SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - FALANQAYN
 QAYBTII 2aad: XIDHIIDH CAYNKEEYAA U DHAXAYNJIRAY SSDF & SNM?

XagarYare

xagar91@hotmail.com 

SomaliTalk Germany

Januray 7, 2003

WAA INOO MARKALE IYO QORMADEENII AAN KU QAADAAADHIGAYNAY XIIDHIIDHKII KA DHEXEEYAY HOOYOOYINKII DHALAY SOMALILAND IYO PUNTLAN EE SSDF IYO SNM:

AKHRISTE WAXAA TAAS INOO XIGI DOONA HADII ALLAHA KOREEYAA EE CISIGIYO WANAAGALIHI SAAMAXO QORMO LAMAGACBAXDAY "MA OGAADEENIYADII BAY LA DHALIWAYDAY?":

HADH QABAW NINKII MOODAYOOW HANFIWEEYE KULAYLA:

Ku xiriirsan Qaybtii 1aad: 

ururkii SNM waxaa ay masuuliyiintii SSF u xaadheen wadadii halganka ay u mari lahaayee loona tilmaamay wadadii geedigoodu siimari lahaa halganka dhibka badan.markii layidhi waydinkaas waxaa SNM masaar dhuun gashay ku noqotay halkii ay wax kabilaabilahaayeen!!waxaa u muuqatay in ay yihiin "ninkii galay badwayn isagoon dabaal baran barriguna ka dheeryahay".runtii waxaa ka muuqatay isku kalsooni buuxda .waxaase hortaalay sidii ay uga dabaalan lahaayeen laba arimood bal intaanba laysla gaadhin dhankaas iyo xamar iyo aarka libaax ee dhex abraara maxamed siyaad bare(alle hawnaxariisto). (qoraalka oo dhamaystiranHoos Akhri

KAAH
Choose kaah for confidence, convenience & competitive, rapid, reliable & responsive

1-waa ta koobaade dalka ethiopia oo aysan wadaniga soomaaliyeed wax aqoona isu lahayn iyadoo qarnigii udanbeeyay colaad mooyee wanaag laysugu iman,oo ilmaha soomaaliyeed lagu anqariyo in xoolahana dhurwaaga laga soo hooyo caruurtana dhiigyacab axmaaraad. dhanka itoopiyana maahmaahda caruurta la xafidsiiyo tahay(YE SOMALEE TERET;IBAAB INAA AMAARAA BE MEJEMERAA AMAARAAW GIDHAL"YIBAALAAL KESAA BOHALAA IBAAB"):=SOMAALI WAXAY KU MAAHMAAHDAA MARKII AY KUU GUDBOONAADAAN MAS IYO AXMAAR MARKA HORE AXMAARKA DIL).taasoo ah akhriste arin itoopiya caan ka ah oo loogu baraarujinayo caruurta in aysan waligood soomaaliyi itoopiya naf u haynin.

ayaa waxaa masuuliyiinta SNM hortaalay in ay itoopiya tusaan in waxa ay meesha u yimaadeen kadaacadyihiin,kana maydhanyihiin colaadd itoobiyaan,si ay taas umuujiyaanna waa inay dardar cusub layimaadaan oo (waxaan maqlijiray sheeka caruureed wax aan u maleeyay oo odhanaysa waxaa jirijiray soomaalida gobolo markuu ninku rabo inuu guursado ay ku waajib tahay inuu xiniinyo nin uu soodilay keeno ama sadex libaax madaxood)ay markaasi saraakiisha woqooyi dhiigbadan soomaali ka soo qulquliyaan,tusaanna inaanu dabka soogaadha xagooda kolaba danqaynin.

