May 20, 2004
Inkastoo ay waxbarashada kala mid yihiin hadaanayba
ka fiicnayn dugsiyada guud ee dadweynaha haddana waxaad ku arkaysaa
wiilasha iyo gabdhaha oo inta badan kala soocay, gabdho xijaaban oo
ka shaqaynaya waxaaba intaa ka sii daran aabooyin iyo hooyooyin
Soomaaliyeed oo cunto soomaali siinaya ardada iyo inay markasta wax
u sheegaan ardada.
Soomaalida Minnesota badankood ayaa aad ugu faraxsan
jiritaanka dugsi noocan ah waayo in waalidka uu helaa dugsi dooqiisa
ah waa wax aad u fiican oo ay had iyo jeer ku baaqaan mas'uuliyiin
badan ee xagga waxbarashada.
Dugsigan oo leh bilow ilaa fasalka sideedaad waxaa
dhigta arday gaaraysa 470 inka badan 90% waa Soomaali. inta kale oo
soo hartay waxaa u badan Oromo sidaas darteed ayaa iskuulkan loogu
yeeraa dugiga Afrikada Bari.
Maamulaha dugsigan Mudane Abdirashiid Warsame oo ah
32 jir markii ay dawladda Soomaaliya bur buraysay waxaa uu ahaa
arday dhigta jaamcaddii Soomaaliya. Waxaana uu ii sheegay inuu dhib
la soo maray furitaanka dugsigan -waa dugsi buuxa oo charter ah
waxaana laga rabay inuu buuxiyo dhamaan shuruudaha state u degsan
furitaanka dugsiyada caruurta wax lagu baro. Ilaahay mahaddii waa
la oofiyay.Maamule Abdirashiid Warsame
waxaa kale oo uu ii sheegay in hadda wax walba caadi u socdaan oo
weliba dugsigan natiijadiisa aad loo amaanay iyo in aad la isu qoro
sanad walba.
Waxaa mustaqbalka laga rajo qabaa in uu yeesho
dugsi sare. Maamule Abdirashiid waxaa la maamulaa dugsiga Gabadha
la yiraahdo Helen Fisk. Dugsigan oo habeenkii ay dadwaaweyni wax
ku bartaan waxaa uu ku yaalaa cinwaanka:
International Education Center
277 12th Ave North
Minneapolis, MN 55401-1026
Maamule Abdirashiid Warsame waxaa lagala soo xiriir
karaa e-mailkan
abdiw@tiesmn.org
Maamule
Abdirashiid waxaa uu ka mid yahay aqoon yahanada ka hadli doona
xafladda Habeenka waxbarashada Soomaaliyeed ee dhacaysa Jimcaha 21ka
May 04:00pm -09:00pm
Edison high School
700 22nd Ave NE Minneapolis, Minnesota.
Ninka u qaabilsan Kofi Annan arrimaha soomaaliya oo
dugsiga International Education Center booqasho ku iman doona Subaxa
Jimcaha ee 21ka May. Waxaa dadweynaha Soomaaliyeed lagu casuumayaa
in ay yimaadaan dugsigan maalinta 21ka May 2004. Waa subaxa Jimcaha
saacaddu markay tahay 09:00am - 09:50am. Waxaa halkaas booqasho ku
iman doona wakiilka Kofi Annan ee Soomaaliya Ambassador Winston A.
Tubman.
waxaa la filayaa in uu halkaas ku soo bandhigi
doonaa meesha ay marayso xaaladda Soomaaliya gaar ahaan shirka dib u
heshiisiinta ee Soomaaliya oo sanadahanba ka socday Kenya.
Dugsiga International Education Center
277 12th Ave North
Minneapolis, MN 55401-1026
Waxaa uu ka danbeeyaa guriga Minneapolis ee public housingka.
Wixii faahfaahin dheeraad ah kala xiriir
Maamule Abdirashiid Warsame 612-821-6470
Mahamoud Wardere
mnwardere@yahoo.com
Kooxda
Eden Prairie |
C/Casiis Biixi: Tababaraa Somali Tigers |
Kooxda Somali Tigers |