Ridwan Haji Abdiwali,
London, 30 July 2004
Uqaybsanaha Dawladda Britain ee shirka
dib u heshiisiinta Mr David Bell oo maal mahaan ku sugnaa dalka
Ingiriiska hase yeeshee hadda dib ugu noqday shirka dib u
heshiisiinta ayaa waraysi aan la yeeshay isagoo Nairobi jooga
waxaa uu ku sheegay in la qorshaynayo wada hadal iyo dib u
heshiisiin dhex mari doonta somaliland iyo Natiijadda shirka dib
u heshiisiinta soomaaliyeed ee Nairobi oo uu rajo wanaagsan ka
muujiyay, isla markaana uu xusay in todobaadyada ay u badantahay
in la guda galo xulashada xubnaha rasmiga ah ee baaralamaanka.
Mr. Bell oo aan wax ka waydiiyay ka
maqnaanshaha shirka soomaalida maamulka Somaliland waxaa uu yiri:
" Marka aad eegto go’aanka hargaysa waxaa uu yahay in aanay
koonfurta waxba la wadaagin , dhinaca koonfurtana waxaa ay
leeyihiin somaliland waa soomaaliya.
Ma rabo in aan dhinac noqdo laakiin
waxaan wada ognahay in waxa kasoo baxa shirka dib u heshiisiinta
ee natiijo ah looga sii gudbi doono dib u heshiisiin guud oo uu
muujiyay in shirkaba sababtiisu ay tahay arintaas isla markaana
waxaa uu ka gaabsaday in shirkan dad ma talaya somaliland ay
joogaan.
Waxaa intaas uu ku daray in ay jiri
doonto wada hadalo u furmi doona koonfurta iyo woqooyiga
maadaama shirka soomaalida ee kenya uu yahay mid lagu baadi
goobayo nabadda.
David bell oo aan wax ka waydiiyay in
dawalada ingiriisku ay aqoonsantahay somaliland waxaa uu ku
jwaabay:
" Ma jirto cid dawladnimo u aqoonsan
somaliland laakiin cidwalba waxaa ay ku taageeraysaa dhaqaale
maxaa yeelay qof walba waxaa uu aqoonsanyahay nabadda iyo
hormarka ay ku talaabsadeen ee xasiloonida , mana ahan in
caalamka oo kaliya arintaasi ay la socdaan ee xataa soomaalida
koonfurtu waxaa ay aqoonsanyihiin nabadda ay somaliland gaartay
iyagoo doonaya in ay la xaajoodaan mustaqbalka somaliland. Dib u
heshiisiinta u dhaxaysa koonfurta iyo woqooyiga ma ahan oo
kaliya in danta laga leeyahay ay tahay isu tag ama kala tag ee
qodobka muhimka ah waxaa uu yahay in nabad buuxda la gaaro oo
cid walba ay joojiso dagaalka qofwalbana uu ka shaqeeyo in la
gaaro nabad iyo nolol".
Ugu danbayntii waxaa uu sheegay wakiilka Britain
ee shirka soomaalida in dawladiisu ay taageeri doonto waxa kasoo
baxa shirka soomaalida isla markaana ay ka shaqaynayaan wada
hadal soomaalida dhex mara.
Horay ayaa Qaramada midoobay iyo urur
goboleedka IGAD ay u sheegeen in aysan aqoonsanayn maamulka
somaliland, shirka soomaalidana uu yahay mid looga qaybgalayo
dhamaan beelaha soomaaliyeed oo somaliland ay ka mid tahay.
Maamulka somaliland waxaa ay ku
dhawaaqeen gooni isutaag 1991kii inkastoo aysan jirin ilaa hadda
cid u aqoonsan in ay ka madax banaanyihiin somaliya inteeda
kale.