SOMALITALK.COM XAYAYSII
w w w . S o m a l i T a l k . c o m
SOMALITALK - WARAR

  • SHIRKA DIB-U-HESHIISIINTA EE SANCA
  • Dowlada kenya oo u bandhigay deeqbixiyayaasha qarashkii shirka Somaliya uga baxay intii u dhaxaysay 2002 ilaa 2005.
  • Baabur xamuul ah oo sida badeecooyin kala duwan oo maalintii sadexad ku xaniban magalda balad xaawo
  • Howlo indho fiiqid oo ka bilowday isbitaalka guud ee magaalda kismaayo

SHIRKA DIB-U-HESHIISIINTA EE SANCA

Diyaariye: Axmed Maxamed
Sanca, Yemen
ahmedwiish@hotmail.com

June 21, 2005

Sida aan la wada soconno waxaa jira muran aad u xooggan oo soo kala dhexgalay hoggaanka sare ee DFMG ah ee Soomaaliya gaar ahaan Madaxaweyne C/laahi Yuusuf iyo Guddoomiye Shariif Xasan tan iyo markii uu qabsoomay fadhigii barlamaanka ee uu shir guddoomiye ka ahaa Prof. Dalxa ee ka dhacay Nayroobi isagoo guddoomiyuhu ku sugan yahay Nayroobi, si haddaba murankaas u sababin burbur la mid ah kii ku yimid dowladihii Cali Mahdi iyo C/Qaasim Salaad ayaa waxaa martiqaad u fidiyey labada masuul Madaxweynaha Yemen Cali Cabdalla Saalax waana ay ka aqbaleen martiqaadkaas waxa ayna Yemen  soo kala gaareen 16/6/2005 iyo 17/6/2005 sida ay u kala horreeyaan.

Waxaana jira odayaal tiradoodu dhan tahay afar ruux kana socda maamul goboleedka Puntland kuna sugan magaalada Sanca tan iyo arbacadii tagtay kuwaasoo shir la yeeshay Guddoomiye Shariif Xasan habeenkii Jimcaha mana la yaqaan odayaasha ka yimid Puntland iyo Guddoomiye Shariif Xasan inay wada gaareen go'aan keeni kara in wax iska beddelaan mowqifkii uu taagnaa ka hor inta aanay is hor fadhiisan isaga iyo C/laahi dabayaaqada toddobaadkan waana mid la arki doono waxa ka soo baxa kaddib markay si fool-ka-fool ah isugu fadhiistaan guriga uu deggan yahay Guddoomiyaha baarlamaanka Yemen Sheekh Cabdalla Bin Xuseen Al-axmar.

Dhinaca kalena waxaa wafdiga si gooni-gooni ah habeenkii sabtiga ula kulmay Ra'iisul Wasaare C/qaadir Baajammaal iyo wasiirro ka tirsan dowladdiisa, waxa intaas dheer warar sheegaya in Muqdisho laga keeni doono masuuliyiin ka tirsan labada gole ee DFMG ah maalmaha soo socda, inkastoo aan la magacaabin kuwa ay yihiin masuuliyiintaas, waxa ayna arrintaasi soo shaac baxday ka dib markii C/laahi Yuusuf iyo Shariif Xasan loo kala gudbiyay warqado ay ku qoran yihiin qodobbo ay yementu ugu tala gashay inay wax kaga ogaato waxyaabaha ay labada masuul isku diiddan yihiin iyo kuwa ay isku waafaqsan yihiin.

Waxaa u baahan in la xuso in Guddoomiye Shariif Xasan uu habeenki Axadda la kulmay guddi ka socda macallimiinta Soomaliyeed guddigaasoo abuurmay markii La-taliyaha safiirka dhinaca waxbrashada iyo Dhaqanka (Ridwaan) caddeeyey inuusan masuul ka ahayn xal u raadinta arrinta macallimiinta, waana mid dhab ah in Danjire C/salaan u xilsaaray Ridwaan dabagalka arrinta macallimiinta lamana yaqaan sababta keentay in Ridwaan iska beddelo mowqifkiisii ayadoo arrintu ay taagan tahay meel qaraar, waxa uuna Shariifka u ballanqaaday guddiga macallimiinta inuusan waxba kala hari doonin sidii wax looga qaban lahaa arrintooda mushaarada iyo kuwa aan shaqeynin loo howl galin lahaa.

Waxaa wafdigaas soomaaliyeed dalka Yemen ku soo dhoweeyey Sii-hayaha safaaradda Soomaaliyeed Nuur Sheekh Xaamud halka Danjire C/salaan Macallim Aadan uu daawo u aaday dalka boqortooyada Sacuudi Caraabiya waqti ay madax sar-sare oo Soomaali ahi ay ku soo fool leeyihiin magaalada Sanca ee dalka Yemen.

