SomaliTalk DALSAN

.Home | FreeWebsite | FreeEmail | TellFriends | Search | Feedback | Allah Is Great
w w w . s o m a l i t a l k . c o m

WARARKA RADIO XORIYO
Faaladii Radio Xoriyo ee 6.9.2002 |
 
TAARIIKHDA MAANTA:  | DAABACADA WARKA: September 27, 2002 

 DHEGEYSI: Dhegeyso Warka Radio Xoriyo

  

·Warka madaxdiisii

·Ciidamada Cadawga Itoobiya oo Dad badan ku xidhxidhay dagmoyin iyo tuulooyin katirsan Ogadenya.
·Kulamo ay yeesheen masuuliyiin kakala socda Jabhada Wadaniga Xoreenta Ogadeenya iyo Jabhada Xorenta Oromiya.
·Wax-garadka Galaguduud oo Itoobiya ka codsaday inay sii dayso guddoomiyihii Guri-Ceel
·Dawlada Jabuuti oo Calamka ku eedaysay in ay Soomaliya ka seexdeen .

·Warkii oo fahfaahsan

·Ciidamada Cadawga Itoobiya oo Dad badan ku xidhxidhay dagmoyin iyo tuulooyin katirsan Ogadenya.

Sida ay noo soo tabisay wariyahayaga Maryama-Ruun Liibaan.

Dad ay tiradoodu aad u badan tahay ayaa lagu xidhxidhay magaalooyin iyo tuulooyin kala duwan oo ka tirsan dalka Ogadenya, kuwaas oo uu cadowga Itoobiya sidii caadadaba u ahayd uu xabsiyadiisa naxariis la’aanta ah u taxaabay, iyagoon galabsanin wax denbi oo xidhaygaas u soo jiidi kara.

Dadka laxidhxidhay iyo melaha lagu xidhxidhayna waa skuwan.

·Magaalada Gurdumi waxaa markii ay taariikhdu ahayd 5/09/02 lagu xidhxidhay:-


1- Faadumo Xaji Cismaan 
2- Ardo Gurdumi 
3- Jamaad yuusuf Aar 
4- Cabdullaahi Kaafi Cumar. 
5- Ilka Casse Xirsi 
6- Xaji Sayfle Cumar Ismaciil 
7- Salaad Cumar Ismacil 
8- Mohamed Cabdullaahi Cumar 
9- Ibraahin Cabdi Gacanlow 
10- Cumar Xassan 


·Magaalada Gunagado waxaa iyadana lagu xidhxidhay:-


1- Dayib Shah-qabooje. 
2- Saynab Yuusu Faarax 
3- Faadumo Fariid_magaalo
4- Xassan Cabdi  
5- Xassan Qeex. 


·Farmadow waxaa sidoo kale lagu xidhxidhay


1- Sh. Moxamed-ikhyaar sh. Ahmed-nuur 
2- Sh. Cabdi Sh. Cumar-nuur 
3- Ahmed-nuur Mataan 
4- Cabdi-madoobe Cali-cadde 
5- Anas Xaji Yusuf Xayle.
6- Mohamed Daahir 
7- Cabdi-raxman Cumar Siraad 
8- Ahmed Haybe Cumar 
9- Ahmed Dayr 
10- Cadaani Cabdi-qaadir 
11- Barre Cabdi Adar. 
12- Cabdi Maxamuud Sarhaye 
13- Ina Indha Yare 
14- Cabdi Cismaan Dubad 
15- Mohamed Aaden. 


·Gabagabo waxaa iyada markii ay taariikhdu ahayd 15/09/02 lagu xidhxidhay:-


1- Haybe Xassan Aamin 
2- Shukri Makhtal Haybe 
3- Cabdi Siyaad Canshuur 
4- Mohamed Mawliid 
5- Cali Dheere 
6- Mohamed Buraale. 
7- Ina Cali Dheere 
8- Xassan Cabdi Ahmed 
9- Cabdi-raxmaan 
10- Cabdi-razaaq 
11- Qarri

·Jiiqley oo Gobolka Godey ka tirsan waxaa ninka lagu magacaabo

1- Baar-cad Macallin Suldaan laga xareeyay 50 halaad oo Geel ah.

·Qabridahare markii ay taariikhdu ahayd 3/09/02 waxaa lagu kufsaday gabdhaha kala ah:

1- Fardowsa Ahmed Xirsi
2- iyo Aamina Weli, waxaana labadaas gabdhood wali lagu hayaa Taliska Gaaska Ciidamada Gumaysiga  Xeradiisa.

·Kulamo ay yeesheen masuuliyiin kakala socda Jabhada Wadaniga Xoreenta Ogadeenya iyo Jabhada Xorenta Oromiya.

Masuuliyiin ka kala socota Labad jabhadood ee ONLF& OLF ayaa kulamo is daba joog ah oo ku saabsan iskaashiga labada dhinac yeeshay billowgii toddobaadkan.

