SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
RADIO - XORRIYO
DHEGEYSI: Dhegeyso Warka Radio Xoriyo 

Wararka Ogaadeenya

KAAH

Warkii Radio Xoriyo : 01 Aug,2003

Warka Madaxdiisii

· Gadood Shacab oo ka Dhacay Magaalada Jig-Jiga
· Madaxweyne Abdiqassin Salad oo Qaadacay Shirka DKS:
· Iska Hor Imaad ka Dhacay Muqdisho

Warkii oo Faah faahfsan


GAOOD DADWEYNE OO KA DHACAY MAGAALADA JIGJIGA


Sida ay soo Warisay Wakaalada Wararka ee Ogaadeenya,oo iyadu inta badan ku leh Goobjoogayaal iyo Wariyayaal dhamaan Gobalada iyo Degmooyinka Ogaadeenya,waxaa Gadood weyn uu ka dhacay Malaalada Jig-Jiga oo Xarun u ah Maamulka ay Itoobiya ka samaysatay Ogaadeenya 28 Julay,2003, kadib markay CCGI;ku toogteen Suuqa
magaalada badhtankiisa nin shacbi ah, Arintaasi waxay ka cadhaysiisey
shacbigii oo bilaabey in suuqa laga cararo, dhagaxtuurna ka bilawday meelo
kala duwan oo magaalada ah. Ciidamadii wayaanaha intay arga-gexeen ayay
bilaabeen in ay xabadii dhinac walba u ridaan, halkaasna ay ku dil! een nin
boolis ah, dad badanna ku dhaawaceen. Dhagaxtuurkii iyo xabadii waxay
socdeen ilaa gabalkii madoobaado.

Dhinaca kale, 25/07/03, Ciidamada Gumeysiga Itoobiya waxay bilaabeen, in ay mar kale xidhaan xadkii u dhexeeyay Ogadenia iyo Gobolada Waqooyi.Gaadiidkii u kala Gooshi jiray iyadoo la sheegay in Gaadiid badani uu hada ku Xayiran yahay Xadka kadib markii loo diiday in ay Ogaadeena u soo gudbaan.

Warar isku dhaf ah oonu ka soo xiganay Shabakada Wararka ee Qoraxey ayaa Sheegaya

Madaxweyne Abdiqassin Salat oo Ka Duulay Nairobi,Kadib markii uu Shirka u Bogi Waayey

Waxaa si rasmi ah u qaadacay Shirka Kooxaha Soomaaliyeed ooga socda Duleedka Magaalada Nairobi,kadib markii uu Shir Jaraaíd ku bayaamiyey sababaha ka bixitaankiisa Shirka Madaxweynaha DKMS iyo Wafdidii uu Hogaaminayey. warmurtiyeed uu soo saaray ayaa waxuu ku sheeggay in isaga iyo xubnihiisa ay ka baxayaan shirka haddii buu yiri aan wax laga bedelin qodobaddii ay! dhawaan gaareen qaar ka mid ah hoggaamiyeyaasha siyaasadda ee soomaalida...

Wararka kale ee iyaguna naga soo gaaraya madasha shirka ayaa sheeggaya in madaxweynaha uu la kulmay Wakiiladda Beesha caalamka ee ku suggan shirka dib u heshiisiinta waxaanna la sheeggay in uu kala hadlay arrimo la xiriira geeddi socodka nabadda ee soomaaliya iyo weliba heshiiskii ay dhawaan gaareen hoggaamiye kooxeedyadda muqdisho waxuuna madaxweynuhu uu ku nuux nuuxsaday in uu isaga baxayo shirka haddii aan sixid lagu samayn qodobaddii dhawaan ay ansixiyeen hoggaamiyayaasha ku shirkan Mbagathi...

Sikastaba ha ahaateen madaxweyne C/qaalim ayaa sheeggay wax yar uun kadib intii uusan ka duulin madaarka in shirkan uu yahay mid soomaaliya lagu kala qoqobayo islamarkaasna intaasi ku daray in dano gaar ah laga leeyahay waxuu sidoo kale eedaymo u soo jeeddiyey dalalka reer Galbeedka ee ku suggan shirka ama ka qeybgalaya

Dhinaca kalena ra"isul wasaare hassan abshir faarax iyo xubno ka tirsan D! KMG ayaa waxay iyaguna la kulmeen wakiiladda beesha caalamka ee shirka soomaalida iyagoo kala hadlay arrimo la xiriiro shirka....

