Doontani waxaa saarnaa dad gaaraya 172 qofood
waxaana la sheegayaa in dhammaan dadkii doontaas ay caafimaad qabaa, wax ku
dhintayna lama sheegin illaa hadda intii safarkan ku jireen.
Dadkani uu Illaahey safarkoodii uu sahlay ayaa
la sheegayaa inay u badan yihiin Soomaali & Eretrey, waxaa la sheegayaa in 15
ka mid ah ay yihiin carruur, tiro lagu qiyaasay 50-nna ay yihiin ay haweyn.
Seddex ka mid ah haweynkaan ayaa la xaqiijiyay
inay Uur leeyihiin, waxaana isla durbadiiba loo wareejiyay Isbitaalka Magaalada
Ragusa, dhaqaatiirtan Isbitaalkan ayaa sheegay in xaaladdooda caafimaad ay aad
u wanaagsan tahay, laakiin waxaa ka muuqda haraadkii ay soo mareen.
Saxaafadda dalka Talyaaniga ayaa si aad ah u
hadal heysa sidii wax looga qaban lahaa dadkan sida sharci darada ugu soo
qulqulaya Xeebaha Talyaaniga, waxaana maalmahan si joogta ah looga hadlaa
arimaha Soomaalida, ka dib markii ay goor dhow ku naf waayeen Badweynta
Mediterraneum-ka in ka badan 90 qofood bishan oo kaliya.
Ciidamada Amniga ee Talyaaniga ayaa haatan ku
guda jira baarista & diiwaan gelinta dadkan sida sharci darada ku soo galay,
illaa beri galab-na inooma suura geli doonto sidii aan ku heli laheyn magac
yada dadkan soo galay.
Waxaa isla saacaddan (caawa 28-10-2003) ay
Ciidamada Ilaalada Badda ee dekedda Lampedusa sheegeen in ay soo arkeen Laba
doon kale oo ku soo aaddan isla dekeddan, Ciidamada Badda iyaga oo wata
diyaarada-ha lagu ilaaliyo xeebaha ayaa la sheegayaa inay soo galbinayaan
labadan Doon.
Labadan Doon ayaa lagu qiyaasay in mid kiiba
uu saaran yahay ugu yaraan 30 qofoof,
waxaana haddii la isku cel-celiyo tirada qiyaasta ay gaareeysaa in ka badan 70
qofoof.
Hadda-ba wax Alla & wixii ku soo siyaada
Arintan dib ayaan idiin kala soo socodsiin doonaa, waxaana rajeyneynaa in
labadan ay ku soo galaan Dekedda Lampedusa iyaga oo caafimaad qaba, waxaana
ilaahey ka baryeynaa inaysan dul saarneyn ama aysan Badda ku soo tuurin dad ku
geeriyooday Doonta dhexdeeda. Aaaaaamiin Aaaaamiin Aaaamiin Aaamiin Aamiin Amin.
WabiLaahi Towfiiq.
Khalid X. Cali Maalin “Deble”
somalitalk@email.it
tahriibdiid@hotmail.com
amalroma@hotmail.com
Faafin: SomaliTalk.com | Oct 29, 2003
114 Suuradood ee Qur'aanka
