SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - WARQAD FURAN
  Warqad furan oo ku socota Md. Cabdirisaaq Xaaji Xuseen.

Qore: Axmed Xaaji Maxamuud | Ahmedgiama@hotmail.com

Bismillahi Raxmani Raxiim,

  • Md.Cabdirisaaqow arintu wey dhaafday Baaqyo la soo saaro.

Md. Cabdirisaaq Marka hore waan ku salaanay, salaan ka dib, waxaan ka mid nahay dad badan oo Somaali ah oo ku nool dalka gudahiisa iyo dibadiisaba oo ka murageysan halista la soo gudboonaatay dalka Soomaaliya iyo dadkiisaba, halistaasoo maalinba maalinta ka dambeysa sii kordheysa, haatan dad badani ugu muuqato in ay halisba ku jirto jiritaanka dal lagu magacaabo Somalia, oo aan noqono sida qowmiyado kale masiibooyin ku habsatay sida Kurdiyiinta, Falastiin.

Somaalia maata waxey u baahantahay wiilasheedi iyo gabdha- hedi daacadda u ahaa wadaniyiinta ahaa dantooda guud iyo tooda gaarka ah u kala soocantahay, oo markasta hormariya danta guud,Qaran''nimo iyo qabiil aan marna isku khaldin. Dadkani fiican aad iyo aad ayey u fara badanyihiin,waxaa ka mid ah ganacsato, indheergarato,culumaaudiin, fanaaniin, dhalinyaro iwm, waxa ay kali ah u baahanyihiin hogaamin si Qarankii Somaaliyeed loo badbaadsho.

Shirar badan ayaa hadda ka hor la isku dayay in Somaalida loo qabtay, kii u dambeeyay waa kan haatan Mbegati ( Kenya ) ka socda wax rajo ahna loogama fadhiyo, shirarkii hore meeshii ay mareen ayuu kanna mari. Qaw waan maqalnaa waxse nalooma qabto. Sababtuna waxey tahay waa isla dadkii iyo isla dawladilii ayaa arinta (Dibuhishiisiin iyo Dawlad Qaran) laga sugayaa, oo horey wax u soo dhisiwaayay.

Waxaan soo xasuustay sheeko yar oo caruurta iskuulada hoosedhexe la barijiray oo aheeyd mulkulaalihii isku qabsaday cadka farmaajada,kadibna ula yimid daanyeer si uu ugu qeybiyo.Danyeerkii miisaan ayuu la yimid markaasoo farmaajadii (cheese) inta uu labo u kala jaray miistaankii saaray,hadba kii cuslaada sidii uu cad uga jarayay ayuu farmaajadii gabiahaan dhameystay (cunay).

Hadda,mulkulaalihii labo kabadanyihiin oo waa inta Somaaliya arrimaheeda isku haysta(Qabqableyaasha) daanyeerkana mid ka badan oo waxaan ku matalay Ethiopia, Kenya iyo Djibuuti. Dawladahani marna marabaan in Somaaliya dawlad laga dhiso,qabqablana oo dakadiisi, garoonkiisi iyo suuqyadii canshuur kaguranaya marna marabo in ladhiso dawlad.Md. Cabdirisaaq cidna uma maqna ceelna uma qodna umadda Somaaliyeed.

Marka,waxey inala tahay in abaa- bul weyn lagalo,oo umadda lawacyigasho gudaha iyo dibadaba, arrimaha Somaaliya lala hoos galo dawladaha jecel in Somalia laga dhiso dhabahaan dawlad. Ethiopia, Kenya iyo Djabuuti wax aan ka suganaa ma jirto, midkasta danaheeda u gaarka ah ayaa jira oo ah marna in Somaali aysan dawlad yeelan, sharafteedi iyo qaran''nimadeedina la soo noqoto..

Umadda Somaaliyeed waxaan u shegeynaa in ay qabqable wax ka sugin kalsoonidana kala noqdaan, Md.Cabdirisaaq iyo dadka lamid ahna ay abaabul adag u galaan sidii Qaranka Somaaliyeed loo badbaadinlahaa, iyadoo laga faa''ideysanayo waayo aragnimadiina siyaasadeed, xiriirka caalamka aad la leeyihiin iyo wadaniyadiinaba. Waxaa shaki ku jirin in umadda Somaaliyeed hadey aragto bidhaan yar in ay boorka iska jafilaheed wadaniyadeedina la soo noqonlaheed iyo sharafteedi.-

Wabilahi Tawfiiq

Qore: Axmed Xaaji Maxamuud | Ahmedgiama@hotmail.com

Faafin: SomaliTalk.com | Sept 3, 2003


Copyright & Islaamku wuxuu ka qabo.... Akhri
 
Quraan 114 Suuradood ee Qur'aanka

 .... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com

 

 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
xayaysiis
mahuraan 
MAHURAAN
: Waa buug dhowaan soo baxay GUJI...

XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Copyright © somalitalk.com. All rights reserved.

HTML CD [an error occurred while processing this directive]