Ra"isul wasaare hassan abshir ayaa sheeggay in C/Qaasim uu u danleeyahay in uu shirka carqaladeeyo islamarkaasna uu raadsanayo marmarsiyo waa sida ay hadalka u dhiggeene.

Kulankaasi kadib ayay Qorahay Online u suurto gashay in ay la hadasho ra"isul wasaare hassan abshir waxayna waydiiyeen sababta uu C/qaasim uga baxay shirka waxuunna yiri...

C/Qaasim ma doonayo in soomaaliya ay nabadi ka aslaaxdo isagoo intaasi ku daray in dhammaan labada gole ee DKMG ay ku sugganyihiin shirka waxayna sii ambaqaadi doonaan wadahadalada...

Dhanka kale Warar iyaguna Radio Xoriyo soo gaadhay oo arintan la xidhiidha ayaa sheegaya in Madaxweyne Abdiqassin Salat Hassan iyo Wafdigii uu hogaaminayey ay tageen Magaalada Muqdisho halkaas ooy ku qabanayaan Shirar Jaraaíd oo kala duwan ayna dhamaantood ku Qeexayaan sababta ay Shirka uga soo baxeen.

ISKA HOR IMAAD DHIMASHO IYO DHAAWAC KEENAY OO SAAKA ISGOYSKA KMT 4 EE MAGAALADA MUQDISHO.

Sadex nin ayaa dhaawacmeen kadib markii labo maleeshiyo isku dhac 31 Julay,2003 ka dhacay Isgoyska lambar afar (Kmt 4) ee magaalada Muqdisho. Wararka waxa ay sheegayaan in isku dhacan uu dhaxeeyay mid ka mid ah gawaarida BL-ka ah ee ka shaqeeya magaalada Muqdisho iyo koox dablay ah oo iyana halkaas bar isbaaro ku leh. Dagaalkan ayaa waxaa la sheegayaa in uu ka danbeeyay ka dib markii dablayda ay isku dayday in ay leejo ka qaato gaarigaas oo isaguna ku dooday in uusan bixinaynin lacagtaas. Kadib waxyar ayuu darawalkii gaarigaas ayaa lagu waramayaa in uu soo adeegsadey Koox kale oo hubeysan oo rasaasna ooda uga qaadey kooxdii kale ee leejada isgoyska ka qaadi jirtay. Waxaana halkaas ku dhaawacmay sadex ka mid ah dadkii goobtas joogay iyadoo ay markii kale goobta ku soo yaaceen ciidmo ilaalo ka ah Hotelka sahafi oo iyagu maalmahan ku jira heegan kadib markii h! abeen hore halka laga galo hoteelka Bam aanay wax khasaare ah geysan.

Dhagaystayaal Warkii Caawa waa naga intaas.Hadana waxaa halkan hoose idiinku lifaaqan Waraysi uu Radio Xoriyo la yeeshay Gen.Mohamed Osman Qaadi,qaybihii 1aad iyo 2aad.Mahadsanidin.

Walaalayaal Salaan Walaaltinimo oo qaali ah kadib.Waxaanu halkan hoose idiinku soo lifaaqnay,Waraysi uu Radio Xoriyo la yeeshay Gen.Mohamed Osmaan Qaadi oo ku nool Wadanka Maraykanka si aanu wax uga Ogaano,Khibradaha ku Gaaxsan iyo Amuuro Geeska Afrika iyo Qadiyada Ogaadeenya ku saabsan oonu u baahanay in Dhagaystayaasha Radio Xoriyo loo Iftiimo.Waxaana Gen.Qaadi,Waraysigaas La Yeeshay Abdi Madaale,wuxuuna u dhacay sidan.

Abdi Madaale : Suaasha 1aad?

