|
Qaadka
oo Kusoo Qulqulaya Ameerika
|
Soomaalida UK oo ku Baaqay in
La
Mamnuuco Qaadka
GUJI....
|
" qaadka (Jaad) oo ah
caleenta eey calaliyaan mooryaanta soomaliyeed ee ku jiray filinkii (Black
Hawk Down) ayaa mar mar soo gaaraya magaalada chicago" sidan waxaa qortay
jariidada Suntimes ee ka soo baxda magaalada chicago.
caleentan cagaaran ee misana
jilicsan ayaa ah mid si sharci ah looga daaqo wadamada bariga africa, carabaha
qaarkood & yurub, laakin mareykanka wexeey ula mid tahay daroogooyinka
waaweyn ee Heroin-ka & Marijuana-ha.
gacan-ku dhigista eey baleysku
qabanayaan ayaa sii badanaya marka la eego sanadkii 1996 oo la qabtay 17
Metric-Tons, halka sanadkii ina dhaafay ee 2001 la qabtay wax u dhigma 37 Tons !
Magaalda chicago kaliya -oo ah
meesha ugu horeysa ee laga soo dajiyo qaadka- ayaa 49 goor la qabtay Qaad laga
soo dajinayo Airport-ka caalamiga ah ee O'Hare tan & bishii ocotober ee ina
dhaaftay, halkaas oo miisaanka ugu yar ee la qabtay uu gaarayey ilaa 26 Pound
kan ugu badana ahaa 253 pound.
qaad-walaayaasha oo suuqooda
ugu weyni yahay gobolkan Minnesota ayaa aad u isticmaala gegida mashquulka ah ee
O'Hare, iyagoo dabadeedna gawaari uga soo qaada magaaladas, ama misana diyuurad
kale ka soo saara isla chicago oo ka soo dajiya gegida Minneapolis, Qaad-ka
intiisii ugu badneyd ee lagu qabtay chicago ayaa ka yimaada Magaalada London ee
wadan Ingiriiska oo qaadku sharci ka yahay, isla markaana si aan kala go'olaheyn
uga soo gaaraa iyana wadanka Kenya intiisa badan.
Police-ka magaalada chicago
& shirkadaha alaabaha qaada oo bilaabay isla shaqeyn ku saabsan baarista
qaadka ayaa howl-galkoodii ugu danbeeyey ahaa arbacadii ina dhaaftay oo eey
qabteen laba baakadood oo qaad la ceegaago oo laga soo diray magaalada Lodon,
kuna socda cinwaan xaafad eey qoxootiga geeska africada bari & carabtu ku
badan yihiin oo ku taala chicago oo qaxootigu ku sugaan caleemaha cagaaran.
labadan baakadood ayaa waxuu
miisaankoodu ahaa 168 Pound, laguna soo laalaabay caleenta mooska, waxaana lagu
qiimeeyey 7,400$ taas oo macneheedu yahay in halkii garaam ee qaad ah la iibiyo
0.35 cents $ halka mirijuanada halkeeda garaam la iibiyo 6$ !
Police-ka aya aaminsan inaan
qaadka lagu iibin wadooyinka sida daroogooyinka kale - balse anigu waan ku
khilaafsanahay oo waxaan ku arkay iyadoo lagu iibinayo suuqyada &
makhaayadaha soomaalida irdohooda ee ku yaal koonforta minneapolis- wexeeyna
aamin sanyihiin in dadka cunaa eey u badan yihiin soomali, Itoobiyaan, Kenyati
& Yemen !
qaadka ayaa soomalida ku nool
soomaliya cunaan xilliga duhurada oo eey barya-qaadaan tan & inta eey
jiif-tagaan, ha yeeshee kuwa ku nool galbeedka ayaa iyana ku kala duwan, tusaale
ahaan magaalada London ayaa laga cunaa qaadka 24-ka saac maalintii, mana kala
lahan maalin fasax ah & maalin aan fasax aheyn, ileeyn dadka cunaa intooda
badani taageerada dowlada ee ceyrta loo yaqaan ayaa fasax abadi ah siisaye,
laakiin magaaladan Minneapolis ayaa iyada inta badan la daaqaa caleemahan
dhamaadka todobaadka shaqada oo ah sabtida ama axadda.
dhex-dhexaad marduufka qaadka
ah sida uu ii sheegay qaad wale aan caawa taleefonka ku wareeystay wuxuu joogaa
40-50 $ marka uu si nabad ah ku soo gaaro magalaada, ha yeeshee mar mar dhowr
kartoon oo kaliya soo fakadaan ayuu qiimaha qaadku isku shareeraa ilaa 100$
kiiladiiba !
dhaqaatiirta mareykanka ah ayaa
aaminsan in qaadku leeyahay unugyo maandooriye ah oo wax yar ka tabar yar
marijuana-da, ha yeeshee dadka cunaa intooda badan ayaa taa ka soo horjeeda, si
kastaba ha ahaatee dhowr dhalinyaro ah oo aan arrintan weydiiyey -qaadkana cuna-
ayaa ii sheegay in Qaadku maandooriye yahay oo qofka cunaa "Qushuucayo"
waa sida eey warka u dhigeene, waxaaba intaas sii dheer ereyga loo isticmaalo
qaad-cunka oo ah " Marqaamid" ayaa ka turjumaya qof aan ku jirin
xaaladiisa caadiga ah !