2-dhanka kale waxay ku kalsoonaayeen in ay taas xaqiijin karaan itoopiyana si fudud u qancin karaan iyagoo arkaya in shuruuda lagu xidhay ayba ahayd tay meesha u yimaadeen,balse waxaa ugu kululayd ugu muuqatayna ayaan daro lagama gudbaana,meesha lagayiri waxaad hoos i,amaysaan SSF.cudurkaas iyakaa isgaliyay runtii.

dhibka SNM haystay wuxuu ahaa, waxaa ay istuseen in dadkooda ay ku habsatay ayaan daro kaga timid DAAROOD oo ay halkan uyimaadeen sidii ay uga samatabixin lahaayeen ayaan darada DAAROOD dadkooda baday, taasina waxaa ay ku noqotay kud ka guur oo qanjo uguur kadib markii kooxdan layiri waa inay damiin idinka noqdaan u,arkeen iyana DAAROOD, arintaas waxaa u yara fududeeyay markii lagabadalay magicii ssf oo la noqday SSDF ayaa iyakiina loosheegay talaabada ugu horaysa in si aad u dhiirataan noqonayso dhanka warfaafinta oo aad nalayeelan doontaan idaacda, waxaa laga badalay magicii idaacadda oo ahaa ""idaacadda wareegta ee codka jabhadda badbaadinta soomaaliyeed/RADIO KULMIS/waxaana lagu badalay "idaacada wareegta ee codka midaysan ee xoogagga mucaaradka soomaaliyeed ee//RADIO HALGAN//: si aysan isuwaydiin meeshii ay ka helilahayeen wariyayaal aan fadhiga ku qayilin oo wareegga ku qayila si ay ula wareegaalaysataan idaacaddan wareegaysa ee uu raggan ay u arkeen daaroodku layimid ayaa warbixin laga siiyay idaacadda "idaacaddu waxaa ay ku taallay magaalada ADDIS-ABEBA waxayna ahayd idaacad maamulkii shuuciga ahaa ee mengistu hailu mariam ka qaaday kooxdiinta kiristaanka faafinjirtay(THE GOSBEL MISSIONERIS):DABAQA KORE WAXAA UU XAFIIS U AHAA WASIIRKII NABAD SUGIDDA itoopiya, HOOSNNA WAXAA AY AHAYD IDAACADDA: niyadii way u degtay walise madmadawgii kama bixin.

waxaase arintaas iskeed usoo afjartay kadib markii ay SSDF laf ahaanteedii madaxa islagashay, saraakiil badanna iskaxidh xidhay iyadoo qaarra xabsiyada ku dhinteen,waxaa ay ssdf ka nixisay itoopiya, SNM na iyaddoo fursadaas ka faaiidaysanaysa waxay xoojisay halgankeedii ahaa jabinta soomaalida iyo kasbashada itoopiya. mudddo kadib waxaa ay labadii jabhadood noqdeen labaquwadood oo xag walba u siman waxaa SNM taas u sii suurta galiyay qawmiyadda ISAAQA oo 80% aaminsanaa fikirka ku salaysan (daarood iska dulqaad) taasoo ay gacan buuxda ku siiyeen halgankasi. waxaa ay labadii xoog ee SSDF iyo SNM noqdeen kuwo u tartama xoogga iyo kasbashada soomaalida kale, waxaa kusoobiiray dagaalka qowmiyadaha soomaalida koonfur qaarkood sida beesha hawiye, oo raggii ugu horeeyay uu kamid ahaa C/salaan Cismaan Diini(GOR-GOR)IYO sheekh YAROOW. islamarkiiba SNM waxaa ay arintaasi u saartay gudi deg deg ah oo soo kasbada raggaasi,waxaa gudigaasi maamulkiisa sare ka mid ahaa abwaanka wayn ee soomaaliga ahaa Maxamed Ibraahim Warsame (HADRAAWI). 

