|
Xaalufin lagu hayo Dhirtii Gobalada Jubada dhexe Iyo J/Hoose
Imaaraadka Carabta oo Qayb Weyn ka ah Bililiqada Soomaaliya...
Wararka naga soo gaaraya Gobalada J/dhexe iyo J/hoose waxay sheegayaan in
degaano faro badan oo markii hore kaymo jiq ah ay hadda isu rogeen dhul
saxaro lama degaano kale ah,ayadoo ay ugu wacantahay sida xad dhaafka oo
loo jarayo dhirtii dabadeedna inta la gubo dhuxul ahaan loo iibgeeyo
wadanka imaaraadka carabta,ayadoo dadka gubaya aan inaba u aabo yeelin
dhir qoyan ama qalalan.
Dad badan oo ka tirsan degaanadaas ayaa qaylo dhaan ka keenaya sida
bahalnimada ah oo loo nabaad guurinayo dhulkii ay daaqsan jireen xoolaha
amase dugaalka u ahaa beeraha,waxay eedda dusha uga tuureen Isbahaysiga
Dooxada jubba oo isagu ka taliya degaanadaas.isla markaana dadka ku
taajiray dhuxusha ay ayagu ku naasnuujinayaan ayagoo isla ah hal
beel, waxayna dadkaasi aad uga cowdeen dhibka haysta degaanka ka sakow in
kuwa jaraya dhirta ay xitaa xeryihii ay degenaayeen ku qasbeen inay ka
guuraan si ay ujaraan dabadeena dhuxul uga dhigtaan.
|
Mukhaadaraadka Lagu Beero Dhul-Beeraadka Soomaaliya
Guji....
|
Waxaa wararku intaa ku darayaa in markab weyn oo ku xiran dekadda
magaalada kismayo lagu bilaabay raridda Dhuxusha kaasoo ay leeyihiin labo
walaalo ah oo haddii loo baahdo aan ku magcaabi doono qoraalada dambe, kuwaasoo ka mid ah dadka
sida weyn ugu taajiray dhoofinta dhuxusha ayagoo u iib geeya wadanka
imaaraadka carabta oo dad badan oo soomaali ahi isku raaceen in wadankaasi
qayb weyn ku leeyahay bililiqada ku dhacday dalka, waayo bay dhaheen haddii
ay ka mamnuuci lahaayeen in la keeno dalkooda ma dhacdeen xaalufintan
ba,an oo ka dhacday dhulkii kaymaha iyo ayda jiqda ahaa.
Sida laga war qabo dadka degaanka Xaramka iyo isbahaysiga dooxada jubba
waxaa dhex maray dagaal ku saabsan gacan ku haynta aaggaas, ayadoo dadka
degaankaasi ay ku andacoodaan inay ka hortagayaan jaridda dhulka oo ay
yiraahdeen markay soo dhameeyeen degaankii kore ayay rabaan inay
xaalufiyaan intaan yar ee ka badbaaday,laakiin maamulka dooxada jubba
waxay ayaguna ku andacoonayaan inay sifeenayaan burcada jid gooyada
dhigata wadada.
Cabdi Xasan Cali Somalitalk.com/Muqdisho
abdi172@hotmail.com
Faafin: SomaliTalk.com | Nov 12, 2003
BARAARUJIN
Warkan hoose waxaan asalkiisii daabacnay
July
2001
Waalidiinta iyo macalimiinta Dugsi qur'aanka oo si wadajira
u canbaareeyey shineemooyinka..
macalimiinta dugsi qur'aanka iyo waalidiinta ku dhaqan magaalada Muqdisho
ayaa walaac ka muujiyey dhibaatada ay shineemooyinku ku hayaan caruurta ku
dhaqan magaalada Muqdisho oo ay sheegeen inay shineemooyinku yihiin caqabada
kaliya ee hortaagan inay caruurtooda si habsami leh wax u bartaan, qaar ka
mida macalimiinta oo sharaxayey dhibaatada ay ka sheeganayaan shineemooyinka,
ayaa sheegay inay tahay: Iyadoo ay hoos u dhacday fahankii ardayda wax barata
iyo waliba iyagoo halkaa ka soo min guuriya dhaqamo shisheeye oo aad u fool
xun, kuwaasoo lidi ku ah diinta Islaamka.
Shineemooyinkan oo ah Video-yo yar yar oo la dhex dhigay qol aad ciriiri ah
oo lagu dhex cabo sigaarka iyo waliba maandooriyayaasha kale ayaan waqti go'an
lahayn oo ay shaqeeyaan, waxaad arkaysaa iyagoo furan habeen iyo maalin taas
oo ay macnaheedu tahay inay inta badan furan yihiin 24-ka saacba, Vedeo-yadan
ayaa soo bandhiga filimaanta Hindiga, Kuwa Maraykanka iyo waliba filimaanta
Jinsiga ah (SEX) oo ay soo bandhigaan habeenkii xilli danbe, filimkaas Jinsiga
ah oo ay ugu magac dareen (MACMACAANKA DHALINYARADA), filimkan ayaa dhowr jeer
Culumadu ka hadleen khatartooda, ayadoo marar badanna loo hanjabay
milkiilayaasha shineemooyinkaas.
Suuqgaynta filimaantan gaar ahaan kuwa Hinndiga ayaa iyaguna waxaa qayb
weyn ka qaata shirkad lagu magacaabo Al-FAGI oo fadhigeedu yahay magaalada
Muqdisho, shirkadan ayaa u turjunta filimaantaas Af-ka Soomaaliga taasoo
keentay inay caruurtu si gaara u xiiseeyaan, shirkadan lagu magacaabo AL-FAGI
ayaan iyadu filimaantaas ku samayn wax Sencership ah ama aan marsiin Jensuuro,
Xiligii ay jirtay dawladii hore ee uu madaxweynaha ka ahaa Maxamed Siyaad
Barre, ayaan iyada marnaba ogolaan jirin Aflaanta Jinsiga iyadoo waliba lahayd
hay'ad si gaara ula socota filimaanta ka imaanaya wadamada reer galbeedka oo
markaas ka jari jirtay ficilada sida gaarka ah wax ugu dhimaya akhlaaqda
bulshada Soomaaliyeed.
ISHA:
SomaliTalk Mogadishu Weekly
..
FOGAANTA U DHEXAYSA
MAGAALOOYINKA SOOMAALIYA....
....
Copyright & Islaamku wuxuu ka qabo.... Akhri
Kulaabo bogga hore ee
www.somalitalk.com
|
114 Suuradood ee Qur'aanka