Masuuliyiiynta labada dhinac waxay ka wada hadleen sidii laysaga kaashan lahaa dhinacyada Ciidamada, siyaasada, warfaafinta iyo bulshadaba.

Masuuliyiintu waxay isla garteen sidii meel looga soo wada jeedsan lahaa dulmiga gumaysiga Itoobiya uu ku hayo Labada Shacab ee walaalaha ah ee uu gumaysto.

Waxay ugu dambayntii masuuliyiintu isla meel dhigeen sidii ay usoo afjari lahaayeen Gumaysiga dhiigya-cabka ah , waxayna meesha ka saareen siyaasadii Gumaysiga ku dhisnayd ee ahayd Qaybi oo xukun, waxayna labada dhinacba muujiyeen niyad sami iyo isku kalsoonaan.

·Wax-garadka Galaguduud oo Itoobiya ka codsaday inay sii dayso guddoomiyihii Guri-Ceel

sida uu noo soo tabiyay wariyahayga Soomaaliya, Ahmed yare Calasoow magaalada Guri-Ceel ee gobolka Galgaduud ayaa  waxaa ka anbabaxay wax-garad u dhashay gobolkaas, una badan kuwa deggan degmada Guri-Ceel, wax garadkaas ayaa u anbabaxay dhinaca gobalka wardheer si ay ugala soo Xajoodaan Ciidamada Itoobiya ee aagas dagan  sii deynta guddoomiyaha Guri Ceel Axmed Macalin Xuseen iyo nabadoonkii la socday.

.Labadaas Masuul ayay Cidamada Xukuumada Itoobiya ka  qafaasheen tuulada Geri Jir oo ka tirsan gobolka Galgaduud Totobaad kahor.

Xubnahaan oo isugu jira wax garad iyo odoyaal tiradooduna ay gaadhayso 15 xubnood waxaa hogaaminayaa nin lagu magacaabo Cali Barre Sahal, waxaan la filayaa inay tegaan degaanka wardheer  oo lagu hayo guddoomiyaha deegaanka Guri Ceel Axmed Macalin Xuseen iyo nabadoon Cadaawe Xaashi.

·Dawlada Jabuuti oo Caalamka ku eedaysay in ay Soomaaliya ka seexdeen.

Wasiirka Arrimaha Dibadda Jabuuti Cali Cabdi Faarax ayaa ku canaantay beesha caalamka inay meel cidlo ah kaga dhaqaaqday Soomaaliya. "Dunidu way ku eegatay Soomaaliya meesha ay maanta taallo" ayuu yiri Wasiirka oo ka hadlayey golaha loo dhan yahay ee Qaramada Midoobay.

Wasiirka Arrimaha Dibadda Jabuuti ayaa faahfaahin dheer ka siiyey xubnihii metelayey dalalka dibadda qabashadii shirkii Carta iyo abaabulkiisii iyo weliba natiijadii ka dhalatay ee ahayd dowladda ku meel gaarka ah.

"Toban sano kaddib waxay ahayd markii ugu horreysay ee Soomaali si dhab ah u wada fariisato, kana arrinsato aayaheeda" ayuu wasiirku hadalkiisii ku yidhi.

Dhinaca kale Maraykanka ayaa taageero lacageed oo 12 milyan oo doollar ah u ballanqaaday dalka Jabuuti, tasoo la xidhiidha dhinacyada mashaariicda horumarineed iyo gargaarka bani’aadamnimo, waxaana taageeradan lagu tilmaamay inay tahay mid billow ah, iskaashiga labada dal ka dhexeeyana uu sii xoogaysanayo.

Taageeradani waxay ka denbaysay, ka dib markii ay ciidamo Maraykan ahi ku soo degaan dalka Jabuuti, isla markaana la filayo in kuwo kalana la keeno.

Wasiirku wuxuu sheegay in ciidamada Maraykanka ee Jabuuti la keenay ay qayb ka yihiin kuwa lagula dagaallamayo argagixisada caalamiga ah.

Hibaaq Samatar.
Radio Xoriyo
radioxoriyo@aol.com radioxoriyo@ogaden.com

Xusuus:  Radio Xoriyo waxaad ka dhegaysan kartaa Mawjadda 19 MB ee dhererkeedu yahay  15580 KHZ, Maalmaha Talaadada iyo Jimcaha 7: 30PM waqtiga Afrikada  Bari.

 
Dhegeyso warkan oo Cod ah

 

KAYDKA WARARKA RADIO XORIYO - NEWS ARCHIVE  

 


AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk


Powered by www.SomaliTalk.com
All About Somalia and More...
Usheeg Asxaabtaada | Talo Bixin


Copyright © 2002 somalitalk.com. All rights reserved. Privacy


Saxaabada | Baro-HTML | Zakaat | Xajka | BilicdaSom | Kids-Safety


HTML CD [an error occurred while processing this directive]