SomaliTalk DALSAN
Home | MAQAALO | Email | TellFriend | Search | Feedback |
w w w . s o m a l i t a l k . c o m
SOMALITALK - MAQAAL

Wiilkan Waa Aabihii Dile

Al-Hassani
abuzuhri1@hotmail.com

Qofta ay sheekadan kudhacday ayaa nooga sheekeyneysa ayadoo dareemeysa murugo iyo tiiraanyo:

I  I  D  H  E  H

KAAH
GUJI HALKAN.......

 

Inkastoo anu cumrigayga dhaafin 47sano laakinse cidii i’aragta waxaan ula muuqda inaan dhaafey 70kii waxa uu qalbigeyga xanbaarsanyahey ee dhibaato ah

awgeed.

Waxaan isku dhaarsaney aniga iyo ninkeyga sidii aan ukorin laheyn wiilka yar ee aan kaligiis caruur kadhalney.Waxaan balanqaadney inaanu gaarsiino noolal kawanaagsan taan anaga kunoolnahey. Waxaan siiney dhamaan wixii uu ubaahna anagoo naftanada kaxarimney wax raaxo ah.Waxaan bixinay juhdi iyo naftii hurnimo si’aan uxaqiijino najaaxiisa xaga waxbarashada.

Sidaas ayey maalmuhu iyo sanadaha kudhamadeen ilaa uu kabaxey Jamacad kutaal wadamada reer galbeedka mid kamid ah isagoo kubaasay darajo aad iyo aad usareysa. Waxaa loo dhiibay jago(shaqo) aad iyo aad usareysa oo laxariirta takhasuskiisa naadirka haseyeeshe wiilka nagii xageebu kudanbeeyey kadib markii aanu gaarsiiney heerkaas! Muxuu noogu abaal gudey?

Erayadaas waxaay ahaayeen hordhac sheekada hooyo kasheekeyneysa wiilkeeda caasi garoobey.Aanu dhageysano sheekadeeda bilowgeeda; waxaayna tiri:

Ninkeyga wuxuu ahaan jirey shaqaale hoose oo qaata mishaar aad uyar. Mishaarkiisa naguma filneyn sidaasi darteed ayaan waxan kushaqeyn jirey khadamad (housemaid) ahaan, guryo aay leedahey shirkad bal inaan helo waxaan cuno iyo sidii aan ukaabilahaa biilka reerka guud ahaan, gaar ahaan noolasha iyo mustaqbalka wiilka kali ah ee aan dhalney! Goor ay noolashii nagu adkaatey ayuu ninkeyga wuxuu bilaabey shaqo kale oo galab ah. Dhowr sano kadib, noolashanadii waay soo yara fiicnaatey waxooga.

Wiilka da’diisa waxaay aheyd 7jir, waxaan go’aansaney inaan kudadaalno waxbarida wiilka anagoo geyney iskuulka ugu fiican ee magaalada kuyeela.

Ayadoo ay arintu sidaas tahey ayaa waxaa kusoo boodey ninkeyga cudur kadhigey gogal jiif(bed ridden)! Dhowr bilood ayuu xanuunkas lajiifey.Shirkadii uu kashaqeynayey ayaa waxaay go’aansatey inaay booskiisa ninkale keensadaan ayagoo usoo reebey lacag yar patient ahaan.Arintaas ayaa kureebtey raad xun isagooba markiisii hore sii liitey.

Marka ay arin halkaas mareyso ayaan go’aansadey inaan daboola booskii ninka anigoo kudhaqaaqey wixii aan qabankarey.Waxaan xooga saarey inuu wiilka waxbarashada ka kala go’in.

Waxaan toli jirey dharka markaas ayaan kula wareegaa schoolada iyo wasaaradaha anigoo tusaya dadka bal inaay iga iibsadaan.

Markii uu ninkeyga soo yara ladnaadey ayuu shaqo yar kaheley shirkad kale.

