DHEGEYSI: Dhegeyso Warka Radio Xoriyo
Barnamujka caawa Radio Xoriyo ka baxaya
waxuu ka koobanyahay.
- Ø Dagaalo dhex maray ciidamada cadawga Itoobiya iyo ciidamada Jabhada
wadaniga xoreeynta Ogaadenya.
- Ø Xukuumada Itoobiya oo qirtay inaanuu maamul ka jirin Ogadeniya iyo
gobolka Canfarta.
- Ø Qarixii tareenka Diridhabo oo loo xidhay nin Talyaani ah.
- Ø Itoobiya oo musuqmaasuqu ku sii fiday.
- Ø Wariye ay ciidamada nabadsugida Meles isku dayeen inay dilaan.
- Ø Wax yaabihii ugu waaweynaa ee ka dhacay Todobaadkan geeska Afrika, oo ay
ku jiraan Itoobiya oo la soo xaqiijiyay in ay haysato Sunta sida ba,an wax u
baabi, isa.
- Ø Wareeysiyo aanu la yeelanay Xubnaha ka hawlgala gobolo ka mid ah
Maraykanka iyo arimo kale oo mihiiim ah.
Dagaalo dhex maray ciidamada cadawga
Itoobiya iyo ciidamada Jabhada wadaniga xoreeynta Ogaadenya
2/10/03 Dagaal ku dhex maray Ciidamada wadaniga
xoreeynta Ogaadeenya iyo ciidamada Gumaysiga Itoobiya meesha lagu magacaabo
Diita ayaa waxaa ciidamada cadawga Itoobiya lagaga dilay 5 Askari waxaana laga
dhaawacay 7 Askari.
Dagaal gaadmo ah oo ay ciidamada xoreeynata
Ogaadeenya ku qaadeen saldhig ay ciidamada cadawgu ku lahaayeen Birqod ayay kaga
dileen 3 Askari waxayna kaga dhaawaceen 2 Askari oo kale. Sidaas oo kale Dagmada
Shaygoosh ciidamada Gumaysiga Itoobiya ee dagan weerar ay ciidamada
dagaalyahaminta xoraynata Ogaadeenya ku qaadeen ayay gaga dileen 2 Askari
waxayna kaga dhaawaceen 3 Askari oo kale.
Dagaal ay labada dhinac ee ciidamada xoreeynta
Ogaadeenya iyo ciidamada Doolka ku jooga ogadenya ee gumaysiga Itooboya iskaga
hor yimaaden Gurdumi, waxaa ciidamada Itoobiya lagaga Dilay 8 Askari waxaana
lagaga dhaawacay inkabadan 14 Askari.
Dagaal kale oo si kadisa ay ciidamada Itoobiya
iyo koox ka tirsan ciidanka Xoraynata Ogaadeenya isaga hor yimaadeen Wargaadsan
ayaa waxaa ciidamada cadawga lagaga dilay 2 Askari waxaana lagaga dhaawacay 3
Askari.
4.10.03 Dagaal kadis ahaa oo ay ciidamada
xoraynata Ogaadeenya ku qaadeen koox ka tirsanaa ciidamada cadawga Itoobiya oo
ku sugnaa Farmadaw ayay kaga dileen 1 Askari waxayna kaga dhaawaceen 2 askari.
Ciidamadii halkaas lagu weerayay ee gumaysiga Itoobya ayaa waxay weerar ku
qaadeen dadkii shacaka ahaa ee ku noolaa Tuulada farmadaw waxayna halkaas ku
dilen Gabadh lagu magacaabijiray Faadumo Cabdi Cakuule oo shacabkii halkas ku
noolaa ka mid ahayd.
8.10.03 Dagaal ku dhex maray ciidamada
naflacaariga ee gumaysiga Itoobiya iyo dagaalyahamiinta xoraynta Ogaadeenya meel
aan sidaas uga fogeeyn Tuulada Bakka ayaa waxaa ciidamada cadawga laga dilay 3
Askari waxaana lagaga dhaawaxay ugu yaraan 5 askari. Ugu danbeeyntii dagaal
kulul oo ay ciidamada xoraynta Ogaadenya ku qaadeen qar ka mid ah ciidamada
Dulmiga waheshada ee gumaysiga Itoobiya oo ku sugnaa Tuulada Qudhac- Dhabab ayay
kaga dileen 3 askari waxayna kaga dhaawaceen ilaa iyo 7 askari oo kale.
Xukuumada Itoobiya oo qirtay inaanuu maamul
ka jirin Ogadeniya iyo gobolka Canfarta.
