Ismaaciil C Gelle

Tarjumadii: C/raxman Ceynte | Jan 10, 2003

Maanta oo eey Bisha January 10 tahay ayeey 181 kun oo reer Djibouti ah oo isu sajilay ineey codbixiyaan u dareeri doonaan xarumaha codbixinta waddankaas, iyadoo afar bilood oo kaliya eey ka soo wareegatay markii waddanka Djibouti si rasmi ah looga dhawaaqay ineey axzaab fara badani jiri doonaan.

Codbixiyayaashan ayaa dooran doona 65 mudane oo ku jira Baarlamanka waddanka Djibouti, iyadoo doorashooyinkii kal hore December 1997 eey ku guuleysteen isbeheysiga imminka talada hayya, taas oo ka dhiganta ineey mucaaradku wax ileys ah ku laheyn aqalka looga arrimiyo waddankaas.

  (qoraalka oo dhan

Waddanka Djibouti ayaa ku jiray 10 sano oo loogu magac daray " xilliga kala guurka" oo lagu xadidayey tirada axzaabta, ugu danbeynna lagu soo koobay affar oo kaliya, inkastoo shan xizbi aasaasmeen tan & markii lagu dhawaaqay in xilligi kala guur ah lagali doono.

Djibouti ayaa tan iyo markii eey xornimadeeda ka dhifsatay France 1977 ilaa iyo 1992 ku nooleyd nidaamka halka xizbi, iyadoo sideeda xizbi ee kale ee la aqoonsadayna u bareereen ineey laba isbeheysi noqdaan.

Isbeheysiga uu ka socdo Ismaaciil Cumar Gelle ayaa taageeray barnaamijka madaxweyne Gelle, oo ka soo jeeda Qabiilka Ciisaha, lana doortay 1999 ka gadaal markuu 22 sano ahaa waziirka koobaad, xilligii uu waddanka taladiisa hayey ' aabihii xornimada " Mr Xasan Guled Abtidon.

Isbeheysiga Mucaaradka ee uu hormuudka ka yahay Axmed Diini oo ahaan jiray Ra'iisal wasaare hore oo fallaagoobay ayaa ololohooga siyaasadeed waxaa kamid ah in la dhimo awooda iyo fulinta ragga ku jira xizbiga talada haya.

Mr Diini oo ah siyaasi dhashay 1932 ayaa doonaya inuu " si xoog leh " ugu soo laabto saaxada siyaasadeed, isla markaana waddankiisa " si barax tiran" ugu adeego, wuxuuna ka soo jeedaa Qabiilka Canfarta.

Djibouti dadkeegu waa 600.000 oo kaliya, waxaana doorashooyinkan loo kala qeybiyey shan qeybood, iyadoo loo oggolaaday qof walibaayi inuu si xor ah meel walba ololihiisa siyaasadeed ka fushado, isla markaana warbaahinta ayaa si xor ah loogu oggolaaday inuu qof walbaayi borobagaandadiisa ka sii deysto.

Waxaa soo Turjumay

C/raxman Ceynte

St Paul, MN

ISHA: http://www.aljazeera.net/news/arabic/2003/1/1-10-3.htm

January 10, 2003 

FAALADII AL-HASSANI: ARIMAHA QOYSKA
Dumarka oo ka soo taagan guurka faraha badan! GUJI.. 2/1/3  

com