Dowladihii qaatay go’aanka ah inay isniin tahay maalinta koowaad ee bisha ramadaan ayaa u cuskaday iyagoo aanan arag bisha, sidaas darteedna ay dhammaysirayaan 30-ka bisha shacbaan. Golaha ugu sarreeya ee arrimaha diinta dalka Sacuudiga ayaa baaq ay soo saareen fiidnimadii xaleey ku sheegay inay dhamaystirayaan shacbaan, iyadoo sidaas soonka kula kowsanaya berito oo isniin ah.

Muslimiinta shiinaha ayaa sidaas si la mid ah xarunta islaamka ee shiinaha go’aan ku qaatay inay berito soomi doonaan, wuxuuna madaxa xarunta islaamka shiinaha hambalyo u diray dhammaan ummadda islaamka isagoo ugu hambalyaynaya bilashada bisha barakaysan ee Ramadaan.

Dalka shiinaha ayaa diinta Islaamka soo galaysa lambarka labaad diimaha ay dadyowgaas haystaan, tirada rasmiga ah ee muslimiinta shiinaha ayaa lagu qiyaasaa 23 malyuun, halka tiro kale oo ka madax bannaan tirakoobka dowladda ay sheegayaan inay tirada muslimiinta ay u dhaxeeyaan 50-80 malyuun oo muslim.

Waxaa isku soo dubaridey
Ibraahim Saalax 
ibra88@hotmail.com
SomaliTalk | Odense | Denmark

Sudan: Dalka Sudan oo Maanta Laga Soomay

saxafi soomaliyeed: c/risaq adan dalmar
dalmar203@yahoo.com

Sudan khartoum

Oct 26, 2003

Dala Masar iyo urudun oo ka mid ah wadamada bariga dhexe ayaa lasheegay in xalay laga arkay dhalashada bisha barakaysan ee Ramadaan. xukuumada cumar xasan al-bashiir ayaa sheegay inay bishii barakaysneed ee ramadan la arkay kadib dadku ay soomaan. Masaajidyada magaalada khartoum dhamaantood ayaa xalay laga billaabay inay dadka tukadaan salaadda Taraawiixda, waxaana magaalada oo dhan laga dareemayaa diyaar gorow loogu jiro curashada bisha Ramadaan.

Waxa ay dadku is weydiinayaan ama kufarxsan yihiin bishan khayrka badan ee udhalatay, hase ahaatee aragga bisha Ramadaan kuma eka ee sudan waxaa caado u ah haduu mar bisha laga sheego mel kamid ah wadamada carabta in mar lasoomo oo keliya. Culumada magaalada khartoum badankood ayaa ku dhawaaqay inay si rasmi ah u curatay bishii Ramadaan, sidaas darteedna looga baahan yahay dadweynaha inay u diyaar goroobaan waajibka Soonka. golaha dib uhabaynta arimha ramadaanka oo ka mid ah mashaa’iqda magaalada khartoum ugusareysa ayaa iyagu sheegay in laga faaiidaysto bishan wanagsan ee khayrka badan .

Dadweynaha ku dhaqan magaalada khartoum ayaa iyaguna caawa sheegay in dhalashada bisha Ramadaan, sidaas darteedna ay dadku soon u diyaar goroobeen.waxaa kaloo sudan heegan lageliyaa xilgan oo kale ciidanka policeka iyagoo lagabaqayo in masaajidka qaar ay wareeraan walwal hijra kadib markii ramadaankii 2000 uu nin laoran jiaray cabaas al baqir masaaajid kuyaal amdurmaan kulayey dad tuknayey oo kabadnaa 48qof, halka mid kale oo hubaysnaa uu isaguna damcay masaajidka jamacada afirca in uu kulaayo muslimiin taraawiix tukanaysa sanadkii hore lagu dhigay gacanta kadibna ladiley, guntii iyo gebagebadii ramadaan kariim.

saxafi soomaliyeed:c/risaq adan dalmar
dalmar203@yahoo.com