Waxaa cabdulaahi yuusuf (ssdf)amakaag ku noqotay in raggi uu woqooyi ku ogaa ayba koonfur fog shir ku qabanayaan ay doonayaan in ay beelo ku kasbadaan. shirkaasi waxaa uu ka dhacay magaala yar oo layiraa SUUFTU ee dhanka ethiopia oo ku aadan deegaanka buulo xaawo, waxaa lasheegay in ay markaas raggii soogalay iyo SNM isku AFGARTEEN in ay yihiin gaashaanbuur lagu magacaabo (IRIR) iskuna cadaw yihiin. maadaama SSDF iyo SNM labadaba soomaalida kale u arkaysay in ay midina ka socoto MAJEERTEEN midina ISAAQ ay u xayd xayteen in ay siyaasadoodaasi qaawan dhar u galiyaan kasbadaanna beelo kabaxsan kuwooda. Waxaa taas ku guulaystay SNM markii hore,waxaa ay dhowrsano ku kasbadeen in ay isu keenaan ciidamo gaadhaya illaa kun nin oo GAAHSSNBUURTII IRIR, waxaa madaxweyne ku xigeenka SNM laga dhigay CALI WARDHIIGLAY,nasiib xumo waxaa ay taasi soo afjarantay kadib markii ay madaxa isku dhufteen gudoomiyihii SNM mudane SIILAANYO iyo ku xigeenkiisii WARDHIIGLAY, waxaa uu wardhiiglay ku eedeeyay in dhaqaalaha jabhadda isaaq kali ahi isku koobo iyadoo dhaawaca hawiye aan wax daryeel ah loofidin, meesh dhaawaca isaaq dibadda laga geeyo, mr siilaanyo ayaa waxaa laga wariyay in uu cali wardhiiglay u sheegay in tolkiis dhaqaale halganka ku soodaro, cali wardhiiglay(alle hawnaxariisto) isagoo taas ka jawaabaya awaxaa uu ku soowareegay dalalka carabta,yurub iyo ameerika.arin xiisa leh waxaa noqotay in kadib markii uu yimid uun uu u sheegay siilaanyo in aanu hantida uu soohelay ku wareejinaynin qasnada dhexe ee uu hawiye gaar u leeyahay,markaas iyada ah waxaa uu siilaanyo u siijeeday dalka ingiriiska oo jawaab kamuu bixinin.dhowr todobaad kadib waxaa magaalada diri dhabo lagu qabtay kalfadhigii guud ee golaha dhexe ee SNM, waxaa waji gabax ku dhalisay mudane CALI WARDHIIGLAY markii uu shirka albaabka kasoogalay ee ay indhihiisu qabteen MUDANE IBRAAHIN MAYGAAG SAMATAR oo shirka gudoominaaya, af-labadiis ayuu dhawaaqay isgoo leh meesha uu gudoomiye siilaanyo ka maqanyahay sharciyan anaa ka diiq ah, wuxuuna ugu daray inuu raqabada shaadhka sooqabto mr maygaag oo uu feedh kaladaalo, islamaalintaas ayaa lagu kalayaacay SNM.

SSDF ayaa u xusullo duubatay sidii ay SNM ta tusbaxa go,ay noqotay uga biliiiliqaysanlahayd siyaasiyiinta iyo ciidamada ka sooburqaday, markaasi waxaa ay ku beegnayd xadhiigii ay itoopiya xidhay COL:CABDULAAHI YUUSUF,waxaana madaxwayne ka ahaa SSDF DR xassan cali mire. mr SIILAANYO gudoomiyihii SNM wuxuu si deg deg ah u soo afjaray socdaalkiisii dalka INGIRIISKA kuna soo labtay addis-abeba. waxaa idaacadda iigu yimid wasiirkii warfaafinta ee SSDF mudane MAXAMED ISMAACIIL (BARI-BARI) oo igu amray inaan idaacadda kasii daayo in ay jabhadda SSDF ku soobiireen sagaal siyaasi oo kasoo goostay SNM ayna kala hogaaminaayaan CALI COSOBLE WARDHIIGLAY iyo CABDISALAAN CUSMAAN DIINI GOR GOR uuna kamidyahay taliyihii ciidamada koonfur SHEEKH YAROOW,kadib markii aan duubay warkaasi intii aanu hawada kabixin waxaa iigu yimid studioga wakiilka idaacada dhanka SNM CABDIRASHIID GADHWEYNE oo ii sheegay in aanan siidaynkarin warkaasi,waanse ku gacansaydhay,balse waxaa saacad kadib soo galay idaacaadda mudane AXMAD SIILAANYO,halkaasoo la iigu gacan qaaday dhowr feedhnna la i cantuugsiiyay, markii woxogaa la iyarehe jilciyay ayaan ciidamadii amaanka itoobiyaanka usheegay in xubno katirsan idaacada banaanka looga saaro, hayeeshee mr AXMAD SIILAANYO wuxuu lakulmay wasiirkii nabadsugida itoopiyaanka oo isagu qaabilsanaa dhamaan jabhadaha dalka jooga, waxaana la,igu soo amray inaanan siidaynin warkaasi, kadib markii ay isku afgarteen madaxdii SSDF,SNM iyo tii ETHIOPIA. markaas siilaanyo wuxuu ku doodaayay hadii idaacadda laga sheego waa marka koobaade dhamaan ciidamada jiidda hore ee raggan soo goostay taageersanaa ayaa la goosanaya hubkii ay lahayd SNM ulana galaya SSDF.waa tan labaad ee ugu darane waxaa qaawismaya siyaasadaydii oo isugu soo biyo dhuranaysa inaan reer meel taagan noqonaayo.

