|
Dowlada ayaa horay u siin jirtay dadka magangelyo doonka ah meeshey doonaan
ha iska dhiibeene kaalmo isugu jirta degaan iyo cuno. Sidoo kale dadka iska
dhiiba garoomada diyaaradaha iwm balse inta lagu tuhmo iney been sheegayaan ayaa
iyaguna waayi doona kaalmada dowlada.
Dadka iska dhiiba goobaha ay kasoo galeen wadanka ayey dowladu cadeysan iney
sidii caadiga aheydba heli doonaan degaan iyo cuno inta go'aan laga gaarayo
codsigooda. Iyadoo sharcigan uu sidoo kale dhigayo in dadka ku guuldareysta
codsigooda isla markaana transit ku soo noqday wadan sadexaad dib loogu celin
doono wadankaas uu transitka ku soo noqday.
Kooxaha u dooda xuquuqda qaxootiga ayaa cambaareeyey sharcigan cusub kuna
tilmaamay mid waali ah isla markaana walaac abuuraya.
ururo isu tegey una dooda daryeelka dadka soo hijrooday (The Joint Council for
the Welfare of Immigrants) ayaa muujiyey iney dacwad u gudbin doonaan maxkamada
ugu sareysa wadanka iyagoo sheegay in sharcigan xadgudub ku yahay xuquuqda
aadmiga.
Dad badan oo u ololeeya xuquuqda qaxootiga ayaa maalintii ay bishan January
aheyd 8 oo uu sharcigan dhaqan galayey mudaaharaadyo ka dhigay xarunta
wasaarada arimaha gudaha ee wadankan iyagoo halkaa ku kariyey maraq digaag si
ay u muujinayeen gaajada uu sharcigan cusub ku keeni doono dadka.
Wasiirka arimaha gudaha ee wadankan marwada lagu magacaabo Beverley Hughes ayaa
sheegtay in sharcigan cusub yahay isbedel muhiim ah oo lagu sameeyey xeerka
magangelyo doonka.
"Sharcigan waa mid sahal ah cadaalad ku dhisan, siinayana kaalmo dadka u baahan
xaqana u leh. Marna ma siineyno kaalmo kuwa sharci darada ku jooga wadankan kuna
shaqeysta sharci darada xaqna aan u laheyn joogitaanka wadankan" sidaa waxaa
yiri wasiirka arimaha gudaha ee wadankan marwada lagu magacaabo Beverley Hughes.
Sharcigan cusub ayaa ah talaabo ay dowladu dooneyso iney ku yareyso dadka sida
sharci darada ku soo gala wadankan. Bilihii lasoo dhaafay ayaa waxaa jiray doodo
ku saabsan qaabka ay dowladu ula dhaqanto dadka magangelyo doonka ah kaasoo ay
mudanayaal badan oo ku jira aqalka Baarlamaanka ku tilmaameen inuu yahay mid aad
u jilicsan soona jiidanaya qaxooti fara badan. Waxaana fikradaas ayiday ninka
ugu sareeya hay'ada qaxootiga ee qaramada midoobay (UNHCR) kaasoo bilowgii
usbuucan idaacada BBC-da u sheegay in wadankan Britain uu qaatay tiro qaxooti
ah oo ka badan intii uu xaqa u lahaa, isagoo intaa raaciyey in dowladaha kale ee
dhaqaalaha leh ay qeyb ka qaataan qaxootigan ku soo qulqulaya wadankan Britain.
Baaritaan ay soo saarteen hay'adaha qaxootiga ayaa muujiyey in qaxootigii ugu
badnaa ee sanadkii 2002 ay soo galeen wadankan Britain, halka ay ku soo xigeen
wadamada Jarmalka iyo Mareykanka.
Dadka magangelyada weydiista wadankan ayaa sanadba sanadka ka dambeeya sii
kordheysay laga soo bilaabo sanadkii 1982-dii.
Waa kuwan tobankii Jinsiyadood ee ugu tirada badnaa dadkii soo galay labaankii
sano ee lasoo dhaafay:
1982
Poland 494
Ghana 407
Iraq 271
Ethiopia 90
Uganda 66
Pakistan 63
Czechoslovakia 55
Libya 48
Hungry 44
Turkey 38
1992
FR Yuguslavia 5635
Sri Lanka 2085
Turkey 1865
Pakistan 1700
Ghana 1600
Somalia 1575
India 1450
Ethiopia 880
Zaire 880
Iraq 700
2002
Iraq 4300
Zimbabwe 2105
Somalia 2095
Afghanistan 1555
China 955
Iran 725
Turkey 700
FR Yugoslavia 635
Czech Rep. 620
Sri Lanka 615
Waxaad shaxdan ka arkeysaa in Tobankii sano ee lasoo dhaafay ay Soomaalidu ku
jireen tobanka jinsiyadood ee ugu sareeya dadkii soo galay wadankan.
Mohamud Yusuf Garre
yusuf22@lycos.com
London, UK
January 13, 2003
MAQAAL: SIYAAD
BARRE DADKIISII WAA DABA SOCDAA, WELI MA DHIMAN!!! [WQ.
Mohamud Yusuf Garre] 7/1/3 QORAALADII
HORE EE MAXAMUUD Y. GARRE:
AKHRI
HALKAN iyo HALKAN
FAALADII AL-HASSANI: ARIMAHA
QOYSKA
Dumarka oo ka soo taagan guurka
faraha badan! GUJI..
2/1/3
Afeef: Aragtida qoraalkan waxaa leh
qoraaga ku saxiixan.
com
| 
