SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - KENYA
XAFLADDA BERRI OO ARAP SATELLITE LAGA DAAWAN DOONO

 

Ibraahim Maxameddeeq

 imdeeq@hotmail.com

SomaliTalk.com | Eldoret

Oct 30, 2002

 Kulan deg deg ah oo gudoomiyaha gudiga farsamada Igad ee shirka dibu heshiisiinta soomaalidu Mr. Mwangala caawa fiidkii isugu yeedhay madaxda kooxha magaalada Eldoret ku sugan ayuu ugu sheegay inuu caawa madaxweeynaha dalka Kenya ku sugan yahay magaaladan Eldoret si uu beri 9: 30 madaxtooyadiisa Eldoret ugaga qayb galo xaflad uu madaxweeynuhu adduunyada ugu sheegi doono guulaha ilaa iyo hadda ka qabsoomay shirka Eldoret, isagoo Mr. Elijah caddeeyey inuu madaxweeynuhu berri akhrin doono qodobadii hab socodka shirka iyo baaqii ay madaxda ururada soomaalidu axaddii saxeexeen.

I  I  D  H  E  H

Mr. Mwangala wuxuu sheegay in qolka shirarka ee madaxtooyada Moi loo qoondooyey inay 100 qof oo ay lixdan dublumaasiyiin iyo calamka ka imanayaa ku jiraan, madaxda soomaalidana laga macsuumay 44 xubnood oo ay koox waliba laba ka mid ah qayb u heshay, Madaxda kooxuhu waxay caawa isla garteen inay shirka berri uga hadlaan Gen. Aadan Gabyow, Xasan Abshir Faarax iyo Xuseen Maxamed Caydiid , iyagoo Gen. Gabyow ugu yeedhay oday soomaaliyeed.

Wuxuu kaloo uu gudoomiyaha gudiga farsamadu caawa sheegay in xafladan caawa laga fiirsan doono caalamka oo dhan iyo soomaaliya isagoo shaaca ka qaaday inay arap site arintaa ugu deeqday oo kanaalkooda si toos ah looga daawan doono.

 

WARAKII MAALMAHAN EE SHIRKA ELDORET

Tan iyo markii maalintii Axaddii la isla ogolaaday habka uu shirku ku soconayo, lana saxeexay baaqii inta badan la sugayey in la saxeexo, ergooyinka soomaalida ee Eldoret ku shiraya waxaa u socday shirar gooni gooni ah oo ay kaga wada hadlayeen qodobka ka hadhsan wejiga hore ee shirka oo ah in lix guddi oo lix arimood oo kala duwan ka soo tala bixisa la dhiso, qolyaha bulshada rayidka ah ayaa waxay durba iyadoon loo dirsan isu qaybiyeen lixdii gudi iyagoo ku andacoonaya inay doonayaan inay talooyinkooda u gudbiyaan gudiga farsamada Igad si ay saldhig uga dhigtaan, Xubnaha bulshada rayidka ah ayeey dad badani sheegayaan inaysan weli fahmin halka ay wax u wadaan, waxayna dadka qaar ku eedaynayaan inay kolba la gole yimaadaan talaabo hororsi u eg iyadoo ay qab qablayaashuna marar badan ku doodeen inaysan soomaaliya bulsho rayid ahi ka jirin oo uu qof waliba koox iyo qolo ka tirsan yahay.

Shirarka ayaamahan socday waxaa ka mid ah mid ay aqoonyahano soomaaliyeed oo iskood isu xulay ku lahaayeen magaalada Eldoret, kuwaas oo ay laysla dhex marayo inay taageersan yihiin dawladda ku meel gaadhka ah waxaa ka mid ah Cabdiraxmaan Baadiye iyo DR. Dasuuqi, waxaa kaloo dhawr goor shir gaar ah isu arkay isimadda soomaaliyeed ee Eldoret ku sugan, waxay kaloo shirar gaar ah la yeesheen gudiga farsamada Igad, Hayadaha caalamiga ah iyo dawaladaha arimaha soomaaliya daneeya wakiilada shirka Eldoret ka jooga.

Beri waxaa Eldoret laga sugayaa madaxweeynaha dalka shirkan marti geliyey Madaxweyne Moi si uu u xidho wejiga hore ee shirka dibu heshiisiinta soomaalida, horay ayeey Igad u shaacisay in uu shirku qaadanayo saddex weji oo kala ah midka hore oo noqonaya in baaq laga soo saaro lana ansixiyo habka loo shaqaynayo iyo in lix gudi la dhiso kaas oo hadda laga wada shaqeeyey gudiyada mooyee, Wejiga labaad oo noqonaya inay lixda gudi markay lixdaa arimood ee loo diray ka soo talo bixiyaan inay ergooyinku ka doodaan kaddibna la ansixiyo iyo wejiga ugu dambeeya oo noqonaya in dawladdii la dhiso. Laakiin waxaa la isla dhex marayaa inay jiraan siyaasiyiin iyo dad u ololaynaya in waxaba hal weji lagu soo koobo, iyadoo ay dhinacyada qaarna ku adkaysanayaan in la raaco shaxdii horay loo jeexay.

Ergooyinka shirka ka qayb gelaya oo ayaamahanba nasasho ku jirey ayaa saaka baabuur waaweyn loogu qaaday meelaha loo dalxiiso ee cagaarka iyo beeraha barwaaqaysan hodanka ku ah si ay ugu soo doogsadaan bidhaanta bilicda arlada Kenya ee ay dadkeedu sida daacdda ah u tabcadeen.

Waraysi Gen. Morgan
 
Ibraahim Maxameddeeq ayaa waraysi dheer oo dhinacyo badan taabanaya la yeeshay Gen. Maxamed Saciid Xirsi Morgan oo jooga Eldoret...Akhri waraysiga oo dhan

Ibraahim Maxameddeeq

Somalitalk

Eldoret , Kenya 

E-mail: imdeeq@hotmail.com

 

... ELDORET: Taxanaha Wararka  


WARARKA  SEPTEMBER - GUJI
AGOOSTO | JULY | JUNE | MAY | APRIL | MARCH | FEBRAAYO | Janaury 2002 | Wararkii 1999-2001 

com

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great


Copyright © somalitalk.com. All rights reserved.

HTML CD [an error occurred while processing this directive]