Wariyaha Wakaalada Wararka Ogadeniya u jooga
magalaada Addis Ababa ayaa sheegay in wasiiru dawlaha Itoobiya Gebr Ab Barnabas
uu caddeeyay inaanuu wax maamul ah oo dimqraadiyad ku dhisani ka jirin Ogadeniya
iyo gobolka Canfarta, sidaasna wuxuu ka sheegay shirwayne ay soo qabanqaabisay
Ergada Dhaqaalaha ee Afrika ugu qaabilsan Qaramada Midoobay.
Hadalkani wuxuu ka soo horjeedaa hadallo rasmi
ah oo marar badan oo kala duwan ka soo yeedhay madaxda maamulka Meles Zinawi,
kuwaasoo sheegayay in Itoobiya oo dhan ay ka jirto dimuqraadiyad, maamullada
gobolladuna ay dimuqraadiyadaas ka faa’iidaysteen oo ay soo doorteen maamullo
dadkooda matala.
Muddo gaaban ka hor waxay xukuumada Addis Ababa
magaalada Jigijiga u dirtay wasiirka fedaraalka, si uu soo xogwarramo qaabka uu
u shaqeeyo maamul ku sheegga Jigjiga ka dhisan, waxayna arrintaasi maalmo yar ka
denbaysay, markii xukunka laga fara-maroojiyay C/rashiid Duullane oo aan
naftiisu ku imaanin si Dimuqraatiyad ah maamulka Jigjiga ee taliska Meles Zinawi
uu ku adeegto.
Wasiiru dawluhu ma,uusan sheegin tallaabada ay
xukuumadu qaadi doonto, mar haddii aan wax maamul ahi ka jirin Ogadenya iyo
gobolka Canfarta, hase yeeshee waxay dad badani rumaysan yihiin inay suuragal
tahay in maamulka Gobalada uu carrabka ku dhuftay lagu wareejinayo xukuumada
fadaraalka.
Waxaana aragtidaas sii xoojinaysa tallaabadii
ay xukuumada Addis Ababa dhawaan qaadday ee ahayd in ay baarlamaanka ka
ansixisay in xukuumada faradaalka ah xaq loo siiyo inay maamusho gobollada is-maamuli
kari waaya, taas oo ujeedada ka danbeeysa ay tahay cid kasta oo ku qanciwayda
maamulka Itoobiya in loo cuskado Qodobkaas oo laga fara maroojiyo xaqooda
ismaamul.
Qarixii tareenka Diridhabo oo loo xidhay nin
Talyaani ah.
Wararka magaalada Diridhbo naga soo gaadhaya
ayaa sheegaya in qaraxii dhawaan ka dhacay tareenka isku xidha Jabuuti iyo
Diridhabo loo xidhay nin u dhashay waddanka Talyaaniga.
Nin u hadlay booliska magaalada Diridhaba ayaa
sheegay in ninkaas aan wali maxkamad la keenin hasayeeshee wuxuu sheegay in ay
ciidamada boolisku wali badhitaan kuhayaan. Bishii Sebtember 27dii ayaa aagga
magaalada Hadhigaale lagu qarxiyay tareenka isku xidha Jabuuti iyo Diridhaba,
waxaana halkaas ku dhintay 2 qof, 9 kalana way ku dhaawacmeen. Ma jirto cid
sheegatay inay qaraxaas ka denbaysay, hase yeeshee xukuumada Addis Ababa ayaa
dusha ka saartay Jabhada Xoraynta Oromada ee OLF, oo iyaduna si kulul u beenisay.
Itoobiya oo musuqmaasuqu ku sii fiday.
Hay’adaha kala duwan ee Itoobiya waxaa kor iyo
hoos ugu fiday musmaasuq daran oo la hadhay dhaqaalaha dalka iyo horumarkaba,
sidaas waxaa lagu sheegay cilmi baadhis bishan sagaalkeedii uu sameeyay Ururka
Caalamiga ah ee La-dagaallanka Musuqmaasuqa (TI), oo uu fadhigiisu yahay
waddanka Jarmalka.
Cilmi baadhistani waxay muujisay in
musuqmaasuqu uu Itoobiya si ballaadhan ugu sii fiday sanadihii ugu danbeeyay.
Cilmi baadhistan waxaa lagu samayay 133 waddan,
waxay Itoobiya noqotay wadanka 92 aad wadamada uu musuqmaasuqu ugu badan yahay
ee uu dhaawaca wayn u gaysatay ilahooda dhaqaale iyo waliba hantida gaarka ah ee
dadwaynaha. Jeff Lovitt, oo ka mid ah khuburada cilmi baadhistan samaysay, ayaa
ka dayriyay heerka uu gaadhay musuqmaasuqa ka jira Itoobiya, wuxuuna sheegay
inuu meel khatar ah marayo.