Nasiib xumo dumarka
soomaaliyeed ayaa la sheegay ineey ku soo badanayaan qaad-cunidda, gaar ahaan
wadamada galbeedka, iyadoo eey saas tahay ayaa bilowgii sanadkan dhowr soomali
ah loogu soo galay guri lagu iibiyo laguna cuno qaadka oo ku yaal Minneapolis,
isla markaana xabsiga loo taxaabay wixii meesha ku jiray, iyadoo sida uu ii
sheegay mid ka mid ah qoladii la xiray -oo aan ii oggolaan inaan magiciisa
faafiyo- magacyadooda lagu dhajiyey ineey marqaamayaal waaweyn yihiin sidaas
owgeedna shaqooyin badan ku seegeen, waxaase iiga sii yaab badneyd markii uu ii
sheegay ineey gabdho soomaaliyeed kula jireen marqaanka !
Arrinta sheegida mudan ayaa ah
in dhowr million oo doolar eey sanadkiiba ku bixiyaan soomalida ku nool somaliya
soo iibsashada qaadka oo ah lacag aanan faa'iido danbe laga sugeyn oo aan soo
noqosho laheyn, iyadoo qaar ka mid ah hogaamiye kooxeedyaduna tashiilaad u
sameeyaan oo airport-kooda ka soo dajiyaan ama eeyba leeyihiin shirkdaha &
dayuuradaha keena qaadka soomalia.
C/raxman Ceynte
MPLS, MN
ceynteyare@hotmail.com
FAAFIN: SOMALITALK.COM |
Agoosto 27, 2002
WARARKII HORE EE QAADKA IYO QURBAHA
Soomaalida UK oo ku Baaqay in la mamanuuco
Qaadka GUJI....
Soomaaliyeey Qaadku Waa Daroogo Halkan - Ameerika
Inyar in kabadan kun (1,000) rag ah oo kamida sagaalka kun (9,000) ee Soomaalida ah ee kunool Atlanta waxay cunaan qaadka, sidaas waxaa shalay (Nov 28) qoray wargeyska accessatlanta.
Warkan.oo.dhan [November 29, 2001]
Qaadka iyo U.K.: Warbixintii Ibraahim Saalax
Dalka England ma ahan sida dalalka Iskandineefiyanka iyo dalka Jarmalka oo kale oo iyagu ka mamnuuc ah qaadka, waxaa dalka England si joogto u yimaada qaadka ka yimaada dalka Kenya. Waxaa dhacda iyadoo uu qofka shaqeenaya oo xagga hoose ku sito laamo qaad ah. Tusaale ahaan mar aan booqday daarta Bush House ee ku taalla idaacadda BBC-da laanta qabyta af soomaaliga ayaa waxaan ku arkay qaar ka mid ah shaqaalihii BBC-da ee soomaalida oo laamo qaad ah ku cunayay xafiiska. Waxaan is iri, warku maba sheegaan haddaan la ruugin bahalkaas laayay kumanaan kun oo soomaaliyeed.
Warkan.oo.dhan [August 4, 2001]
Keenee Khatar Badan??? - AK & Qaad
Magaceygu waa qaad,
Geed qaraar ayaan ahay,
Qasaaro iyo dhib baan ahay,
Ruux kastaa i qaatee,
Qoryaheyga feentaa,
Hurdadaan ka qadaa
Gabayga.oo.dhan [October 18, 2000]
Socdaalkii Dheeraa ee Shiike - Jabuuti
waxaan magalada ka dareemay inay tahay Magaalo habaynkii oo idil laga soojeedo, waxaa jira maqaayado iska furan oo Cabitaan, waxa jira goobo ay dad ku qayilayaan.
Warka.oo.dhan [April 26, 2001]
Nin Soomaali ah oo Lagu Xiray Maraykanka isagoo Wata Jaad (Khat)
Tarjumadii: SomaliTalk.com | Qoramadii: record-eagle.com
"Booliska magaalada Traverse City oo ay lajiraan FBI ayaa garoonka "Cherry Capital Airport" kasoo xiran nin soomaali ah maalintii Jimcada isagoo wata wax loo malaynayo 150 rodol oo Jaad ah (khat)" sidaas waxaan kasoo xiganey wargeyska lagu magcaabo record-eagle.com oo kasoo baxa magaalada "Traverse City, MI" [Hoos Akhri]
Warkan.oo.Dhan [2001-9-19]
Nin Lagusoo eedeeyey in uu Laaluush Siinayey Qof Katirsdan Laanta Cashuurqaadida Maraykanka si uu Qaad usoogeliyo
Tarjumadii SomaliTalk.com | July 18, 2001
Minneapolis, Minnesota - War aan kasoo xiganey wargeyska StarTribune oo kasoobaxa magaalada Minneapolis waxa uu sheegayaa in shalay (Talaada July 17) sharciga lagusoo oogey Abdulkadir H. Osman oo 38 jir ah deggana magaalada Bloomington ee gobolka Minnesota.
Warkan.oo.dhan
Toronto oo lagu qabtay Khat
SU'AALO CILMIYEED: GUJI...
WARARKA KALE
AGOOSTO | WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
.
| 