Si kastaba arrini ha ahaatee waxaa laga dhursugayaa shirka Sanca, walow ay jiraan dad dhaliishaan qabashadiisa oo waxay u arkaan inuu yahay mid lagu majaxaabinaayo shirka uu sheegay guddoomiye Shariif Xasan inuuka dhici doono Muqdisho 25/6/2005 kaasoo qabsoomiddiisu ay wadna qabad ku tahay kuwa taageera siyaasadda Madaxweyne C/laahi oo diiddan ilaa iyo hadda inuu ka dego Muqdisho iyadoo aan la geyn ciidammo shisheeye.

Diyaariye: Axmed Maxamed
Sanca, Yemen
ahmedwiish@hotmail.com

###

Dowlada kenya oo u bandhigay deeqbixiyayaasha qarashkii shirka Somaliya uga baxay intii u dhaxaysay 2002 ilaa 2005.

Dowlada kenya ayaa markii ugu horeysay sheegtay qarasha ku baxay shirkii dib u heshiisiinta Soomaaliya ee bilowday sanadkii 2002 bishii ogtobar,waxa ayna dowladu xustay laga soo bilaabo xiligaas ilaa iyo hadda oo uu shirku dhamaaday in ay ku baxday lacag dhan hal Bilyan oo shilinka kenya ah.
 
Wufuud kala duwan oo gaaraysa afar kun (4000) ayaa lagu sheegay warbixinta in ay ku baxeen qarashyadaas oo kala daganaa hotelo kala duwan oo ku yaala bartamaha magaalada Nairobi iyadoo waliba hoteladaas ay ahaayeen kuwa ku kala duwan dhinaca qarashka daganaashaha.
 
Meelaha ugu badan ee qarashkaas ku baxay ayay dowladu ku tilmaantay in ay yihiin madaxda dowlada oo ilaalo gaar ah loo qabatay si ay amaankooda u sugaan,waxaa kale oo ay dowlada gacan wayn ka gasatay sida lagu soo bandhigay warbixintan xubanaha baarlamaanka oo iyagana la ilaalinayay amaankooda sidoo kale.
 
Warbixintan waxaa u sheegay wargayska standard ee dalka kenya wasiirka iskaashiga Kenya Mr.Joseph Nyagah ayaa sheegay in Madaxweynaha soomaaliya ay siisay dowlada kenya laba ah gawaarida madaxda ay ku socdaan iyo lix ka mid ah ilaalida si wayn loo tababaray qarash badan oo xaga amaanka ahna kuu baxay.
 
Wasiirku waxa uu sheegay in ay tahay xeer caalami in wadan walba oo iskaga filnaado qarashka ku baxa dadka uu marti galiyo,waxa uuna intaas ku daray in ay soo dhawaynayaan dowaladii Soomaaliya oo dalkeedi dib ugu laabanaysa.
 
Dowlada kenya ayaa laba munaasabadood u samaysay dowlada Soomaaliya oo ku laabanaysay dalkeeda todobaadkii hore.

Canab Mumtaz | Somalitalk | Nairobi | canabmumtaz@yahoo.com

###

Baabur xamuul ah oo sida badeecooyin kala duwan oo maalintii sadexad ku xaniban magalda balad xaawo

Baabuurtan oo tiradoodu ay gaarayso 8 gaari oo waaweyn isla markaasna badeecadaha kala duwan ka keenay magaalada Muqdisho, una rarnaa ganacsato reer Beledxaawo ah ayaa waxa maalintii saddexaad ay ku xayiran yihiin meel u dhexeysa xaduudka labada dal ee kenya iyo soomaaliya ee magaalooyinka Beledxaawo iyo Mandera.

Baabuurtan ayaa waxaa loo haystay isbaarooyin ay waddada u dhexeysa Luuq iyo Beledxaawo ka soo barmuudeeyeen, waxana malleeshiya tira badani ay ka rabeen lacagtii isbaarooyinkii ay soo dhaafeen.

Dood dheer ka dib waxaa la siiyay malleeshiyaadkaasi lacagtii ay sheegteen, waxase mar kale soo baxay maleeshiyo kale oo iyaguna sheeganayo in deyn laga qabo oo uu maamulka degmada iyo ganacsatada iyo odayaashu ka qabaan, taasina ay mar kale xannibtay gaadiidkaas in la dejiyo.

Ma ahan markii ugu horreysay ee maleeshiya ay xannibato gaadiid xamuul wada, waxaa iska caadi noqotay in gaadiidka badeecadaha keena iyo kuwa qaadaba in ay mutaan dhibaato ka timaadda isbaarooyin iyo maleeshiyo lacag ka rabto.

