SomaliTalk DALSAN
w w w . s o m a l i t a l k . c o m
SOMALITALK - PAKISTAN

May 5, 2004

JAWAAB: BAAQA JAAMAC KHALIIF EE DHIBAATADA LAAS CANOOD WAA MID SOO HABSAAMAY

Mohamed Abdi Hassan (diridhaba)


Karachi, Pakistan.


diridhaba2001@hotmail.com

Mobile: 00-92-300-2600907

Ilaahay ayaa mahadleh, Naxariis iyo nabad gelyo korkiisa ha ahaate Nebigeena Suuban Maxamed (C.S.W).

Waxaan jecelahay inaan Jawaab kooban ka bixiyo qoraal uu ka soo saaray Jaamac Khaliif oo yidhaahda waxaan ahay Musharax Shirka ka socda Magaalada Nairobi, qoraalkaasi oo uu ugu baaqayey xabbad joojin dhinacyada iskaga soo horjeeda Magaalada Laas Canood ee Gobolka Sool.

Jama Hassan KhalifJaamac Khaliif oo Soo Saaray Baaq Nabadeed
Musharaxa Madaxweynaha Soomaaliya ayaa baaq kujihaysan Laascaanood kasoo saaray... Guji 20/4

Horta ma xuma in loogu baaqo ummad la dhex dhigay dhibaato iyo xumaan iyo necayb inay dantooda gartaan oo xabbadda joojiyaan oo iloohoda usoo noqdaan oo danbi dhaaf weydiistaan, waana taasi ta dawladda iyo Shacabka Somaliland u heelanayeen markii Madaxweynaha Somaliland tegay Magaalada Laas Canood Sannadkii 2003, hadaba waxaa isku kay qaban waayey dhawr arrimood oo aan kula yaabay Jaamac Khaliif iyo Baaqiisan soo habsaamay.

Waxaynu ogayn in arrinta Laas Canood uu muran badani ka taagna tan iyo badhtamahii sannadkii 2003, markaasi oo qarka la isku saarmay in Dagaal weyni dhex maro ciidamada Jamhuuriyadda Somaliland iyo Kuwa Cabdilaahi Yuusuf Axmed, markaasi oo Cabdilaahi Yuusuf si badheedh ah oo aan gama' lahayn ugu soo xad-gudbay xuduudka caalamiga ah (the International Border) ee Somaliland, Jaamac Khaliif iyo rag badan oo reer Mennipolis ah oo daba carara juuq iyo jabaq kama ay odhanin gardaradaasi markaa dhacday, balse waxa isku kay qaban waayey waxa weeyan sababta uu Jaamac Khaliif Baaq uga soo saari waayey Gardaradii Cabdilaahi Yuusuf Yey, ee hadda sababtay baaqiisani.

Mise Jaamac Khaliif maba oga in dhibaatada iyo cabudhinta ka socota Magaalada uu ku dhashay uu sabab u yahay Cabdilaahi Yuusuf Axmed.

Walaal ma necbi inaad wax noqoto, kama xumi inaad mansab siyaasadeed soo korto, inkasta oo aanan arkaynba inaad hadda mansabkeed socoto, hadana waxaan jecelahahay bal inaad dib wax u eegto oo aad daraasadayso sida ay wax u socdaan.

Guntii iyo Gebo-gebadii ayaan Saaxiibkay Jaamacow ku odhan lahaa Laas Canood xaalkeedu hadda ma bilaabmin, ee arrinkaa sidiisa ha loo gorfeeyo ama halkeeda ha lagaga hadho, aan ku soo gunaanado qoraalkaygan gaaban:-

Dacwadayda Ciinow
Dire dire umaan tirin
Deel-qaaf ka xeel dheer
Uma jeeddo daw dhaaf
Daandaansi kama wado
Ka da'weyni ruuxaas
Derejiyo xil-qaadkeed
Nin u dudaya maan ihi
Damac wayga xaaraan
Dilla gabay ku faankiyo
Doqonniino hadalkiyo
I dayaay wax kum falo
Maba lihi dareenkaas
Waxa qalinka igu diray
Dadku way tirsanayaa
Deyna waa ka maqan yahay
Dana jirena waan ahay
Danyartiyo saboolkiyo
Anigiyo doc-wadhantuna
Isku digato miihine
Daawaannu leenahay
Diilalyada cuslaysiyo
Daalaa-dhacoodaan

Aniguna damqanayaa
Xaq haddaan ku daakiro
Ma deyrkii Maakaan gubey?

Danbarkiyo karuurkiyo
Caanaha durduurta ah
Dadku haw sinnaadeen
Haddii laygu dilo taas
Taariikhdu duugeed
Dirirrada sidkod go'ay
Door-roone haw hadho
Dibna mooyi saw noqon

Faaladii Mohamed Abdi Hassan (diridhaba)

Karachi, Pakistan

E-mail: diridhaba2001@hotmail.com

 QORALADII HORE EE DIRIDHABA

Faafin: SomaliTalk.com 

 Afeef: Aragtida qoraalkan waxaa leh qoraaga ku saxiixan

. XAMAR DAAWO DACALLADA... SAWIRRO....

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great
 kaah

BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Riyale
Sirta ka Dambaysa Somaliland ma Itoobiyaa?
[Liiban]



XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]