Beesha Awrtable oo Maxamed Cabdi Yuusuf u dooratay Gudoomiyaha Gudiga Siyaasada
Axad, August 15 2004
KU: Gudiga Farsamada IGAD
KU: Wakiilada Beesha Caalamka
KU: Hogaamiyeyaasha Soomaalida ee ka qeyb galaya shirka dib u heshiisiinta
OG: Jaaliyada Yuusuf Daarood ee Puntland, Kenya, Yurub, Waqooyiga Ameerika, Australia, Asia, iyo Bariga Dhexe
UJEEDO: Beesha Yuusuf Daarood oo Maxamed Cabdi Yuusuf u dooratay Gudoomiyaha Gudiga Siyaasada
Wada tashiyo mudo qaatay oo ay lahaayeen waxgaradka, aqoonyahanada, odayaasha, culimada, haweenka iyo dhalinyarada Beesha Yuusuf Daarood (Awrtable) ee ku nool dalka gudahiisa iyo debadiisa ayaa waxey Beeshu si wada jir ah ugu dooratay Mudane Maxamed Cabdi Yuusuf in uu noqdo Gudoomiyaha Gudiga Siyaasada ee Beesha Yuusuf Daarood (Awrtable).
Waxey Beeshu ku wargelineysaa Gudiga Farsamada ee IGAD, Wakiilada Beesha Caalamka iyo Hogaamiyeyaasha Soomaalida in Mudane Maxamed Cabdi Yuusuf haysto taageerada guud ee Beel Weynta Yuusuf Daarood (Awrtable), isla markaana ay Beeshu si wada jir ah ugu dooratay in uu noqdo Gudoomiyaha Gudiga Siyaasada ee Beesha.
Anagoo daba socona Bayaan ay Beeshu soo saartay dhowaan ayaan waxaan Ugaaska Beesha Yuusuf Daarood (Awrtable) Ugaas Cumar Geele Maxamed iyo Mudane Maxamed Cabdi Yuusuf talo ugu soo jeedineynaa in aan xubnaha Beesha uga mid noqonaya Baarlamaanka Federaalka Kumeel Gaarka ah lagu darin dad kasoo mid noqday Baarlamaankii Carta, marka laga reebo Mudane Maxamed Cabdi Yuusuf oo ah Gudoomiyaha Gudiga Siyaasada ee Beesha, kaasoo xaq u leh inuu helo hal kursi, labada kursi ee kalena la kala siiyo xubin meteleysa Beesha Geedi Ibraahim iyo xubin meteleysa Dumarka ama Dhalinyarada Beesha Yuusuf Daarood (Awrtable).
Waad Mahadsan Tihiin
Waxgaradka Beesha Yuusuf Daarood (Awrtable)
waxgarad@hotmail.com
Bayaan kasoo baxay Beesha Yuusuf Daarood
iyo Odayaasha beesha Cali saleebaan oo... Guji August 13