Ambasator John Layusunya Kaaliyaha arimaha Maamulka iyo Maareeynta ee
Guddoomiyaha Guddiga Hawl fududeynta IGAD, Guddoomiyaha Shirka dib u
heshiisiinta Soomaalida ahna Uqeybsanaha dawlada kenya arrimaha Soomaalida ayaa
soo saarey Qoraal uu ku sheegayo in kulankii lagu balansanaa 20-bishan loo
bedelay 9-Disembar arrimo jira Awgood.
Kulankan ayaa oo lagu soo go'aamiyey Shirkii wasiirada arrimaha dibad ee
dawlada ku jira Guddiga IGAD iyo hawl fududeynya ee 28-bishii Oktober ka dhacay
Magaalada Kambala ee Uganda.
Kulumo isdaba joog oo ay yeesheen wasiirada Arrimaha Dibada ee Dawladaha
safka hore oo ka dhacayey Magaalada Nairobi ayaa looga dooday habkii iyo
wadadii loo dhameystiri lahaa shirka dib u heshiisiinta Soomaalida ee haatan
maraya wajiga 2-aad oo ka socda Mbagahi Nairobi.
Qoraalka ayaa ku magacawnaa in soo farey wasiirka Arrimaha Dibada ee kenya
Mr. Kolonzo Musuyoka ,waxaa kaloo qoraal farey in 8-bisha Disamber kulmi
doonaan Guddiga farsamada Iyo hawl Fududeynta ,Beesha Caalamka iyo wasiirada
Arrimaha Dibada ee dawlaha ku jira IGAD.
Dib u dhigista kulanka Hogaamiyayaasha ayaa ah codsi kayimid in loogu dhigo
waqti kale hogaamiyayaasha qaar iyo Guddiga hawl fududeyn IGAD ,Beesha caalamka
iyo wasiiradda Arrimaha Dibada oo aan wali dajin qorshihii magaaladii iyo
meeshii la geyn lahaa ,tirada Ergada la qaadi lahaa iwm.
Qoraalka ayaa ku saxiixnaaa ambasator John Lasunyanya oo ah kaaliyaha
Maamulka Iyo Maareynta Guddoomiyaha Shirka Dib u heshiisiinta Soomaalida ee
Mbagathi,Nairobi.
