WARARKA IQRA FM - NAIROBI

Sawirka oo Weyn IQRA FM Laanta Soomaaliga  Ridwan Xaaji Cabdiwali   iqrafm@bidii.com | ridwanhaji@journalist.com Nairobi, Kenya | Jan 24, 2003

95.1 IQRA F.M

Maanta oo Jimca ah

mas'uul sare oo ka tirsan qaybta warfaafinta ee wasaaradda arimaha dibadda ayaa beeniyay warar sheegaya in dib loo dhigi doono shirka nabadaynta soomaaliyeed isagoo iigu waramayay khadka taleefanka.

waxaa intaasi uu ku daray in ay tahay hadal ay soomaalida dhexdeeda isla dhexmarayaan shirkana lasii wadayo si nabad looga dhaliyo soomaaliya oo gobolka uu unoqdo mid iskaashi soomaaliya lasameeya. [warka oo dhan

marar fara badan ayaa waxaa dhacda in warar xigashadooda aan la hubin lagu faafiyo shacbiga soomaaliyeed ee dhibaataysan oo u baahan in mar walba aan lagaarsiin warkan oo kale kaasi oo aan kasoo yeerin wasiiradda arimaha dibadda kenya ayuu mas'uulkaasi ku daray oo magaciisa qariyay.

mas'uulkaasi waxaa uu sheegay in dawladda kenya aysan haatan qorsheheeda ku jirin in dib u dhac lagu sameeyo shirka oo arbacadii markale dib loo furay iyadoo ay ka qayb galeen wasiirka arimaha dibadda ee kenya Kalonzo Musyoka iyo ergayga cusub ee loo xilsaaray arimaha soomaaliya Bethwel Kiblagat oo haatan kulamo gooni gooni ah la leh ergooyinka iyo maamulka shirka.

warku waxaa intaasi uu ku darayaa in wasiirka arimaha dibadda uu dhowaan dalka itoobiya kula soo shiri doono wasiirka arimaha dibadda itoobiya iyo midka sudaan isagoo kala soo hadlaya sidii shirka loo saari lahaa cadaadis nabad lagaga dhaliyo ergooyinka ku shiraya kenya.

Ridwaan Xaaji C/weli
Nairobi,Kenya

-dhammaad- 

.... HALKAN KA BAAR WARARKII  IQRA

 ELDORET: Taxanaha Wararka