Waxa la wada-ogyahay in maamulka ururka TPLF,
ee gacanta ku haya awoodda dalka Itoobiya, uu dhaqan u leeyahay musuqmaasuqa iyo
siyaasada ku salaysan xatooyo hantida dadwaynaha, maamul ahaan iyo ashkhaas
ahaan labadaba. Dhinaca kale waxa la sheegayaa in hanti badan oo ay dawlada
Itoobiya lahayd lagu wareejiyay dad gaar oo xukuumada naas-nuujin ku haysta,
waxaana ka mid ah hantida dadwaynaha ee sida tooska ah loo dhacay Madbadacda
Harar, Hotel Tiyitu, Warshada Sabuunta ee Dhebrezeyit iyo kuwa kale oo faro
badan.
Wariye ay ciidamada nabadsugida Meles isku
dayeen inay dilaan.
Sida aanu ka soo xiganay wakaalada wararka
Ogaadeenya, Ciidamada nabadsugida ee maamulka Meles Zenawi ayaa isku dayay inay
dilaan wariye lagu magacaabo Ariya Tassfamariyam oo wax ka qora wargees Itobi la
yidhaahdo oo ka soo baxa magaalda Addis Ababa.
Wariyahaas oo loo daba socdo xaqiiqooyin uu ka
soo bandhigay siyaasada arradan ee maamulka Meles Zenawi ayaa jidhdil xun lagu
sameeyay, waxaana loo gaystay dhaawac culus. Falkan bahalnimada ahi wuxuu keenay
in Ururka Wariyayaasha Itoobiya ay dacwad ku soo ogaan maamulka Meles Zenawi,
iyaga oo u qayshaday Ururka Warfidiyeenka Adduunka iyo beesha caalamka.
Taliska Addis Ababa wuxuu taariikh madow ku
leeyahay xaqirida iyo ku xadgudubka shaqsiyadeed iyo kan guudba, iyadoo Itoobiya
noqotay dalka labaad ee dunida ugu horreeya dhinaca la dagaallanka saxaafada iyo
cabudhinta ra’yiga dadwaynaha, taasoo dhaxalsiisay inay wariyayaashii Itoobiya
ay dibada u baxsadaan, xataa kuwii ururka TPLF ka tirsanaa.
17.10.003
Dhoodi Danwaa.
raadioxoriyo@yahoo.com
radioxoriyo@ogaden.com
Radio Xoriyo waxaad ka dhegaysan kartaa
Mawjadda 19 MB ee dhererkeedu yahay 15670 KHZ, Maalmaha Talaadada iyo Jimcaha 7:
30PM waqtiga Afrikada
TODOBAAKAN IYO GEESKA
- QM oo ku adkaysatay in bishan la jeexayo
xadka Itoobiya iyo Eritereya.
- Itoobiya oo la sheegay in ay haysato sunta
wax gumaada.
- Uruka Midowga Afrika oo hindisaya in shirka
nabadeynta Soomalida loo raro Wadanka Ugaandha.
Itoobiya oo la sheegay in ay haysato sunta wax
gumaada.
War ay daabacdey Wakaalada Wararka ee Geeska
Afrika ayaa waxay ku sheegtay “in Itoobiya haysato hubka sunta ah ee wax gumaada”.
Wakaaladu waxay warkeeda ku sheegtay in Itoobiya weligeedba ku taamaysay in ay
ka mid noqoto wadamada haysta hubka kiimikada ee wax gumaada., waxayna intaas
raacisay in waxaa la is weydiinayaa yahay in dadka ugu horeeya ee lagu gumaadi
doono hubkaas noqon doonoa dadka shacaka ah ee Itoobiya..
Ilo lagu kalsoon yahay oo dalbadey in aan la
magacaabin ayaa sheegay in Itoobiya abuurtey cuduarada dhaliya jeermiska ama
VIRUS-KA, kaas oo markii ugu horeysay lagu tijaabiyey Geela Gobolada Canfarta
iyo Ogaadeeniya. Warku wuxuu intaas ku darayaa in shaybaarka lagu tijaabiyo ama
lagu abuuro jeermiskan dilaaga ah uu ku yaalo Magaalada Maqale ee Caasimadda
Gobolka Tigrea-ga.
Dhinaca kale, sanadkii 1996-dii ayaa markii ugu
horeysay Ururkii Ogaden Welfare Society aduunka soo gaarsiiyey Cudur aanan la
garanayn oo ku habsadey Geela dhulka Soomaalida Ogaadeeniya. Cudurkaas oo ay
dadku ku tilmaameen midkii ugu ba’naa ay weligood arkaan. Balse sida ay qortey
Wakaalada Waraka ee Geeska Afrika Madaxa TPL iyo dadka k agdhowba waxay
cadeeyeen in cudurka dilaaga ah ee ku habsadey Geela dhulka Ogaadeeniya lagu
abuurey si qarsoodi ah shaybaarka ku yaala Magaalda Maqale, iyadoo la doonayo in
la wiiqo taageerada ay xoogaga xoriyadoonku ka helaan dadweynaha dhaqda Geela
iyo guud ahaanba in la curyaamiyo dhaqaalaha Ogaadeniya o intiisa badan ku xiran
Xoolaha nool.
