SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
RADIO - XORRIYO
DHEGEYSI: Dhegeyso Warka Radio Xoriyo  

 

Barnamujka caawa Radio Xoriyo ka baxaya waxuu ka koobanyahay.

  • Ø Abaar ba`an oo ka dhacday Ogadeniya
  • Ø Baabuur lagu qarxuiyay duleedka magaalada Addis Ababa.
  • Ø Dad banaanbax samyanayay oo ciidamada Itoobiya ay Jidh dil ku sameeyeen.
  • Ø Madwayanah Eritrea oo dunida ugu baaqay inay tallaabo ka qaado Itoobiya
  • Ø Qayb ka mid ah riwaayadii xaftii waynaye xig ma maalaa iyo suugaan halgameed.

I  I  D  H  E  H

KAAH
GUJI HALKAN.......

 

Abaar ba`an oo ka dhacday Ogadeniya

Wariyaha Wakaaldda Wararka Ogadeniya u jooga magaalada Jigjiga yaa sheegaya inay abaar ba`ani ka jirto 5 gobol oo ka tirsan 9ka gobol ee ay Ogadeniya ka kooban tahay.

Warku wuxuu intaa raaciyay in uuna roobkii dayrtu si fiican uga di`in inta badan degmooyinka hoos yimaadda magaalooyinka Wardheer, Qabridahare, Fiiq, Goday iyo weliba Dhagaxbuur. Waxaa kale oo uu warku intaa ku daray in gobollada uu roobku ka da’ay ay ku soo qaxeen dadkii deganaa gobollada ay roob la’antu ku dhacday.

Waxaana la filayaa inay biyo la’aan iyo raashin yaraani ka dhacdo gobolladaas uuna roobka dayrtu sida fiican uga di’in, waxaana loogu baaqay hay’adah samafalka ah inay isu diyaariyaan khatarta ku soo food leh goboldaas.

Warbixin ay soo saartay haya’da badbaadada caruurat ee Save the Children (UK) ayaa sheegtay in ay abaartii Ogadeniya ka dhacady 1999kii-2000 ay ku dhinteen dad gaadhaya 100,000 oo qof. Waxaana lawada ogsoonyahay inay Taliska EPRDF iyo kuwii ka horreeyayba ay abaaraha Ogadeniya u isticmaalaan arrimo siyaasadeed oo ay kamid yihiin inay ku wiiqaan halganka xornimo doonka ah ee lagula jiro.

Baabuur lagu qarxuiyay duleedka magaalada Addis Ababa.

Maalintii talaadada ahayd waxaa duleedka magaalada Addis Ababa lagu qarxiyay baabuur booyad ah oo nooca shidaalka lagu qaado ah, waxaana baabuurkaas lagu dhex tuuray bambo yar, hase yeeshee daboolka lagama qaadin in cidi wax ku noqotay iyo in kale.

Booliska taliska Addis Ababa ayaa sheegay inuu baajiyay weerar kale oo la rabay in lala beegsado baabuur kale oo booyad ah, ka dib markii loo soo sheegay in weerarkaasi la diyaariyay.

Ma jirto cid ilaa iyo hadda weerarradan qiratay, hase yeeshee xukuumadda Addis Ababa ayaa marar badan oo hore Jabhadda Oromada OLF ku eedeysay inay weerarro ka fuliyeen magaalada Addis Ababa iyo magaalooyin kale oo Itoobiya ka mid ah,iyadoo jabhada OLF ay ku gacan saydhay eedaymahaas.

Dad banaanbax samyanayay oo ciidamada Itoobiya ay Jidh dil ku sameeyeen.

Wariyaha Wakaaladda Wararka Ogadeniya u jooga magaalada Addis Ababa yaa sheegaya inay nabad sugida Tigreegu dhaawacyo xunxun u gaysteen 120 qof oo ka qayb qaadanayay bannaanbax dhawaan ka dhacay magaalada Addis Ababa.

Waxayna wararku sheegayaan in nabad sugigga Tigreegu ay dadkaas bannaanbaxayay si xun u garaaceen, isla markaana qaar badanoo kalana xabsiga u taxaabeen, sidaasna waxaa caddeeyay gudomiyaha ururka Oromada ee layidhaahdo Meja Tulama Mudane Dhiriba Dhamise.