waxaa kala jabkii gaashaanbuurtii IRIR sii xoojiyay dilkii loo gaystay ninkii ku wareejiyay jagada madaxweyne nimada ururka SNM mudane AXMAD SIILAANYO oo ahaa COL:CABDULQAADIR KOOSAAR,waxaa uu kornaylku markaasi meelkamida gobolada koonfureed aagga dooloow kula shiraayay odayaal kasoo jeeda beelaha hawiye oo uu doonaayay inuu ku qanciyo inaan bahweynta lakala fur furin maadamaamo guushii albaabka taagantahay.waxaa dilka masuulkaasi sare ay ilaa haatan SNM u aanaysaa CALI WARDHIIGLAY iyo MAXAMED FAARAX oo ahaa wasiir sare. dilkaasi kadib waxaa uu siilaanyo qabanqaabiyay in laga mamnuuco caliwardhiiglay iyo masuuliyiintii lasocotayba in aysan dalka dibadda uga bixin. hayeeshee waxaa taas beeniyay gudoomiyihii SSDF Dr xassan Cali Mire, cali wardhiiglay iyo NIN soomaaliya mar wasiirka warfaafinta uga ahaanjiray siyaaad bare ka hor marna ahaa dibutaati oo layiraa CALI HAGARREEY ayaa isla sadex todobaad kadib dilkii koosaar dalka dibada uga baxay. iyadoo ay arintaas usuurta galisay SSDF.

arini waxaa ay aan ku jiido iyo ijiid ahaataba qowmiyaddii hawiye waxaa ay dalbadeen in uu yimaaddo general MAXAMED FAARAX CAYDIID(alle hawnaxariisto) halkaasoo ay ku dhisteen xoog kamadaxbanaan SSDF IYO SNM.

akhriste haatan wali waxaad mooddaa in aysan kadhamaanin biyihii ay hoosteeda iska soo haraatiyeen labadan xisbi oo haatan dawlado isu noqday taasoo laga yaabo hadii ay isku dhacaan ama ay fool ka fool dagaal isugu qaadaan aad loogu hoobto, maadaama labaduba leeyihiin haatan awood dawliya oo waxyeelo tankale u gaysankarta.

waxaase kali ah oo lagudboon maadaamo labadooda shacbi ee ay hogaaminayaan labadaba ay soo galiyeen dagaallo sanada dheer socday ay haatan cagta u dhigaan dajiyaanna xaaladda oo aysan lamid noqonin kooxahan haatan dagaalku u cusubyahay walaaleeyaana shucuubtooda mar hadii ay natiijadii halgankooda labaduba gaadheen.

 

I  I  D  H  E  H

xagar91@hotmail.com 

January 7, 2003 

Qaybtii 1aad ee Qormadan --- GUJI: 


XAGAR YARE WAA WARIYIHII; RADIO MUQDISHO 1984-86 IYO RADIO HALGAN (radio kulmis)1986-88 IYO RADIO HARGAYSA 1988-1991, waxaana uu hadda kusuganyahay dalka Jarmalka.

 ELDORET: Taxanaha Wararka   

com

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
Eldoret waa caynkee
ELdoret- Bishan
Eldoret-Nov 2002
Eldoret-Oct 2002
MACHADKA BEDER

Copyright © somalitalk.com. All rights reserved.

HTML CD