Waxaay arin sidaas ahaataba, waxaa dhab noqdey riyooyinkii iyo amaalkanagii..Wiilkanagii wuu soo qalinjabiyey, wuxuuna shaqo kaheley laan kamid ah laama dowlada. Waxaa loo dhiibey jago aad iyo aad usareyso, wuxuu kamid noqdey shaqaalaha sare (senior staff) aad ayaana ugu faraxney aniga iyo ninkeyga.

Haseyeshe marna mafilaneynin in najaxan iyo jagadan uu heley inaay badili doonta oo ay hilmaansiindoonta waaliidkiis.Wuxuu lasoo istaagey inkiraad ,dafiraad iyo caasinimo. Wuxuu noogu badaley wanaagii aan ugalney xuman.

Maalin maalmaha kamid ah ayaan maqalney inuu guursadey gabar kasoo jeeda qoys taajir ah. Markii hore ma’aanan rumeysan, markii aan iskudayney inaan laxariirno oo aan kasoo hubsano,wuxu noogu jawaabey: “Haa waan guursadey anigoon idin sheegin, mana idiin sheegi doona waayo madoonayo inaay xaaskeyga ogaato arintiina. Waxaan usheegey inaan ahey Yatiin oo ay labadeyda waalidba dhinteen”

Markii aan weydiiney waxa kuqasbey inuu sidaas yirahdo,waxaay noqotay jawaabtii mid sababtey geerida aabihii, anigana igu rideycudarada qalbiga kudhaca, wuxuna yiri: “Waayo iima qalantaan shaqada aan hayo iyo heerka cilmigeyga awgiis…. Madoonayo inaan idinku arko xaaskeyga sharafta iyo qoyska wacan kasoo jeedo horteeda.

Jawaabtaas awgeed,aabihiis waxaa kusoo booday xanuun,wuuna dhintey. Aniga waxaa igu dhacey xanuuna dhowr ah… xanuunka iigu darna waxaa weeye anigoo waayey ninkeygii noolasha ila qeybsanjirey ee darbiga ii ahaa.

Musiibadaas waxay nagu dhacday kadib markii aan soo kool-kooliney.. markii aan har iyo habeyn usoo jeedney sidii aan wax kubarilaheyn si’uu ugu noolaado noolal fiican.

Jawaabta wiilkeyga waxaay igu reebtey dhibaato saameysey noolasheyda oo dhan.Waxaan dareemaya qoomamo iyo niyad jab aan ka qaadey noolasha oo dhan. Sababtana waxaa weeye qofka sidaas ii galey waa beerkeygii!!!

Tacliiq.

Sheekadan waxaa nooga muuqata haddii caruurta loo yeelo waxkasta oo ay doonayaan oo aan lala xisaabtamin ay keeneyso inaay bahal noqdaan sida wiilkan oo kale.

Qisadan waxaay haysata dad badan oo caruurtooda korintooda kali xooga saara ayagoon akhlaaqdooda iyo Diintooda midna fiirin. Ilmo badan oo yurub loola cararey si’aaney gaajo u’arag oo caasi garoobey badana!

Waalidka waa inuu kudadaalo tarbiyada ciyaalka in kabadan sida ay ugu dadaalan korintooda iyo quudintooda.

Amaa wiilkan soo ma’aha, ciqaabta Allah aduunyada ayey kuhaleysa haddii uusan katoobadkeenin. Allah ayaana uweydineyna inuu soo hanuuno.

Al-Hassani
abuzuhri1@hotmail.com

 QORAALADII HORE EE ALHASAANI

AFEEF: Aragtida qoraalkan waxaa leh qoraaga ku saxiixan

Faafin: SomaliTalk.com | Nov 9, 2003

.. FOGAANTA U DHEXAYSA MAGAALOOYINKA SOOMAALIYA....


Copyright & Islaamku wuxuu ka qabo.... Akhri
  
Quraan 114 Suuradood ee Qur'aanka

 .... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com

 
 

 

 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
xayaysiis

XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


BILICDA SOMALIYA
Luuq Ganaane, 1987
wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Copyright © somalitalk.com. All rights reserved.

HTML CD [an error occurred while processing this directive]