Mudane Gen.Mohamed Osmaan Qaadi,Wuxuu marka hore Radio Xoriyo isagoo ku hadlaya Magaca Saxaafada Shacbiga Ogaadeenya kaaga mahadnaqayaa Fursada aad ka siisay wakhtigaaga qaaliga ah si aad xili haboon dadkaaga u gaadhsiiso fikir Midho Dhaliya.Intaas dabadeed waxaan jeclaan lahayn in aan ku waydiino Suáalahan?

1-Shacbiga Ogaadeenya wuxuu ku jiraa Halgan adag ooy ujeedada ka danbaysa tahay in uu isaga dul qaado Heeryada Gumeysiga Itoobiya,kaas oon ahayn mid hada uun bilaabmay ee Qarni iyo in ka badan soo socday.Hadaba adiga oo ka mida Khuburada Heerka Sare ka gaadhay Cilmiga Milatariga ee ah ka ay Shacbigaagu Guusha ku kaadhi karaan waxay Inta u Dhuun Duleesha Halganka dareensan yihiin in aydaan Kaalintii Waajibka idinku ahayd Gudanin,haddii aad tihiin Saraakiisha Sare ee Gen.Col. iyo Kuwa kaleba ah,marka maxaad taas ka dhihi lahayd?

Gen.Qaadi : Bismillahi Alraxmani Alraxiim
1-Ugu horeyntii waxaan mahad naq u celinayaa Saxaafadda Ogadeenya iyo Radiyo Xorriyo oo maanta I siiyey fursadaan lama illaawaanka ah, taasoo ii suurta galinaysa inaan Codkayga gaarsiiyo Shacbiga aan ka dhashay.Tan labaad, waxaan uga soo jeedinayaa manbarkaan salaan qaali ah dhamaan Dadweynaha Ogadeenya, Xubnaha iyo Maamulka Jabhadda Jwxo, isla markaana waxaan si gaar ah ugu soo jeedinayaa saalaan Xushmad iyo Qadarin leh Walaalkay iyo Saaxiibkay Madaxwaynaha JWXO Admiral Maxamed Cumar Cisman.

Haddii aan u soo noqdo Sua'aasha aad I weydiisay Cabdiyow, sida aad xustay Gumeystahu wuxuu dhulkayaga haystay Qarni iyo Dheeraad, islamarkaana halganka Gobinamadoonka Shacabkeenna waan la soo fac jirsadey, inkastoo mararka qaarkood uu iska tabardarraa, marka arrinta aad ka shanqarisay oo lagu dhaliilayo kaalinta Halganka Jananada iyo korneelada u dhashay dalka Ogadeenya, aragtidayda gaar ahaaneed, sidaas ma wada aha, oo waxaa ka mid ah rag badan oo maanta nool oo ka ciyaaray kaalin wacan Halganka , qaar kaloo ka mid ahina waxay u Hureen Naftooda qaaliga ah, Tusaale ahaan dagaalkii balaarnaa oo Ummdda Somaliyeed ay ku qaadey Gumeystaha Xabashida, loogana Xoreeyey dalkeena sannadkii 1977dii, ragga aannu ka hadleyno waxay ka ahaayeen Bud-dhigeyaal, q! aybtii libaaax oo ay ka qaateenna waa markhaati ma doonto. Taariikhduna waxay inoo sheegysaa inuu dagaalkaasu ahaa dhacdadii ugu wayneed ee dib u soo nooleeysay qadiyadda Ogadeenya, marka kalena dhawaqiisii dheeraa ee saameeyey Aduunwaynaha oo idil waxaa ku fadeexoobay Gumeystaha Xabashida oo waxaa shaaca u soo baxay gardarrada foosha-xun iyo Dulanka aan Geedna loogu soo gabanayn ee uu ku hayo Shacabweynaha Somliyeed ee Ogadenya.Isku soo aruuri, oo waxaan leeyahay, Halgankan wuu jiray , haddana wuu socdaa, marka kaalinta qof waliba waa loo baahanyahay, ayadoo si gaar ah aan cidna farta loogu fiiqin.

