Ayman AlSawaahiri oo cajalad maqal ah soo diray
Ayman Alsawaahiri oo ah ku xigeenka hogaanka
sare ee urrurka Al-Qaacida ayaa cajalad maqal ah oo kaga codsanayo muslimiinta
Pakistaan iney xukunka ka tuuraan l madaxweyne Musharaf, ayaa laga sii daayey
telefeyshinka Al carabiya maalintii axada aheyd ee ina soo dhaaftay.
Ma ahan markii ugu horeysay ee Ayman
Alsawaahiri uu soo dirro cajal maqal ah oo uu ugu hanjabayo Mareykanka iyo
xulafiisa, hase ahaatee cajaladan maqalka ah ee lasoo diray telefeyshinka Al-
carabiya ayaa gebi ahaanba ka duwan kuwii horey loo soo diri jiray, waxaana
codka cajaladaasi oo ah Ayman ka codsaday muslimiinta dalka Pakistaan iney
afgembiyaan madaxweye Musharaf-ka dalkaasi oo ku sheegay inuu qiyaameeyey
muslimiinta isagoo la saftay Mareykana kuwaasoo xukunka ka tuuray maamul
islaami ah oo ka jiray dalka Afgaanistaan iminkana ay doonayaan iney ciidamo
dheeraad ah u diraan dalka Ciraaq.
Ayman Alsawaahiri waxaa uu sheegay in Pakistaan oo ah cadowga koowaad ee
Hindiya uu Musharaf gacanta u gelin doono hadaan laga hortegin ay imaneyso
dhibaato weyn waxaana uu intaasi ku daray hadalkiisa in Masharaf uu lamid yahay
hogaamiyaha Falastiiniinta Yaasir Carafaat oo Israa'iil iyo Mareykanka maxbuus
ugu ah xafiiskiisa islamarkaasina uu aqbalay Yaasir Carafaat wixii ay Yahuuda
iyo Mareykanku doonayeen waa sida uu hadalka u dhigaye.
Sidoo kale Al-sawaahiri waxuu ka digay qatar
xoogan oo ku soo socota muslimiinta caalamka isagoo taasi tusaale u soo qaatay
booqashii dhawaan ra'iisal wasaaraha Israa'iil ku tagay dalka Hindiya ayuu ku
sheegay in taasi ay tahay macnaheeda isbaheysi cusub oo la abuurayo si loogula
dagaalamayo Islaamka.
Iska wada duubo cajaladahan tirada badan ee dhambaal ahaanta looga soo daayo
telefeyshinada Al carabiya iyo Al-jazeera ayaa ah kuwo ay hogaamiyeyaasha
urrurka Al- Qaacida ku doonayaan iney wax ugu sheegaan muslimiinta maanta sida
weyn ugu careysan Mareykanka iyo xulafadiisa markii ay ku xirriirsheen waxa
loogu yeero argagaxisada haatana dagaalka aan qarsoodiga aheyn kula jira dunida
Muslinka.
Inkastoo codka Ayman Alsawaahiri ay tahay jug kale oo xoog oo dhaawaceysa
qorshaha maamulka Washington iyo guullo ay sheegteen iney ka gaareen
aragagaxisada.
Ma dheereyn markii talefeyshinka Al-jazeera laga siidaayey muuqaalkii Ayman Al-sawaahiri
iyo Osama Bin Laadin oo ay labadooduba maamulka Washington sheegeen iney ku
dileen dagaalkii ay ku qaadeen dalka Afgaanistaan halkaasoo xarun u aheyd
maamulkii Taalibaan iyo Al- Qaacida, waxeyna muuqaladii Bin Laadin iyo
saxiibkiis cadeeyeen in geeridii lugu sheegay aaney wax ka jirin.
By, Ikraam
Gothenburg, Sweden
ikraam@journalist.com
Faafin: SomaliTalk.com | September 29, 2003
UNICEF: Somalia Has Unique Chance to Halt AIDS
Read Here.... [Reuters.com]
.. WARAYSIGII ABDULLAHI
NUUR SALXAAN UU SIIYEY SOMALITALK
..
FOGAANTA U DHEXAYSA MAGAALOOYINKA SOOMAALIYA....
....
Copyright & Islaamku wuxuu ka qabo.... Akhri
Kulaabo bogga hore ee
www.somalitalk.com
|