Waxaan aad iyo aad ula yaabay markaan arkay maqaalka (Ururrada Soomaalida Borlänge oo midoobey 17/8. Iyadoo aysan jirin ururo soomaaliyeed oo
Borlänge ku midoobay. Waxaase taas iigaba sii yaab badan in Abdixakiim Guled oo
ah ninka maqaalka qoray uu xaalladda Borlänge aad ula socdo, sheegayna in ay
ururo soomaaliyeed ku midoobeen Borlänge.
Haddaba waxaan Soomaalida oo dhan iyo ciddii xiisaysa arrimaha soo maaliyeed
u sheegayaa inaysan jrin ururosoomaaliyeed oo ku midoobay Borlänge. Saaxiibkay
Guuled oo ah dadka aannu isugu dhownahay marka dhan kastaa laga eego, isaga ayaa
laga rabaa goorta ay ururada soomaaliyeed ku midoobeen Borlänge. Markaan sidaas
leeyahay maahan inan diidanahay midoowga laakiin ma uusan jirin wax midoobay ama
diiday in la midoobo. Haddii ay jiraan ururo Soomaaliyeed oo midoobayna, waa mid
aan soo dhowaynayo.
Anigu waxaan ahaa xoghayaha guddi ay ururo soomaaliyeed sameeyeen, mana ogi
meel lagu midoobay. Waxaase jirta in guddi loo sameeyay kulan dhex marayay
Soomaalida Borlänge iyo xisbiga shaqaalaha (Socialdemokraterna) ee degmada
Borlänge. Xisbigaas oo ah kan Waddanka Sweden iyo Borlänga-ba xukuma.
Ujeedada shirkuna waxay ahayd: Maaddaama oo ay soo dhowaatay doorashadii
Sweden, haddii aannu codka idin siinno annaga oo soomaalida deggan Borlänge ah,
maxaad na siinaysaan ama aad noo qabanaysaan markaad xukunka ku guulaysataan?.
Guddiga la sameeyayna wuxuu ahaa mid ka kooban lix urur oo ay Soomaalidu
leedahay. Ujeedada loo sameeyayna waxay hayd inay soo qaban qaabiyaan kulanka
Soomaalida iyo xisbiga shaqaalaha Demoqraadiga Borlänge(Socialdemokraterna).
Waxaana soo wada saarnay bayaan qoraal ah oo afka soomaaliga iyo Iswiidhishkaba
ahaa. Mana jirin wax midoow la yiraahdo.
Tan kale ee uu Guled ku sheegay in ay ururadu ahaayeen 8 oo markaas uu hal
urur diiday midoowgii, iyaduna waa khalad. Sababtoo ah ururadu waa 7 urur oo
qura, ururka naga harayna kama uusan harin midoow soomaaliyeed annaguna uma
aanan soo bandhigin midoow soomaaliyed ee waxaannu u soo bandhignay inuu
bayaanka nala soo saaro oo martiqaadka nalada qabanqaabiyo oo qura. Deedna waxay
noogu jawaabeen inay iyagu si gaara u marti qaadii doonaan Xisbiga shaqaalaha,
hadda ka horna ay martiqaadeen warqadana is weydaarsadeen. Taas uunbayna ahayd
midda ay nooga hareen. Ee midoow iyo midoow la’aan mayasn jirin.
Dadka qaar ayaa u malyn doona inaan weerar ku qaaday saaxiibkaygii koowaad ee
Borlänge. Laakiin anigu wax weerar ah kuma aanan qaadin shaqsiyaddiisa ee
waxaan weerar ku qaaday maqaalkiisii. Waxaanan door mooday intii aan afka ku
radin lahaan inaan saxaafadda ku raddiyo. Sababtoo ah maqaalkiisii caalamka oo
dhan ayuu gaaray, haddii aan aniguna isaga oo qura kala hadlo maqaalakygu wuxuu
ku ekaanayaa isaga oo qura iyo inta Borlänge joogta. Sidaas ayaan u doorbiday
inay jawaabtaydu kula beratanto ama ka dabatagto qoraalkii Guled uu
Somaliatalk.com ku baahiyay, caalmka oo dhanna laga akhristay.
Mohamed-Deeq Abdi-madar "Haldhaa" | haldhaa35@hotmail.com
Qoraa iyo saxafi soomaaliyeed
Borlänge, Sweden.
Agoosto 21, 2002
SIDAY
U GEESO WEYNTAHAY UMA BADISO!!!
March 12, 2001 "Haldhaa"
QORAALKA QORAAGANI U JAWAABAY:
Ururrada Soomaalida
Borlänge oo midoobey
Waxay in muddo ahba ku
howlanaayeen bulshada Soomaaliyeed ee Degmada Borlänge sidii ay GUJI... 17/8