Howlo indho fiiqid oo ka bilowday isbitaalka guud ee magaalda kismaayo

Dhaqaatiir u dhashay dalka Kenya ayaa June 20 u bilaabay howslo indha fiiqad kudhowaad seddex boqol iyo sodon qof oo kakala yimid gobolada Jubbada hoose, Jubbda Dhexe, Gedo, iyo Shabeelada hoose.

Laba iyo tabankii duhurnimee maanta ayaa diyaaradii siday dhaqaatiirtan oo ay tiradoodu gaarayso laba dhaqtar iyo afar kalkaaliye ay soo caga dhigatay garoonka diyaaradaha ee magaalada Kismaayo iyadoo waayadana loo diiwaangalinaayey dhaqaatiirtani kudhowaad 330 qof oo iyagu ka cabanaayo xanuunka in dha la,aanta .

Dhaqaatiirtan oo ii xaqiijiyey markaan wax ka weydiiyey inta ay joogayaan magaalada kismaayo ayaa ii sheegay in ay hooshaani wadayaan kudhawaad shan maalmood oo ay sheegen in ay ku soo afjarayaan hooshaani oo ku eg maalinta jimcaha ah ee fooda nagu soo haysa. Waxayna intaasi ay raaciyeen in ay siinayaan dadkani Okiyaaloyaal ka caawiyo araga iyo daawooyin ,waxayna hooshani u fulinayaan si muta dawacnimo ah marka laga reebo lacag gaarayso 40 $ oo laga qaaday dadka taasoo ay maamulka isbitaalka ku tilmaameen qarashka ku baxaayo dhaqaatiirta .

Sikastaba ha ahaatee maahan markii ugu horeysay oo ay dhaqaatiirtani indha fiqid ah ay yimaadan magaalada Kismaayo ayagoo yimid horaantii sanadkii tagay ee labada kun iyo afarta.

Dadweynaha loo samaynaayo qaliinkani oo ubadan dad Da'ah ayaa tibaaxay in ay u tahay fursad aad u wanaagasan mar ay saxaafada u waramayeen dadka halkaa isgu yimid ee indhaha loo fiiqayo sida ay ugu faraxsanyihiin in ay helaan aragoodii oo mar soo noqdo,waxayna u muuqdeen dadkaasi in tooda badan dad iyagu ah danyar oo u baahan in loo fidiyo kaalmo mutadawacnimo .

Waxayna tahay markii afraad oo ay dhaqaatiirtani u fuliyaan howshaani dad ka soomaaliyeed ee gobolka Jubbada hoose shantii sanee aynu soo dhaafnay waxayna had iyo jeer ka yimaadaan Isbitaalak Kikuya hospital ee malaagad nayrobi ee cariga Kenya.

cabdi qadar nuur maxamed (filipiin) 

kismaayo soomaaliya

Faafin: Somalitalk.com | June 21, 2005

Shaqo Joojin ay maanta Sameeyeen Gaadiidlayda reer Kismaayo
Waxaa maanta gabi ahaanba shaqo joojin ku dhaqaaqay gaadiid leyda leh baabuurta isaga kala gooshta.. Guji... Jun 20

Gudoomiyaha Golaha Degaanka Boosaaso iyo Kuxigeenkiisa oo la doortay
Khadar & Xiito oo loo doortay gudomiye & kuxigeen...
Gobolka Bari Yuuduf Waceys: Xallinta khilaafka...
Wasiirka Diinta iyo Awqaafta: Boosaaso ka gudub khilaafka
Wasiirka Arimaha Gudaha oo ka hadlay doorashada...
Qardho: Israsaasayn sababtay 1 qof dhintay iyo 3 dhaawac
Wararka oo dhan ka akhri halkan... Jun 19

Geeddi oo soo Bandhigay Howlgalka ugu Horeeyay ee DFKMG
Ra'iisul wasaaraha DFKMG oo maanta u safray Soomaaliya ayaa soo saaray qoraal ka kooban...
Guji... Jun 18

Nin Lagu Magcaabi Jirey Eng. Cabdi Yare oo Xalay Fiidkii Lagu Diley Kismaayo
Kismaayo: Nin Musaafur ku ahaa magaalada oo la diley ..
Prof. Geedi: Kenya Tixgalin ha siiso dadka Soomaaliyeed ee..
Bosaso: Bambaanooyin Lagu Qarxiyey Bangiga iyo Qasnada..
Dawlada FKMG oo lagu heshiisiin doono Yemen...
Gudoomiyaha Baarlamaanka oo maanta u dhoofay Yemen..
Madaxweyne C/laahi Yuusuf oo iman doona Yemen..
Wararka oo dhan ka akhri halkan... Guji... June 17

Kulaabo bogga  www.SomaliTalk.com 
© www.SomaliTalk.com

BAARID | SEARCH

 



HTML CD