QM oo ku adkaysatay in bishan la jeexayo xadka
Itoobiya iyo Eritereya.
Sida aan kasoo xiganay WWO, Xadka uu muranka
wayni ka taagan yahay ee u dhexeeya dalalka Eritereya iyo Itoobiya ayaa la
astayn doonaa bishan oktober dhexdeeda, iyadoo uu waliba muran ba’ ani ka taagan
yahay go’aankii ka soo baxay Ergadii ay Qaramada Midoobey u saartay khilaafka
xuduudda ee labadaas dal, sidaas waxaa khamiistii sheegay masuul sare oo ka
tirsan Qaramada Midoobey.
Badhtamaha bishan oktober ayaa la billaabi
doonaa calaamadaynta soohdinta u dhaxaysa Itoobiya iyo Eritereya, haddii ayna
Ergada xallinta khilaafka xuduudda ayna xilli kale qabanin, sidaas waxaa tidhi
afhayeenka Ergada EEBC Gaile Sainte.
Itoobiya ayaa marar badan ku gacan saydhay
go’aanka Ergada EEBC, oo magaalada lagu muransan yahay ee Bademe siiyay dalka
Eritereya. Bishii horana Meles Zenawe ayaa warqad u diray Qaramada Midoobey,
taasoo uu ku codsaday in mar kale dib loogu noqdo arrinta soohdinta ay ku
muransan yihiin dalkiisa iyo Eritereya, wuxuuna sheegay in Itoobiya ayna marna
aqbalaynin go’aanka Ergada EEBC ee Eritereya siinaya magaalada Bademe.
Jamciyada Quruumaha ka dhaxaysa ayaa cabashada
Itoobiyay kaga soo jawaabtay warqad kulul oo ay ku cadeeynayaan in aan go,
aankaas laga laabanaynin lana bilaabi doono calaamadaynta labada Dal badhtamaha
Bishan eeynu ku jiro ee Oktoobar, Itoobiyana looga baahan yahay in ay go,
aankaas meel mariso. Ergada EEBC waxay sheegtay in soohdinta u dhaxaysa
Eritereya iyo Itoobiya, oo dherarkeedu dhan yahay 1000 km la astayn doono inta u
dhaxaysa badhtamaha bishan oktober ilaa iyo dabayaaqqada bisha julay ee sanadka
2004.
Uruka Midowga Afrika oo hindisaya in shirka
nabadeynta Soomalida loo raro Wadanka Ugaandha.
Shir uu soo qaban qaabiyay ergey ka socda
ururka Midowga Africa oo ay ka soo qeybgaleen xubnaha beesha caalamka iyo qaar
ka mid ah dawladaha ku bahoobey guddiga farsamada ee IGAD ayaa lagu qabtey
Magaalada Nairobi. Ergaygaas oo lagu magacaabo Moxamed Cali Foom oo u dhashey
talka Tanzania
Warku wuxuu intaasi ku darayaa in Uruka Midowka
Afrika aad u quur darayanayo qaabka uu shikru socda. Waxaana la sheegayaa in
Madaxda dawladaha IGAD kulan ku yeelan doonaan bishan Oktober 24-26 magaalada
Kambala la doonayo in lagu soo bandhigo arimaha Soomaliya, waxaana soo baxay
warar sheegaya in Itoobiya iyo taageerayaasheeduba doonayaan inta ka horeysa
taariikhdaas wax lagu dhawaaqo.
Balse Mudane lagu magacaabo Cali Baashi Xaaji
Maxamuud oo ah Wasiir ka trisan DKMG oo ku sugan Nairobi ayaa sheeagy in Midogwa
Africa uu doonayo sidii shirka looga badali lahaa wadanka Kenya, waxaana la isla
dhexamarayaa in loo rari doono Magaalada kambala ee caasimadda wadanka Ugaanda.
Axmed Xiddig
Radio Xoriyo
raadioxoriyo@yahoo.com
radioxoriyo@ogaden.com
Radio Xoriyo waxaad ka dhegaysan kartaa Mawjadda 19 MB ee dhererkeedu yahay
15670 KHZ, Maalmaha Talaadada iyo Jimcaha! 7: 30PM waqtiga Afrikada Bari
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
Dhegeyso
warkan oo Cod ah
...HALKAN KA BAAR WARARKII HORE EE XORIYO
....KAYDKA WARARKA
RADIO XORIYO - NEWS ARCHIVE
AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk
|