Warku wuxuu intaa raaciyay in dad ka badan 100,000 oo qof ay ka soo qaybgaleen bannaanbaxaas, oo lagaga soo horjeeday raritaanka laga rarayo magaalada Addis Ababa maamulka Kililka Oromada oo lagu qasbay in loo raro magaalada Naziret.

Mudane Dhiriba wuxuu sheegay inay dadkan mudaharaadayay ay soo mareen marinkii sharci ee loo baahnaa, isla markaana ay si nabadgelyo ah u bannaanbaxayeen, hasa yeeshee ay si ula-kac ah xukuumada Itoobiya u laysay.

Madwayanah Eritrea oo dunida ugu baaqay inay tallaabo ka qaado Itoobiya.

Madawayanaha waddanka Eritrea Mr. Isayas Afwarki ayaa bishii Dec 24dii warqad u qoray xoghayaha guud ee Qaramada Midoobey Kofi Annan, taasoo uu ku caddeeyay in xalka kaliya ee lagu maarayna karo khilaafka ka dhex taagan Itoobiya iyo Eritrea uu yahay inay Itoobiya oggolaato go’aankii soohdinta ee ka soo baxay guddiga soohdinta ee Qaramada Midobey u saartay xallinta khilaafka Itoobiya iyo Eritereya.

Warku wuxuu intaa ku darayaa in warqadan uu Madaxweyne. Isayas kaga jawaabayay warqad uu u soo diray Mr. Koofi Anaan laba bari ka hor taariikhdaasi, taasoo uu madaxwayne Afwarki kula socdsiinayay inuu ergay khaas ah u soo magaacbay sidii khilaafkaas loo xallin lahaa. Eargayga cusub ee loo soo magaacbayna waxaa weeye wasiirkii hore ee arrimaha dibada ee wadanka Canada Mr Lloyd Axworthy.

Dhinaca kale Golaha Ammaanka ee Qaramada Midoobey ayaa arbacadii dawlada Itoobiya ugu baaqay inay oggolaato go’aanka soohdinta ee guddiga Qaramada Midoobey ka soo baxay. Xubnaha Golaha Ammaanku waxay sheegeen in loo baahan yahay in la fuliyo heshiiskii dagaalka lagu joojiyay ee dalalka Itoobiya iyo Eritereya ay ku kala saxiixdeen dalka Aljeriya sannadkii 2000.

Xubanaha Golaha Ammaanku waxay sheegeen inay ka xun yihiin in Itoobiya ay diiddo go’aankii guddiga soohdinta ka soo baxay, isla markaana ay ku gacan saydho inay wada-shaqayn la samayso guddiga ay Qaramada Midoobey u xil-saartay xallinta khilaafka soohdineed ee labada dal. Dagaalkii soohdinta ee labada dhinac dhex maray sannadihii 1998dii-2000, waxaa ku naf waayay qiyaastii 70,000 oo qof, waxaana ku baxay adduun malaayiin doollar gaadhaya.

09.01.2004

C/Nuur Sh. Mohamed

raadioxoriyo@yahoo.com
radioxoriyo@ogaden.com 

Radio Xoriyo waxaad ka dhegaysan kartaa Mawjadda 19 MB ee dhererkeedu yahay 9820  KHZ, Maalmaha Talaadada iyo Jimcaha 7: 30PM   waqtiga Afrikada Bari


Copyright & Islaamku wuxuu ka qabo.... Akhri
 

 .... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com

Dhegeyso warkan oo Cod ah

 ...HALKAN KA BAAR WARARKII HORE EE XORIYO

....KAYDKA WARARKA RADIO XORIYO - NEWS ARCHIVE  

AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk  

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI

BILICDA SOMALIYA
Luuq Ganaane, 1987

wiil Waa wiil yar oo Somaliyed oo nayl yar dhabta kuwata xilli nabadana dhex jooga Bilicda dhulka Soomaaliya. Akhri



Copyright © somalitalk.com. All rights reserved.

HTML CD [an error occurred while processing this directive]