SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - MUQDISHO
Ganacsade Lagu Weerarey Isgoyska Siinaay

calideqWQ: Ali Mohamed Haji (Calideeq)
E-mail: caliddeeq@hotmail.com
MOGADISHU SOMALIA

March 1, 2003

 

KAAH

Saakey Abaarihii 9:00 waxaa Isgoyska SIINAAY ee Magaalada Muqdisho Weerar Gaadmo ah loogu Geystey Ganacsade mareyey Goobtaasi.

Wararku waxey sheegayaan in Maleeshiyooyin Fariisin Isbaaro ku leh isgoyskaas ay ka Shakiyeen Ilaalada Ganacsadaha,  ka dibna waxey Maleeshiyadii joogtey Isgoyska Rasaas ku fureen Gaarigii iyo Dadkii Saarnaa, waxaana halkaas ku dhintey Labo (2) ka mid ah shaqaalihii [Staff-kii] Ganacsadaha iyo Nin lagu sheegay in uu ahaa Nin Xanuunsan oo madaxa looga jiro (waalan) oo ay Isbitaal u wadeen iyo Dad ka dhawaa Goobta lagu Weerarey Gaariga.

Wararku waxey sheegayaan in Tirada Dhimashada iyo Dhaawacuba ay gaarayaan (4) Dhimasho ah iyo (6) lix Dhaawac ah.

Ma jirto ujeedo Ramsi ah oo Sabab looga dhigi karo Weerarkaan marka laga Reebo Tuhun ay ka shakiyeen Maleeshiyadda Fariisinka ku leh goobta Gaariga iyo ILAALADA Saarneyd.

Inta badan Shilalka nuucaan ah ayaa ah kuwo ka dhaca Magaalada muqdiso taasoo lagu micneeyo hadii ay iska hor yimaadaan Maleeshiyooyin ayna kala Shakiyaan ay timaado Inta aan lagaala hor marin kala hor mar, ayadoo aysan jirin Hubin ay iska hubiyaan in ayaka loo socdo iyo inkale taasoo keenta Qasaare aad u badan haba ugu Badnaadeen Dadka Rayidka ihiye

annanKofi Annan, Xoghayaha Guud ee Qaramada midoobey, ayaa Kooxaha Soomaaliyeed ugu baaqay in ay colaada joojiyaan isla markaana ka qayb qaadaan hanaanka geedi socodka nabada, waxana uu cadeeyey in hadii ay dagaalka joojin waayaan lala xisaabtami doono, waxa kale oo Annan uu ka codsaday wadama deeqda bixiya in ay caawiyaan Soomaaliya, sidaas wuxuu ku sheegay qoraal kasoo baxay UN-ka Feb 28, 2003


Dhankale Dagaalkii ay isku heysteen MUUDI SUUDI iyo CUMAR FILISH ayaa yara hakadey Shaley goordambe, wali ma jirto Cid si rasmi ah u Xaqiijin karta inta ay gaarsiisan tahay Dhimashada iyo Dhaawaca, laakiin mar aan la xiriirey Isbitaalka MADIINO waxey ii sheegeen in ay soo gaareen ilaa 32 Ruux oo isugu jira Dad rayid ah iyo maleeshiyadii dagaalameysay intaba.

Wararku waxey kaloo ay intaasi ku darayaan in maantey Galinkii Dambe ay Fooda is dareen mar labaad.

Dagaalkaan Dambe ayaa ka dhashey is Abaabul ay sameynayeen Maleeshiyada Taabacsan Cumar Filish.

Si kastaba ha ahaatee Inta badan Xaafadda Madiino ayaa Gacanta u gashey Muuse Suudi oo waxaa la arkayey in laga Awood roonaadey Taageerayaasha Cumar Filish inkastoo Dagaalka Muqdisho uu yahay mid meeshii uu ku waabariistey aysan Qoraxdu ugu dhaceyn oo aad arkeysid Hogaamiye Kooxeed Saakey Gacan Sareeyey oo Galabtiina laga Gacan Sareeyo.

By:- Ali Mohamed Haji (Calideeq)
E-mail: caliddeeq@hotmail.com
SOMALITALK MUGADISHU


DAGAAL DHEXMARAY YALAXOW IYO CUMAR FINISH
MUQDISHO: ugu yaraan 8 qof ayaa dagaalkaas ku dhintay, waxaana soo baxaya warar tirada dhimashada gaarsiinayaa ilaa... GUJI...  

<><><>

I  I  D  H  E  H

WARARKA SHIRKA MBAGATHI
SRRC oo eedayn Kulul usoo jeedisey DKG
Cismaan Caato oo Weli diidan SHirka Nairobi
Shariif Salaan oo Kubaaqay in Laga Soo qayb galo Shirka
Cawad Cashara: Eedaynta Deriska waxba kama jiraan
Dhamman Ka Akhri Halkan Feb 28

TAXANIHII SHIRKII ELDORET

 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great


Copyright © somalitalk.com. All rights reserved.

HTML CD [an error occurred while processing this directive]