SomaliTalk DALSAN
w w w . S o m a l i T a l k . c o m
SOMALITALK - MUQDISHO

March 27, 2004  

Wuxuu ku Qadeeyaa Qaadka, Wuxuuna ku Casheeyaa Ciidda, Oolyadana wuu ku Qubeystaa!!!

Tan iyo markii ay dheceen dagaallada sokeeye waxaa dalka Soomaaliya ka dhacay waxyaabo la yaab leh, waxaana waxyaabahaasi la yaabka leh ka mid ah in magaallada Muqdisho uu ku nool yahay nin ku qadeeya Qaadka, ku casheeya Ciidda, Oolyadana ku qubeysta!!.


Xasan Shakuur Abeyle (Madhoodhow): “Waxaan ka cabsanayaa in aan daxalaysto ama aan miriro”

Arrintan dadka qaarkii aad bay ula yaabayaan, balse dadweynaha magaallada Muqdisho la yaabi maayaan, waayo muddo 14-sano ah ayay arkayeen waxyaabo kuwaa ka sii yaab badan, waxa ay ahayd waqtigii aan bartay sanadihii 80-meeyadii, wuxuu waqtigaasi ahaa Askari u shaqeynayay Ciidanka Xoogga dalka Soomaaliyeed ee qaybta 21-aad, wuxuuna ahaa Cunto Kariye (Cook) u shaqeynayay taliyihii ciidammada qaybtaasi General Maxamed Siciid Xirsi Moorgan, waxa uu ahaa nin aad u fir-fircoonaa, balse dadweynaha deegaanka ayaa si aad ah ula yaabay ninkaasi fir-fircoonidiisa iyo qaabka uu u shaqeeyo, waxayna markiiba u bixiyeen (Madhoodhow).

Magaciisa saxda ah waa Xasan Shakuur Abeyle, waxa uu ahaa nin aad u xarago badnaa waqtigaasi, dadkana ka qoslin jirey, waxa uu ahaa nin kaftan badan, si aad ahna looga jeclaa magaallada Dhuuso-mareeb oo xarun u ahayd qaybta 21-aad ee ciidammadii xoogga dalka, mararka qaarkoodna waxa uu ciyaari jirey ciyaarta Basket-ka, isagoo ku ciyaari jirey xirfad aad u sarreysa, waxaa u soo daawasho tagi jirey dadweyne aad u fara badan, waayo waxa ay wada ciyaari jireen General Maxamed Siciid Xirsi Moorgan oo waqtigaasi aad u jeclaa ciyaarta Kubadda Koleyga.

Markii ay dheceen dagaalladii sokeeye, Madhoodhow waxa uu ka mid ahaa dadkii ka soo qaxay magaallada Dhuuso-mareeb, waxa uu soo gaaray magaallada Muqdisho, wuxuuna farsamo-yaqaan u noqday mid ka mid ah hoggaamiyeyaasha kooxaha ee magaallada Muqdisho, kaddib xoogaa waxaa yara laga galay maskaxda, dadka qaarkii waxa ay yiraahdaan waa la sixray, subixii marka uu soo tooso waxa uu ku qubeystaa Oolyada oo ma dhaafo meel ay Olyo taallo, duhurkii marka la gaaro ayuu aad u cunaa Qaadka, waxaana Qaadka siiya haweenka qaadka ku gada "Black Sea" ee jidka Soddonka, maalmahaan dambe waxa uu keenay in uu cuno ciidda, jeebabkana ka buuxsado, taas oo ay aad u la yaabeen dadweynaha, mararka qaar waxa aad is leedahay maskaxdiisu waa ay dhameystiran tahay, wuxuuna ku weydiisanayaa wax alla iyo wixii uu jecel yahay, ha noqdaan raashin ama arad tir.

Mar aan dhowaan wareystay oo aa wax ka weydiiyey sababaha uu ugu qubeysto Oolyada, isagoo qoslaya ayuu Madhoodhow ku jawaabay “Waxaan ka cabsanayaa in aan daxalaysto ama aan miriro”.

Dhowaan ayaa koox dhallinyaro ah inta ay qabteen Madhoodhow ayay gaari saarteen, dhowr saacadood ayay la maqnaayeen, waxa ay ku soo celiyeen halkii laga yaqaannay ee Black Sea illaa Al-Baraka isagoo aad u xaragoonaya, watana labis aad u bilicsan, dadkii deegaanka aad ayay ula yaabeen, waxay yiraahdeen “War ninkan Madhoodhow maaha oo waa nin kale”, qof walba markii uu ku soo dhowaado ayuu yiraahdaa “ALLA!!!, waa Madhoodhow”, saacado kaddib ayaa ninkii xaragoonayay waxaa la arkay isagoo Oolyo ku dhex jira, ciiddana cunaya.

Madhoodhow isagoo mar walba qashinka, Oolyada, Ciidda iyo qaadka joogto u isticmaala ayaa haddana waxa uu ka caafimaad badan yahay dadka qaarkii!, dadka qaarkiina waxa ay ku tilmaamaan in uu yahay nin aysanba kareyn cimillada magaallada Muqdisho oo mararka qaarkood gaarta illaa 45oC, mar walbana waa dhar la’aan, habeenkiina waxa uu seexdaa meelaha Kabarrada ah, isagoo iska eegaya dadka, gaar ahaan dhallinyarada oo mararka qaarkood aad u rabsheeya, mararka qaarkoodna waxa uu lugeeyaa illaa meeshuu doono, waxaad arkeysaa mararka qaar isagoo jooga deegaanka Madiina, mararka qaarna isagoo ku sugan Siinaay iyo agagaarkeeda, balse fadhigiisa rasmiga ah waa inta u dhexeysa Baar Ubax illaa Al-Baraka.

Amiin Yuusuf Khasaaro
E-mail:
amiinkhasaaro@hotmail.com

 Faafin: SomaliTalk.com | March 27, 2004

Dhaqantoosinta iyo La dagaallanka AIDS-ka
Qoraal cilmi baaris ah: Prof. Yusuf Hersi Ahmed  Guji

XAMAR DAAWO DACALLADA.. SAWIRRO

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great
kaah

BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri



XAAFID QUR'AAN cFatax
Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]