka tagaan, ee waxaan ka rabaa dubbo lagu dhufanayo Muslimka inuusan isagu dhexda qaban ee uu feejignaado, qaarka iyaguna ka hawl galaya warbaahinnada madaxa banana oo aan ka wado kuwa lagu kalsoon yahay cidda gacanta ku haysa iney iyaguna ku dadaalaan sidii ay Muslimka u baraarujin lahaayeen. Warbaahinta waxaa la isla qiray iney ka xanuun badan tahay sawaarikhda ugu awooda badan, ninbaa laga sheegay saxaafaddu haddey qof ahaan lahayd waan toogan lahaa.

 Fahad Yaasiin Xaaji Daahir.

  April 29, 2003 | SomaliTalk

MILICSI KU SAABSAN AXDIGA FEDERAALKA EE KU MEEL GAARKA AH
Qormada-koowaad ee dastuurka federaaliga ah ee Soomaaliya oo ka kooban 30 baal waxaa soo akhriyey Ibraahim Maxameddeeq ... GUJI  

I  I  D  H  E  H

Gen. Maxamed Abshir Muuse oo Laga Yaabo in uu Sii Joogo Maraykanka 
Gen. Abshir ayaa markii uu tegey xafiiska INS si loogu cusboonaysiiyo sharciga kumeel gaarka ah ee uu ku joogey USA ayaa waxaa loo sheegay in uu INS-ta tuso Visa, Baasaboor iyo tigidhkii uu Maraykanka kaga bixi lahaa, laakiin.. GUJI... 8/3

DKG oo Dugsi Hoose/Dhexe Kadhigeysa Goob Ganacsi 
Waxaa Dugsigii Xamar Jadiid laga dhigayaa goob ganacsi sida ku cad wareegto kasoo baxday DKG, arintaas oo.. GUJI 7/3
Afeef: Aragtida qoraalka waxaa leh qoraaga ku saxiixan

 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
xayaysiis

Copyright © somalitalk.com. All rights reserved.

HTML CD [an error occurred while processing this directive]