Abdi Madaale: Suaasha 2aad

2-Geeska Afrika Stratigiyadiisii dhabta ahayd mudo hore ayaa la khalday oo jidkeedii laga leexiyey,Waliba dhurbaaxada ugu weyni waxay ku dhacday Shacbigaaga Soomaaliyeed,waxaanay qaar badan oo Soomaalida Horay u socodka ahi sheegayaan in ilaa si dhab ah loo saxo khaladka lagu sameeyey Stratigiyada Geeska aan laga yaabin in meeshaas same ka dhaco.

Marka Sidee ayaa horta loo khalday Stratigiyada,Maxaase lagu sixi karaa?

Gen.Qaadi: 2- Khaladkaan Istiraatijyeed waxaa sameeyey Dowladaha Galbeedka, oo u galey tartan isticmaarsi Qaaradda Afrika iyo Asiya, kuma uuna koobneyn Geeska Africa oo kaliya ee waa mid ay ka galeen aduunweynaha badankii, waana mid ay u bareereen si ay isugu dir-diraan dadyowga wada dhashay iyo ummadaha deriska ah, xeeladdaa siyaaseedna waa u hirgashay, oo waataa uu shidanyahay maanta dabkii ay huriyeen dhowr qarni ka hor, marka waa sidaad u sheegtee dhibka ugu weyn ee gafka istcmaarka oo aan u saarayo Ingiriiska inuu ku sameeyey geeska Africa, wuxuu ku dhacay shacabka Ogadeenya, nasiibdarraduna waxay uga timid degaankooda oo marna barwaaqo ah, marka kalena xiga dhinaca xadka Somalia ay la kala leedahay Xabashida iyo Kenya. Waxaana lagu ansixiyey Shirkii Dowladaha isticmaarka ee Barlin 1884tii, ee loogu ogolaaday Boqorkii Xabashida Mililikha 2aad inuu goob j! oog ka ahaado, halkaasoo boroordiiq uu ka sameeyey si loogu ogolaado dhul-balaarsi, sidaana ayeey Xabashida ugu suragashay qabsashada Harar iyo ku sii fididda carriga Ogadeenya, waxaana markasta ka danbeeyey qabsashada Boqorrada Xabashida dhulalka dadyowga deriska la ah heshiisyo iyo ogalaansho ay ka helaan Ingiriiska.

Horta meeshaa ayeey ka khaldantay Istaraatiijiyada geeska Africa, waxaana lagu sixi karaa ayadoo dib loogu celiyo cid-waliba Xuquuqdeeda, Ingiriisku haddii uu rabo wuu bixin karaa Jasiiradihiisa, xaqse uma laha inuu bixiyo dhul dadyow kale, Xabashiduna xaq uma laha iney xoog ku haysato dhul ayna lahayn, haddaba taladu waxay u taallaa Shacabka Ogadenya, waxayna ila tahay inayna ku heli doonin xuquuqdooda si sahlan, Xabashi waxay ku haysataa dhulkeenna xoog, waxaana looga muquunin karaa xoog iyo qori caaraddii oo kaliya.

Abdi Madaale : Suaasha 3aad

3-Adigu ka Gen.Qaadi ahaan waxaad baratay Culuun badan oo mida Milatariga ah,iyadoo lagugu! tilmaamo in aad aad oogu xeel dheer tahay dhanka Stratigjyada,Waxaana aan muran ku jirin in meesha looga baahan yahay,Adiga ka Gen.Ahaan iyo Cilmigaagaba marka sidee ayey kula tatahay in aad kaalintaada ku qaadan karto?

Gen.Qaadi: 3- Cabdi Madaale, Adeer, adigoo aad u mahadsan, kaalintaydu maaha mid hadda billaabaneysa, ee waa mid ila soo fac jirsatay, Halgankaan dartiis waxaan u soo galay X.D.S.(Xooga Dalka Soomaaliyeed) Sanadkii 1963dii, anigoo kaga soo bilaabay Akadeemiyada Ciidanka ee Masaarida, (Waxay iga ahaydna inaan qoriga u qaato cadowga) ilaa waagaana hadba geed unbaan u soo galayey, waxaana aaminsanahay in ayna jirin cid iga xigta oon ka sugayo inay I dirto, kamana tanaasulayo ilaa aan ka arko dhulkayga oo Xoroobo, waxaana ugu adeegayaa wixii Ilaahay I siiyey oo awood ah, ha ahaato aqoon ama nafta qaaliga ah oon u huro.

Abdi Madaale : Suaasha 4aad?

Jwxo,waxay leedahay waxaan la´nahay dad sida adiga oo kale ah oo Kaalintoodii Halgameed Qaata amaba Nagala Wareega Halganka haddii ay yihiin kuwo Gudan kara Waajibkooda,Dhanka Kale Shacbi badan oo Ogaadeenya u dhashay waxay Jwxo,ku eedaynayaan in ay iyadu tahay mida ka hor taagan Khuburada iyo Aqoonyahanada Halganka.

Marka Gen.Qaadi,Maadaama aad adigu tahay Khabiir labadaba u dhuun duleela oon midna ka fogayn,bal haddii aad u Gar Qaado labada dhinac Maxaad xaaladaas dhex taala ku til maami lahayd?

Gen.Qaadi : 4- Halgankan waa muqaddas, waana ku waajib qof waliba oo garaad leh oo u dhashay Ogadeenya inuu Guto xilka uga abaaran Waddanka, waana ka ballaaran yahay wax la isku eedeeyo ama la isku halleeyo.Ugu horreyntii Xubnaha Jabhadda Jwxo, cidina kuma soo khasbin markii ay doorteen u adeega qadiyadda Gobonimadoonka Dalkooda iyo Dadkooda, sida aan filayo qof waliba wuxuu ku soo galay rabitaankiisa, abaalmarinteedana wuxuu ka helayaa Ilaahiisii abuurtay oo qudh ah. Hadii uu waddanku Xoroobo-inta uu noolyahay- wuxuu ku mudan! doonaa Aduunka magac, Sharaf, Mansab iyo Darajo, haddii tii Eebe ay ku timaado oo uu ku dhinto Halganka wuxuu noqondoonaa Mujaahid Muta Naxariista Eebe iyo Darajada ugu sarreysa ee Jannadiisa, magaciisuna taariikhda wuxuu uga Qormi doonaa baal Dahab ah.

Tan labaad kuwa ku eedeynaya in Jabhadda Jwxo, ay ka Hortaagan tahay khubarada iyo Aqoonyahanka Gudashada Waajibkooda Waddaninimo, aniga sidaa ilama aha, oo Saraakiisha Sar-sare, khubarada, Aqoonyahanka iyo Cid waliba oo waddanaka u dhalatay waajibku isku si ayuu u saaranyhay, waxaana ku boorinayaa dhammaantood ka wada qaybgalka Halganka, oo qof waliba si unbuu kaaalintiisa u gudan karaaye ee hadii uuna diyaar u aheyn inuu ku biiro Naftood hurayaasha ha ku kaalmeeyo wixii uu awoodo oo karaankiisa ah


Daljire Hassan
Radio Xoriyo,01 Aug,2030


raadioxoriyo@yahoo.com 
radioxoriyo@ogaden.com

Radio Xoriyo waxaad ka dhegaysan kartaa Mawjadda 19 MB ee dhererkeedu yahay 15670 KHZ, Maalmaha Talaadada iyo Jimcaha! 7: 30PM waqtiga Afrikada Bari


Copyright & Islaamku wuxuu ka qabo.... Akhri
 

 .... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com

Dhegeyso warkan oo Cod ah

 ...HALKAN KA BAAR WARARKII HORE EE XORIYO

....KAYDKA WARARKA RADIO XORIYO - NEWS ARCHIVE  

AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk  

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
xayaysiis

mahuraan 
MAHURAAN
: Waa buug dhowaan soo baxay GUJI...


XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


BILICDA SOMALIYA
Luuq Ganaane, 1987

wiil Waa wiil yar oo Somaliyed oo nayl yar dhabta kuwata xilli nabadana dhex jooga Bilicda dhulka Soomaaliya. Akhri



Copyright © somalitalk.com. All rights reserved.

HTML CD [an error occurred while processing this directive]